Bomma 1, 9:1 - Bibeli do fee

¹ À kɔ irii inɛi Izirɛli ŋau fei si tiai ilaalui Izirɛli ŋau kpasɛ̃ do kpasɛ̃. Nɔ à na à mu inɛi Zudaa ŋa aru à nɛò ŋa ilɛi Babilɔni si na iyi í jɔ̀ a kù leekĩ do Ilaaɔ̃ nŋu akã.

Bomma 1, 9:1 Iomraidhean Croise

Ilaalu 1, 14:19

Faajii icɛ mmu ŋa iyi Zeroboamu í ce, yaase bɛi í ce igũ do bɛi í jɛ bommaɛ, à kɔɔi si tiai icɛi ilaalui Izirɛli ŋa.

Ilaalu 2, 24:14

Í mu inɛi Zeruzalɛmu ŋau fei aru í nɛò, hai inɛ ngbo ŋa do sooge ŋa do woo gbe jĩi ŋa do gbɛdɛ ŋa zakai aŋa dubu mɛɛwa (10.000). Kãmài ilɛ ŋau aŋa akãi í jɔ̀ bɛ.

Ilaalu 2, 24:15

Í mu Zoakɛ̃ɛ do iyeɛ do aboɛ ŋa do inɛ ngboi woo ce icɛɛ ŋa do inɛ nla nlai ilɛ ŋau í nɛò ŋa Babilɔni.

Ilaalu 2, 24:16

Í mu sooge ŋau fei aru aŋa dubu mɛɛje (7.000), do woo gbe jĩi ŋau do gbɛdɛ ŋau aŋa dubu (1.000). Inɛ ŋa iyi í mu í nɛò ŋau fei, inɛ ŋa iyi aa yɔkɔ a ce igũ ŋai.

Bomma 1, 8:40

Amai Ulamu ŋa, kaasãanɛ ŋai nɔ à mà afa ku ta. Nɔ à bí amu ŋa do tɔku ŋa aŋa cĩɔ do ciitaa (150). Inɛ ŋau bɛ fei tɔkui Bɛnzamɛɛ ŋai.

Bomma 2, 33:11

Ŋɔi Aɔ̃ Lafɛ̃ɛ í jɔ̀ inɛ ngboi soogei ilaalui Asiri ŋau à naa igũ si ŋa nɔ à mu Manasee à daa si isɔ si imɔ, nɔ à dũu do seseei isɔ nkpa ŋa à bɔɛò ilɛi Babilɔni.

Ɛsidarasi 2:1

Hai tako wo ilaalu Nebukanɛsaa í mu inɛi Izirɛli ŋa aru si ilɛɛ iyi à ya kpe Babilɔni. Nɔ si anyii adɔ̃ nkpɔ inɛi nyaanze nŋa ŋa à waa nyi si ilui Zeruzalɛmu do si ilɛi Zudaa fei, inɛ fei wa nyi si iluɛ.

Ɛsidarasi 2:59

Inɛ ŋa iyi à nɛ hai Tɛli-Mela do Tɛli-Haasa do Kerubu-Adaa do Imɛɛ a kù ba a kù mà yaasei nyaanzei bala nŋa ŋa sãa sãa ku ba nŋu bɛ ku nyisi iyi à jɛ inɛi Izirɛli ŋa.

Neemi 11:1

Ŋɔi inɛ ngboi zamaa ŋau à buba Zeruzalɛmu. Nɔ à taa zamaa iyi í gbeu kpasa ku ba a so inɛ akã si inɔi inɛ mɛɛwa fei koo buba Zeruzalɛmu ilu kumáu. Nɔ inɛ mɛɛsã mɛɛsã iyi à gbe a koo a buba si ilu nŋa ŋa.

Neemi 7:5

Ŋɔi Aɔ̃ Lafɛ̃ɛm í daam si idɔ n tɔtɔɔ inɛ ngbo ŋa do inɛ nla ŋa hee do inɛ ŋa iyi à gbe fei ku ba n ce kuka. Ŋɔi ǹ ba tia si bii à kɔ irii inɛ ŋa iyi à sinti ku baau. Iyi ǹ yɛ si tiau wee.

Neemi 7:64

Inɛ ŋau ihɛ̃, à dɛdɛ icui bala nŋa ŋa, amma a kù yɔɔ. Ŋɔi í jɔ̀ à nya ŋa si icɛi kuweeu.

Ezai 3:2

Inɛmɔkɔ ilu gbugbã ŋau do sooge ŋa, woo kiiti ŋa do walii ŋa, woo ce alisi ŋa do woo cua ŋa,

Zeremi 13:19

Mbɛɛ ŋa à cĩmbo ilui Negɛbu ŋau, nɔ inɛ kãma kù wɛɛ iyi á cũu. À ko inɛi Zudaa ŋau fei à nɛò ŋa, à nɛò ŋai fei mam mam.

Zeremi 39:9

Si anyii nŋu, zamaa iyi í gbe si inɔ iluu do inɛ ŋa iyi à fita à koo à ba ŋa ŋau, Nebuzaradãa inɛ ngboi woo degbe ilaaluu í gbã ŋa í nɛò ŋa ilɛi Babilɔni.

Daniɛli 1:2

Ŋɔi Aɔ̃ Lafɛ̃ɛ í so Zoakimu ilaalui Zudaau í daa si awɔ, nɔ í jɔ̀ í so mbɔi jĩnɛ ŋa iyi à jɛ ti kpasɛ̃i Ilaaɔ̃u mɔ í nɛò. Nebukanɛsaa í mu ŋai í nɛò ŋa Babilɔni. Nɔ jĩnɛ ŋa iyi í so ŋau mɔ, í koo í dasi ŋai tengi bii amani ŋa à wa si inɔ ilei iwɛ̃ɛ ŋau.