Bomma 1, 4:10 - Bibeli do fee

¹⁰ Yabɛsi í ce kutɔɔ í ni, Ilaaɔ̃ Lafɛ̃ɛi inɛi Izirɛli ŋa, jɔ̀ kuweeɛ ku maa wɛɛ do amu. Jɔ̀ ilɛm ku la ku kɔ̃ɔsi. Bii sim awɔɛ i maa degbem, nɔ i jɔ̀ ijuukpã do wahala ku jĩim. Nɔ Ilaaɔ̃ í ceaa amuai mii iyi í tɔɔ.

Bomma 1, 4:10 Iomraidhean Croise

Kusintii Andunya 12:2

Hai bi tɛɛi an jɔ̀ dimi nla nla gɔ ku fita. An weeɛ nɔ n jɔ̀ i nya iri nɔ do saabuɛ inɛ nkpɔ nkpɔ á baò kuwee.

Kusintii Andunya 12:8

Ŋɔi í dede hai bɛ í bɔ ikpa iri kuta gɔ do nunui daakɔi Betɛli nɔ í gũ ilei acɔɛ, wa cɔ ilui Betɛli ikpa nunui alɛ, ilui Ai mɔ ikpa nunui daakɔ. Bɛi í ma bi kuwee nɔ í tɔɔ Aɔ̃ Lafɛ̃ɛ.

Kusintii Andunya 28:20

Si anyiɛ ŋɔi Zakɔbu í ce kuwã í ni, bii Ilaaɔ̃ í wɛɛ do amu nɔ í degbem si isɛɛnɛm nɔu ihɛ̃, nɔ í muum ijɛ do jaaɛ iyi an dasi,

Kusintii Andunya 28:21

nɔ ǹ nyi idei baam baani, nŋui á jɛ Aɔ̃ Lafɛ̃ɛm.

Kusintii Andunya 32:26

Waati iyi aŋaò à waa kò ibuu, mɔkɔu í yɔɔ iyi nŋu kaa yɔkɔ ku kɛkɛɛ, ŋɔi í cã gontaɛ, nɔ kũkũi gontau í sɛkɛɛ.

Kusintii Andunya 32:27

Ŋɔi mɔkɔu í ni, jɔ̀m n nɛ domi iju wa má mbɛ. Amma Zakɔbu í sɔ̃ɔ í ni, bii i kù weem, n kaa n jɔ̀ɛ i nɛ.

Kusintii Andunya 32:28

Ŋɔi mɔkɔu í beeɛ í ni, irei iriɛ. Nɔ í jɛ í ni, amui Zakɔbu.

Kusintii Andunya 33:20

Nɔ Zakɔbu í ma bi kuwee bɛ má si inyau, nɔ í kpoo bi kuweei Ilaaɔ̃ Lafɛ̃ɛi inɛi Izirɛli ŋa.

Kusintii Andunya 48:16

Amalekaɛ í faabam hai si laalɔ baa yooma fei. Ǹ wa n tɔɔɛ ku weea amu ŋau ihɛ̃, nɔ ku jɔ̀ a kpe ŋa do irii amu takam do ti Izaaki baam do ti Aburahamu balam, nɔ ku jɔ̀ a kpɔ a maa kɔ̃ɔsi si ilɛu.

Bomma 1, 16:8

I saabu Aɔ̃ Lafɛ̃ɛ ŋa, i kɔ̃ iri do iriɛ. I sisia dimi mmu ŋa mii nla ŋa iyi í ce ŋa.

Bomma 1, 4:11

Kelubu igbãi Suhai í bí Mehii nɔ Mehii mɔi í bí Esitɔ̃ɔ.

Bomma 1, 4:9

Yabɛsi í nɛ bɛɛrɛ í re ifɔɛ ŋa. Nɔ iyeɛ í sɔɔ Yabɛsii si na iyi í jɔ̀ í ni, ǹ búui do ara kuro.

Zɔɔbu 12:4

Waati iyi ǹ wasi ku tɔɔ Ilaaɔ̃ kú jɛɛm, amui ǹ baa ǹ jɛ yaakoi kpaasim ŋa, amu inɛ dee dee hai nɛ taale gɔ.

Iri ku kɔ̃ 119:173

Woodaɛ ŋai ǹ cica n jirima. Naa i sobim.

Iri ku kɔ̃ 121:7

Aɔ̃ Lafɛ̃ɛi á maa degbeɛ si laalɔ baa yooma fei. Nɔ nŋui á maa mu kuwɛɛɛ.

Iri ku kɔ̃ 145:19

aŋa iyi à mà bɛɛrɛɛ, mii iyi à bi ì ya cooi. Ì ya gbɔ anu ku dɔ̃ nŋai nɔ i faaba ŋa.

