Bomma 1, 5:2 - Bibeli do fee

² Zudaa í ba gbugbã í re igbã do ifɔɛ ŋa. Nɔ inɛ akãi tɔkuɛ ŋai í na í jɛ ilaalui Izirɛli. Amma de Zozɛfui à ya ka bɛi igbã nŋa.

Bomma 1, 5:2 Iomraidhean Croise

Kusintii Andunya 25:31

Ŋɔi Zakɔbu í jɛaa í ni, bii ì bi bɛɛbɛ, í gbe i taam ama yemma ku jɛɛu wa nnyi.

Kusintii Andunya 35:23

Lea í bíaa Rubɛ̃ɛ yemmaɛu, do Simeɔ̃, do Levii, do Zudaa, do Isakaa, do Zabulɔ̃ɔ.

Kusintii Andunya 48:5

Nsɛi, ama inɛmɔkɔ minjiɛ ŋa iyi ì bí si ilɛi Ezibitiu amu ǹ bɛi ǹ naa ihɛ̃, ǹ jilɛ ŋai bɛi amaabím ŋa, bɛi Rubɛ̃ɛ do Simeɔ̃.

Kusintii Andunya 49:26

Kuweei baaɛ í la. Nɔ í gboka í re iri kuta ŋa iyi à wɛɛ hee do ajɔ fei, nɔ í re amaajɛ ŋa iyi à wa si geetei tako ŋau. Kuweeu, á maa wɛɛ do awɔ Zozɛfu, awɔ iyi ǹ cica ǹ nyaɛ ikã hai si igbãɛ ŋa.

Samuɛli 2, 8:15

Davidi í jɛ bomma si ilɛi Izirɛli fei, nɔ wa mu ilɛu dee dee, wa cea inɛ fei kiiti si ntɔ.

Bomma 1, 28:4

Aɔ̃ Lafɛ̃ɛi inɛi Izirɛli ŋaui í cicam hai si inɔi inɛi kpasɛ̃i baam ŋau fei, ku ba n jɛ ilaalui inɛi Izirɛli ŋa hee do ajɔ fei. Dimii Zudaai í cica ku jɛ inɛ ngbo. Nɔ í cica kpasɛ̃i baam hai si dimii Zudaau. Nɔ si amai baam ŋau, amui í bi n jɛ bomma si Izirɛli fei.

Iri ku kɔ̃ 108:8

Ilaaɔ̃ í fɔ si kpasɛ̃ kumáɛ í ni, amui an jɛ igũ. An kpɛ̃ ilu nlai Sikɛmu, nɔ n wã lɔɔmai Sukɔtuu.

Iri ku kɔ̃ 60:7

Faaba wa do gbugbãɛ nɔ i jɛ nwa, na mba baakɔɔɛ ŋa a fita si.

Misee 5:2

Na ŋɔi í ce, Aɔ̃ Lafɛ̃ɛ á fũsi inɛɛ ŋa awɔ hee koo to waati iyi abo iyi á bí amau ku bí, nɔ inɛɛ ŋa iyi à gbe à wɛɛ si hunde ilɛ mmu a baa a na a tɔtɔɔ do inɛi Izirɛli ŋau.

Kuka 2:3

Do ikpa nunui daakɔi asɔi dimii Zudaa á wa do tuutaɛ, do soogeɛ ŋa. Tengi bɛi Nasɔ̃ɔ amai Aminadabu inɛ ngboi inɛi Zudaa ŋau á buba,

Kuka 7:12

Yaase bɛi à naaò wa wee. Ajɔ sinteu Nasɔ̃ɔ amai Aminadabui í naaò tu ŋa wa hai si dimii Zudaa. Ajɔ minjisiaɛ, Netaneɛli amai Suarii í naaò tu ŋa wa hai si dimii Isakaa. Ajɔ mɛɛtasiaɛ, Eliabu amai Helɔ̃ɔi í naaò tu ŋa wa hai si dimii Zabulɔ̃ɔ. Ajɔ mɛɛsiaɛ, Elisuu amai Sedeui í naaò tu ŋa wa hai si dimii Rubɛ̃ɛ. Ajɔ miiusiaɛ, Selumiɛli amai Surisadaii í naaò tu ŋa wa hai si dimii Simeɔ̃. Ajɔ mɛɛfasiaɛ, Eliasafu amai Deuɛlii í naaò tu ŋa wa hai si dimii Gadi. Ajɔ mɛɛjesiaɛ, Elisama amai Amihudui í naaò tu ŋa wa hai si dimii Efaraimu. Ajɔ mɛɛjɔsiaɛ, Gamiliɛli amai Pedasuui í naaò tu ŋa wa hai si dimii Manasee. Ajɔ mɛɛsãsiaɛ Abidani amai Gidonii í naaò tu ŋa wa hai si dimii Bɛnzamɛɛ. Ajɔ mɛɛwasiaɛ, Ahiezɛɛ amai Amisadaii í naaò tu ŋa wa hai si dimii Dãa. Ajɔ maatakãsiaɛ, Pagiɛli amai Okarãi í naaò tu ŋa wa hai si dimii Azɛɛ. Si ajɔ maateejisiaɛ bɛbɛi, Ahira amai Enaai í naaò tu ŋa wa hai si dimii Nɛfitali. Amua ŋa iyi inɛ akã nŋa fei í naaò wa wee. Pɛrɛnti iyi à ce do isɔ fũfũ iyi kuwoɛ í to garamu dubu do cĩɔ mɛɛta (1.300), do jɛɛ nantaa iyi aa yɔkɔ a dasi inyi walakɔ ikpo iyi aa ya fãsi bi kuweeu. Nŋu mɔ à cooi do isɔ fũfũ, nɔ kuwoɛ í to garamu cĩɔ mɛɛje (700) zaka bɛi à jilɛ si bɛi à ya wã fiai ile kumáu. Pɛrɛntiu do jɛɛ nantaau fei à kɔ̃i do iyafũ iyi à taki do ikpo ku jɛ kuweei iyafũ. Do kɔɔfui wura iyi kuwoɛ í to garamu cĩɔ, nŋu mɔ tuae iyi aa ya joi à dasi í kɔ̃. Nɔ à naaò kɛtɛ kombo akã wa, do angudã kombo akã, do ama angudã kombo akã iyi í ba adɔ̃ akã, inɛ nŋu ŋau bɛ kuwee iyi à ya jo si ina fei sãa sãai aa ceò. Si anyiɛ nɔ à naaò iwo kombo akã iyi aa ceò kuwee iyi á kpa idei dulum du ŋa. Nɔ à nyi à naaò kɛtɛ kombo minji wa má, do angudã kombo miiu do iwo kombo miiu, do ama angudã komboi adɔ̃ akã akã ŋa ara miiu, inɛ nŋu ŋau bɛi aa ceò kuweei anu akã.

