Bomma 1, 22:2 - Bibeli do fee

² Ŋɔi Davidi í jɔ̀ à tɔtɔɔ inɛ njoo ŋa iyi à wa si ilɛi Izirɛli, nɔ inɛ ŋa iyi à jɛ woo gbe kuta ŋa, í dasi ŋa icɛi kuta ŋa ku gbe iyi aa maò kpasɛ̃i Ilaaɔ̃u.

Bomma 1, 22:2 Iomraidhean Croise

Samuɛli 2, 5:11

Hiramu, ilaalui Tii í bɛ akaweɛ gɔ ŋa do woo gbe jĩi ŋa do woo gbe kuta ŋa bi Davidi, nɔ í jɔ̀ à kooa jĩi ndii sɛɛdi ŋa. Nɔ woo ce icɛ ŋau à koo à maa kpasɛ̃.

Ilaalu 1, 6:7

Si waatii ileu ku ma, kuta ŋa iyi à ce sɔɔluɛ hai bii à ko ŋa waui à ceò icɛu. Na ŋɔi í jɔ̀ a kù gbɔ ibai mataaka kãma walakɔ dagba hee má jɛ jĩnɛi isɔ gɔ.

Ilaalu 2, 12:12

Bii à ka fiau à tã gbakã, à ya koo a daa inɛ ngboi woo ce icɛi kpasɛ̃ ŋau si awɔi. Fiaui à ya sãaò woo gbe jĩi ŋau do woo ce icɛi ile ŋau,

Ilaalu 2, 22:6

hai woo gbe jĩi ŋau do woo ma ŋau do woo ce icɛ ŋau fei. Aŋai aa ya ra jĩi ŋa do kuta ŋa iyi à gbe iyi à nɛ bukaataɛ a teeseò kpasɛ̃u fei.

Bomma 1, 14:1

Hiramu ilaalui Tiiu í bɛ akaweɛ gɔ ŋa wa bi Davidi do jĩi ndii sɛɛdi ŋa, nɔ í bɛ woo gbe kuta ŋa do woo gbe jĩi ŋa mɔ a na a maa kpasɛ̃.

Bomma 1, 29:1

Ŋɔi ilaalu Davidi í sɔ̃ zamaau fei í ni, amam Salomɔɔ nŋu iyi Ilaaɔ̃ í cicau ama awaasũi nɔ kù mà yaasei mii ŋa titã. Nɔ icɛ iyi í nɛ ku ceu í la, domi kpasɛ̃i bommau ihɛ̃ ku jɛ ti amanɛ gɔ, amma ti Aɔ̃ Lafɛ̃ɛi.

Bomma 2, 2:16

Ŋɔi Salomɔɔ í ka inɛ njoo ŋa iyi à wa ilɛi Izirɛliu fei si bɛi Davidi í ka ŋau wo. Ŋɔi à dede aŋa dubu cĩɔ do ciitaa do mɛɛta do cĩɔ mɛɛfa (153.600).

Bomma 2, 2:17

Ŋɔi í nya woo so aso dubu kitaò fɛɛwa (70.000) do woo gbe kuta dubu cinɛ (80.000) do inɛ ngbo dubu mɛɛta do cĩɔ mɛɛfa ŋa (3.600) iyi aa maa cɔ bɛi icɛu wa nɛ nɔ à ya maa kpɛ̃a zamaau icɛ ŋau.

Ɛsidarasi 3:7

Nɔ à so woo gbe kuta ŋa do woo gbe jĩi ŋa à na ŋa fia. Si anyiɛ nɔ à na inɛi Sidɔ̃ɔ ŋa do inɛi Tii ŋa mii ku jɛ ŋa do atɛ̃ do ikpo ku ba inɛ nŋu ŋau mɔ a koo a dɛ nŋa jĩi ndii sɛɛdi ŋa wa hai ilɛi Libãa a dasi akɔi inyi a naaò wa hee ilui Zopee. À cooi do woodai Sirusi ilaalui Pɛɛsiu.

Efɛɛzu 2:12

Waati bɛɛbɛ ì jĩò Kirisi ŋa wo nɔ ì jɛ isɛ mmu bi inɛi Izirɛli ŋa. I kù nɛ baa nŋɛ si akabuu iyi Ilaaɔ̃ í wãò inɛɛ ŋa. Ì wa si andunya ihɛ̃ i kù waa cɔò kpãai nkãma ŋa, nɔ i kù wɛɛa Ilaaɔ̃ ŋa.