Bomma 1, 24:2 - Bibeli do fee

² Nadabu do Abihu à tako baa nŋa à ku a kù bí ama. Nɔ Eleazaa do Itamaa à waa ce icɛi woo wee ŋa.

Bomma 1, 24:2 Iomraidhean Croise

Kufita 24:1

Si anyii nŋu Aɔ̃ Lafɛ̃ɛ í sɔ̃ Moizi í ni, gũ i naa wa bi tom si iri kutau ihɛ̃ awɔ do Arɔ̃ɔ do Nadabu do Abihu nɔ i nya inɛ ngbo kitaò fɛɛwa hai si inɔi inɛi Izirɛli ŋau i na i gulɛ hee jĩijĩ ŋa.

Kufita 24:9

Si anyii nŋu Moizi í gũ iri kutau, nŋu do Arɔ̃ɔ do Nadabu do Abihu do inɛ ngbo kitaò fɛɛwai inɛi Izirɛli ŋau.

Kufita 29:9

nɔ i dĩ nŋa kungbã ŋau nɔ i da nŋa si fula nŋa ŋau. Hai waati bɛɛbɛi aa jɛ woo wee ŋa hee do ajɔ fei. Yaase bɛi aa ce mbɛ Arɔ̃ɔ do amaɛ ŋau a bɛi a sinti icɛu.

Kufita 6:23

Arɔ̃ɔ í so Eliseba ama inaaboi Aminadabu í ce abo. Aboɛui í jɛ wecĩi Nasɔ̃ɔ, nɔ abou í bíaa Nadabu do Abihu do Eleazaa do Itamaa.

Kuwee 10:12

Nɔ Moizi í sɔ̃ Arɔ̃ɔ do ama inɛmɔkɔ minjiɛ ŋa iyi à gbe ŋau, Eleazaa do Itamaa, í ni, i so kuweei iyafũ iyi í gbe si iyi à jo si ina si wajui Aɔ̃ Lafɛ̃ɛ feiu, nɔ i jɔ́ɔ hai nɛ levɛ̃ɛ kɔkɔi bi kuweeu ŋa, domi mii gɔi iyi í má jiida jiida.

Kuwee 10:2

Ŋɔi ina í dede anu akã hai si wajui Aɔ̃ Lafɛ̃ɛ nɔ í jo ŋa bɛ í kpa ŋa gbakã.

Kuka 18:7

Amma awɔ Arɔ̃ɔ, awɔ do amaɛ ŋa i ya ce icɛi kuwee ŋau bi ku ce kuweeu do ile iyi í re do kumáu iyi í wa do anyii acɔ iyi í fɛɛfɛ ile iyi í re do kumáu do iyi í máu. Amui ǹ ce nŋɛ amuai icɛu bɛ. Bii inɛ mmu gɔ í maai wa bɛ, aa kpaai.

Kuka 26:61

Amma Nadabu do Abihu à ku waati iyi à so ina mmuɛ gɔ à kooò si wajui Aɔ̃ Lafɛ̃ɛ.

Kuka 3:2

Irii amai Arɔ̃ɔ ŋa wee. Yemmaui à ya kpe Nadabu, inɛ ŋa iyi à gbe ŋau mɔ, Abihu, Eleazaa do Itamaa.

Kuka 3:4

Amma Nadabu do Abihu à ku si wajui Aɔ̃ Lafɛ̃ɛ waati iyi à so ina mmuɛ gɔ à kooò ile bi kukou si wajui Aɔ̃ Lafɛ̃ɛ si gbaai Sinaiu. Inɛ nŋu ŋau a kù nɛ ama inɛmɔkɔ kãma. Eleazaa do Itamaai à ya maa ce icɛi kuweeu bɛbɛi nɔ Arɔ̃ɔ baa nŋaui í jɛ inɛ ngbo nŋa.