Iri ku kɔ̃ 21:4

Wee ì naa bi tɛɛ do kuwee jiida ŋa, nɔ ì daa si fulai wura alala gɔ.

Iri ku kɔ̃ 51:12

Ilaaɔ̃, muum idɔ iyi í maaju nɔ i teese i mua idɔm gbugbã.

Iri ku kɔ̃ 51:8

Amma iyi ì bii í jɛ ntɔ iyi í wa hee si lɛlɛi idɔ. Si lɛlɛi idɔm, jɔ̀ n mà bisiɛ.

Iri ku kɔ̃ 55:16

Ilaaɔ̃, jɔ̀ iku ku zamba ŋa, nɔ a nɛ bi kuwai iku ŋa njaawɛ, domi inɔ kukãi wa kɔ̃ si idɔ nŋa.

Iri ku kɔ̃ 65:2

Ilaaɔ̃, awɔ iyi ì wa Siɔ̃ɔ, ntɔ ntɔ ì to inɛ fei ku cĩɛ, nɔ inɛ fei ku kɔ̃ kuwã ŋa iyi í ceɛ.

Iri ku kɔ̃ 72:17

Bɛi inunu í ya maa fita waati kãma fei jɔ̀ iriɛ ku maa wɛɛ hee do ajɔ fei. Jɔ̀ inɛ ŋa a ya maa kpe iriɛ waati iyi à waa weea njɛ fei, nɔ inɛi ilɛ ŋa fei a fɔ a maa ni, ilu inɔ didɔ̃i.

Iri ku kɔ̃ 99:6

Moizi do Arɔ̃ɔ à wa si inɔi woo weeɛ ŋa, nɔ Samuɛli mɔ í wa si inɔi woo tɔɔɛ ŋa. À kpe Aɔ̃ Lafɛ̃ɛ, nɔ í jɛ nŋa.

Mɔnda ŋa 10:22

Kuweei Aɔ̃ Lafɛ̃ɛi í ya jɔ̀ amanɛ ku ba amani. Kookaaii amanɛ ci ya kɔ̃ɔsi nkãma.

Mɔnda ŋa 30:8

Jɔ̀ ide nfe do ibo ku sɔ ku jĩim. Maà jɔ̀ n jɛ ilu are walakɔ ilu amani. Muum andi iyi á tom n jɛ n maa n wɛɛò.

Ezai 41:10

Maà jɔ̀ njo ku muɛ domi ǹ wɛɛ do awɔ. Maà ti i maa cɔ ilu do zigiida domi amui ǹ jɛ Aɔ̃ Lafɛ̃ɛɛ. An jɔ̀ i nɛ gbugbã, nɔ an naa n faabaɛ. An maa n muɛi do gbugbãm iyi í ya jɔ̀ n jɛ igũ.

Ezai 41:17

Ilu are ŋa do hai nɛ gbugbã ŋa à ya maa dɛdɛ inyi, amma a ci ya ba. Agbɛ í ya jɔ̀ amɛ nŋa ku gbɛi. Amu Aɔ̃ Lafɛ̃ɛ an jɛ nŋa. Amu Aɔ̃ Lafɛ̃ɛi Izirɛli, n kaa n fũsi ŋa awɔ.

Zeremi 33:3

kpem nɔ n jɛɛ. An sisiɛ mii nla nla ŋa, mii ŋa iyi wa manji iyi i kù mà wo.

Matie 26:75

Nɔ Piɛɛ í ye gigii ide iyi Jesu í sɔ̃ɔu wo í ni, hee ajɛɛ ku maa kɔ aa jã isɛ gbɛɛta i ni i kù màm. Ŋɔi í fita í koo wa kpata ntɔ ntɔ.

Matie 6:13

Maà ti i jɔ̀ ka dasi kulɛlɛ, amma nya wa hai si awɔi Seetam. [Domi awɔi ì nɛ bomma do gbugbã do amboe hee do ajɔ fei. Ami.]

Luku 19:42

ǹ bi i mà ŋa wo mii iyi á mu nŋɛ laakai ku sũ baa nnyi. Amma nsɛi í manji nŋɛ.

Laabaau jiida iyi Zãa í kɔ 10:28

Nɔ ǹ mu nŋa kuwɛɛ hai tã, a kaa ku ajɔ kãma, nɔ inɛ gɔ mɔ kaa yɔkɔ ku lakati ŋa hai si awɔm pai.