Matie 2:6

í ni, Ilaaɔ̃ í ni, iŋɛ inɛi Betelehɛmu ŋa, si ilɛi Zudaa, ntɔ ntɔ, ilu nŋɛ kù kere si ilu nlai Zudaa ŋa fei, si na iyi í jɔ̀ hai si ilu nŋɛi ilaaluu á fita inɛ iyi á gbã inɛi Izirɛli, inɛm ŋa.

Romu 8:29

Ntɔ ntɔ, inɛ ŋa iyi Ilaaɔ̃ í cica hai tako, aŋai í jilɛ ku ba a jɔ Amaɛ. Si bɛɛbɛ Amaɛui á jɛ yemmai ifɔ nkpɔ nkpɔ.

Wooda ku kɔsi 21:17

Baa bii bɛirei, abo iyi kù biu amaɛi í jɛ yemmau, nɔ si amaniɛ ŋa iyi wa kpɛ̃ nŋau, nŋui á ba zaka bɛi wa kpɛ̃a amu ŋau ikɔ minji, domi nŋui í jɛ ama sinteɛ, nɔ nŋui í nɛ kpãai ku ba ikpɛ̃ iyi á jɛ ti yemma.

Wooda ku kɔsi 33:17

Bɛɛrɛi í jɛ ti Zozɛfu. Í nɛ gbugbãi bɛi kɛtɛ kombo. Ngo ku nɛ gbugbã minjiɛ ŋai í ya jaò bɛi ifã. Do nŋui í ya cãò inɛi ilɛ ŋa nɔ ku tale ŋa hee kɔɔi andunya. Akãi ngoɛ ŋaui í jɛ dimi nkpɔ nkpɔi Efaraimu. Iyi ihɔ̃ mɔ, zamaa nkpɔ nkpɔi dimii Manasee.

Ebɛɛ 7:14

Ntɔ ntɔ, à mà iyi à búui si dimii Zudaa. Moizi kù nɔ kù fɔ idei inɛ kãma si gãmɛi dimiu iyi á na ku jɛ woo wee.

Zozue 14:6

Ajɔ nŋu gɔ inɛi dimii Zudaa ŋa à naa à ba Zozue Giligali. Ŋɔi Kalɛbu amai Yɛfune iyi í wa si nyaanzei Kenaziu í sɔ̃ɔ í ni, ye gigii ide iyi Ilaaɔ̃ í sɔ̃ Moizi woo ce icɛɛ si gãmɛi awɔ do amu waati iyi à wa ilui Kadɛsi-Baaneau.

Kuyɛi Zãa 5:5

Ŋɔi inɛ akãi inɛ ngbo ŋau í sɔ̃m í ni, maà kpata. Muusu nla iyi í fita hai si dimii Zudaa iyi í jɛ tɔkui Davidiu í jɛ igũ, á yɔkɔ ku ga sɛɛda mɛɛje ŋau nɔ ku fũ tiau.

Woo kiiti ŋa 1:2

Nɔ Aɔ̃ Lafɛ̃ɛ í jɛ nŋa í ni, dimii Zudaai á tako ku koo, aŋai ǹ daa ilɛu si awɔ.

Samuɛli 1, 16:1

Ŋɔi Aɔ̃ Lafɛ̃ɛ í sɔ̃ Samuɛli í ni, maà kpataa Saulu má domi ǹ kɔ̀siɛ nɔ kaa jɛ ilaalui inɛi Izirɛli ŋa má. Dasi ikpo si inɔ ngoɛ i bɔ Betelehɛmu bi Izai. Si inɔi amaɛ ŋai ǹ yɛ ilaalu iyi an so.

Samuɛli 1, 16:10

Bɛɛbɛi Izai í jɔ̀ ama mɛɛje ŋau à bɔ si wajui Samuɛli, amma Samuɛli í sɔ̃ɔ í ni, Aɔ̃ Lafɛ̃ɛ kù cica baa akã nŋa.

Samuɛli 1, 16:12

Ŋɔi Izai í jɔ̀ a koo a dɛdɛɛ wa. Nɔ wee awaasũ kaasãanɛi nɔ amanɛ nkpai, í nɛ iju kusĩa nɔ wajuɛ í sĩa. Ŋɔi Aɔ̃ Lafɛ̃ɛ í sɔ̃ Samuɛli í ni, dede i tontooaa ikpo si iri, domi nŋui ǹ cica.