Bomma 1, 5:1 - Bibeli do fee

¹ Rubɛ̃ɛi í jɛ ama yemmai Zakɔbu iyi à ya kpe Izirɛli. Amma si bɛi í sũò inɛ akãi aboi baaɛ, baau í so yemma ku jɛu í na Zozɛfu. A kù ka Rubɛ̃ɛ ama yemmai Zakɔbu má.

Bomma 1, 5:1 Iomraidhean Croise

Kusintii Andunya 25:23

Ŋɔi Aɔ̃ Lafɛ̃ɛ í sɔ̃ɔ í ni, dimi minjii í wa si inɔɛ, dimi ŋau aa fɛɛfɛɛ njɛi. Waati iyi aa na a fita hai inɔɛ, inɛ akã á re inɛ akã do gbugbã. Igbãui á na ku sũa ifɔu iri ilɛ.

Kusintii Andunya 25:31

Ŋɔi Zakɔbu í jɛaa í ni, bii ì bi bɛɛbɛ, í gbe i taam ama yemma ku jɛɛu wa nnyi.

Kusintii Andunya 29:32

Iyi Lea í nɛ asĩ nɔ í bí ama inɛmɔkɔ í sɔɔ Rubɛ̃ɛ. Nɔ í ni, Aɔ̃ Lafɛ̃ɛ í yɛ anyɔm. Bɛbɛi mɔkɔm á bim.

Kusintii Andunya 35:22

Nɔ si waati iyi í wa inyau, Rubɛ̃ɛ amaɛu í koo í sũò Biliha aboi baaɛu. Iyi baau í gbɔ ideu ŋɔi í roo jiida jiida. Ama inɛmɔkɔi Zakɔbu ŋau aŋa maateejii fei sãa sãa.

Kusintii Andunya 46:8

Irii inɛi Izirɛli ŋa iyi à nɛ ilɛi Ezibiti ŋau wee, hai Zakɔbu do amaɛ ŋa do tɔkuɛ ŋa. Rubɛ̃ɛi í jɛ yemmai Zakɔbu.

Kusintii Andunya 48:5

Nsɛi, ama inɛmɔkɔ minjiɛ ŋa iyi ì bí si ilɛi Ezibitiu amu ǹ bɛi ǹ naa ihɛ̃, ǹ jilɛ ŋai bɛi amaabím ŋa, bɛi Rubɛ̃ɛ do Simeɔ̃.

Bomma 1, 2:1

Amai Izirɛli ŋau wee. Rubɛ̃ɛ do Simeɔ̃ do Levii do Zudaa do Isakaa do Zabulɔ̃ɔ

Bomma 1, 26:10

Si tɔkui Merari ŋa, Hosa í ba ama mɛɛ. Simurii baa nŋau í na inɛ ngbo ku jɛ baa do iyi nŋu sisi í jɛ yemma.

Kufita 6:14

Irii ilu kpasɛ̃i inɛi Izirɛli ŋa wee. Rubɛ̃ɛi í jɛ ama sintei Izirɛli. Irii amaɛ ŋa mɔ wee. Enɔku do Palu do Esirɔ̃ɔ do Kaami. Inɛ bɛ ŋai à jɛ dimii Rubɛ̃ɛ.

Kuwee 18:8

Maà tɔtɔɔ sɛ̃ɛ do igui iyeɛ gɔ, bii ì ce bɛɛbɛ, ì dasi baaɛ anyɔi.

Kuwee 20:11

Bii inɛ gɔ í sũò aboi baaɛ, í dasi baaɛ anyɔi. Aa kpa lafɛ̃ɛi do abou fei nɔ kurara nŋa ku bii si ŋa.

Kuka 1:5

Iri nŋa ŋa wee. Si dimii Rubɛ̃ɛ inɛ iyi á wa si inɔ nŋɛi í jɛ Elisuu amai Sedeu,

Kuka 16:1

Inɛi Levii gɔ iyi à ya kpe Kore, amai Isaa hai si nyaanzei inɛi Kehati ŋa í tale si inɛ mɛɛtai Rubɛ̃ɛ gɔ ŋa iyi à ya kpe Datãa do Abiramu amai Eliabu ŋa do Oni amai Pelɛti

Kuka 26:5

Sinte titã à ka inɛmɔkɔ si dimii Rubɛ̃ɛ, ama yemmai Zakɔbu nŋu iyi à ya kpe Izirɛli. Dimiɛui í nɛ nyaanze ikã ikã iyi í fita hai si amaɛ ŋa. Hai bi Enɔku, hai bɛi nyaanzei Enɔku í fita, hai bi Palu, hai bɛi nyaanzei Palu í fita,

Kɔrɛnti 1, 5:1

À waa gbɔ bii fei à ni inɛ akã nŋɛ gɔ wa ce sakara iyi baa hai dasi Jesu naanɛ ŋa a kaa yɔkɔ a coo. À ni inɛ akã nŋɛ í ya maa sũò aboi baaɛ.

Wooda ku kɔsi 21:17

Baa bii bɛirei, abo iyi kù biu amaɛi í jɛ yemmau, nɔ si amaniɛ ŋa iyi wa kpɛ̃ nŋau, nŋui á ba zaka bɛi wa kpɛ̃a amu ŋau ikɔ minji, domi nŋui í jɛ ama sinteɛ, nɔ nŋui í nɛ kpãai ku ba ikpɛ̃ iyi á jɛ ti yemma.

Wooda ku kɔsi 27:20

Ikpei á jɛ ti inɛ iyi í sũò inɛ akãi aboi baaɛ, domi do yaase bɛɛbɛ, í dasi baaɛu anyɔi. Nɔ zamaau fei á jɛi ku ni, ami.

Wooda ku kɔsi 33:17

Bɛɛrɛi í jɛ ti Zozɛfu. Í nɛ gbugbãi bɛi kɛtɛ kombo. Ngo ku nɛ gbugbã minjiɛ ŋai í ya jaò bɛi ifã. Do nŋui í ya cãò inɛi ilɛ ŋa nɔ ku tale ŋa hee kɔɔi andunya. Akãi ngoɛ ŋaui í jɛ dimi nkpɔ nkpɔi Efaraimu. Iyi ihɔ̃ mɔ, zamaa nkpɔ nkpɔi dimii Manasee.

Kolosee 1:15

Inɛ gɔ kaa yɔkɔ ku yɛ Ilaaɔ̃. Amma Kirisi Amaɛu Ilaaɔ̃i, nɔ à yɔɔ, í nɔ í jɔɔi dee dee. Kirisiu í wɛɛi hai waati iyi a kù taka andunya.

Zozue 14:6

Ajɔ nŋu gɔ inɛi dimii Zudaa ŋa à naa à ba Zozue Giligali. Ŋɔi Kalɛbu amai Yɛfune iyi í wa si nyaanzei Kenaziu í sɔ̃ɔ í ni, ye gigii ide iyi Ilaaɔ̃ í sɔ̃ Moizi woo ce icɛɛ si gãmɛi awɔ do amu waati iyi à wa ilui Kadɛsi-Baaneau.