Laabaau jiida iyi Zãa í kɔ 21:17

Nɔ í sisi í beeɛ má isɛ gbɛɛtasia í ni, Simɔɔ amai Zãa, ì bim? Nɔ inɔi Piɛɛ í fɔ do si bɛi í beeɛ isɛ gbɛɛtasia í ni, ì bim? Ŋɔi Piɛɛ í jɛaa í ni, Lafɛ̃ɛ, ì mà fei ndɛɛ, ì mà kãm kãm iyi ǹ biɛ. Nɔ Jesu í sɔ̃ɔ í ni, to, gbã angudãm ŋa.

Woo bɛ ŋa 3:26

Bɛɛbɛi Ilaaɔ̃ í jɔ̀ woo ce icɛɛ í fita hai bi tu ŋɛ nɔ í bɔɔ wai ku ba ku wee nŋɛ ku ba iŋɛ fei i sinda i jɔ̀ laalɔ ku ce nŋɛ.

Romu 12:9

I maà jɔ̀ kubi nŋɛ ku jɛ do muafiti. I saa laalɔ nɔ i leekĩ si jiida ku ce dim dim ŋa.

Romu 16:19

Iyi í jɛ ti iŋɛ mɔ, inɛ fei í mà bɛi ì waa jirima Lafɛ̃ɛ ŋa. Na nŋu, ǹ wɛɛò inɔ didɔ̃ na iri nŋɛ. Amma ǹ bi í nɛ bisi ŋai ku ba i mà bɛi aa ya ce jiida ŋa, nɔ i jɛ inɛ ŋa iyi laalɔ ku ce í jɛ iwɔ̀ nŋa.

Kɔrɛnti 1, 1:2

à waa ce ŋɛ fɔɔ, iŋɛ inɛi igbɛi Ilaaɔ̃ ŋa iyi ì wa ilui Kɔrɛnti ŋa. À waa ce ŋɛ fɔɔ, iŋɛ iyi Ilaaɔ̃ í kpe ì jɛ tɛɛ ŋa, iŋɛ iyi í cica í jilɛ i maa nɛ anu akã do Jesu Kirisi ŋa. À ce iŋɛ fei fɔɔ hee do inɛ ŋa iyi à wa ilɛ baa yooma fei, inɛ ŋa iyi à waa tɔɔ do irii Lafɛ̃ɛ nwa Jesu Kirisi, nŋu iyi í jɛ Lafɛ̃ɛi awa fei.

Efɛɛzu 1:3

I jɔ̀ ka saabu Ilaaɔ̃ Baai Lafɛ̃ɛ nwa Jesu Kirisi. Na saabui anu akã nwa do Kirisi, í wee nwa do didɔ̃ ikã ikã iyi Hundeɛ wa mu nwa wa hai lele.

Efɛɛzu 3:20

Ilaaɔ̃ í nɛ gbugbã ku ce mii iyi à waa tɔɔ fei do iyi à waa lasabu fei, nɔ á yɔkɔ ku ce baa mii iyi í re bɛɛbɛ mɔm hee ku caa. Gbugbãɛu wa ce icɛ si wa.

Efɛɛzu 4:30

I maà fɔ inɔi Hundei Ilaaɔ̃ ŋa, domi Hundeu bɛi í jɛ sɛɛdai Ilaaɔ̃ si ŋɛ hee koo toò ajɔ iyi Ilaaɔ̃ á yá inɛɛ ŋa mam mam.

Timɔtee 2, 4:18

Lafɛ̃ɛ á nyam hai si laalɔ baa yooma fei, nɔ ku jɔ̀ n lɔ si bommai leleɛ do laakai ku sũ. Ka saabuɛ hee do ajɔ fei. Ami.

Kuyɛi Zãa 3:19

Inɛ ŋa iyi ǹ bi fei, ǹ ya n kpã ŋa ijui nɔ n nyisi ŋa kpãa. Na nŋu, i hanya i kpaasi idɔ ŋa.

Samuɛli 1, 1:17

Ŋɔi Elii í jɛaa í ni, koo do laakai ku sũ. Nɔ Ilaaɔ̃ ku muuɛ mii iyi ì tɔɔɛ.

Samuɛli 1, 1:20

Ŋɔi Ana í ba asĩ si adɔ̃u nɔ í bí ama inɛmɔkɔ nɔ í kpoo Samuɛli í ni, hai bi Aɔ̃ Lafɛ̃ɛi ǹ tɔɔɛ.

Samuɛli 1, 1:26

Ŋɔi Ana í sɔ̃ Elii í ni, lafɛ̃ɛm, ì waa ye gigii inaabo gɔ iyi wa ce kutɔɔ wo kɔkɔɛ? To, hee do kuwɛɛɛ fei, amui.

Samuɛli 1, 1:27

Aɔ̃ Lafɛ̃ɛ í gbɔ kutɔɔm. Ama iyi ǹ tɔɔu nŋui ihɛ̃.