Bomma 1, 21:3 - Bibeli do fee

³ Ŋɔi Zoabu í jɛaa í ni, Aɔ̃ Lafɛ̃ɛ ku jɔ̀ zamaau ku kpɔ ikɔ ciwa. Ilaalu lafɛ̃ɛm, inɛ ŋau fei woo ce icɛɛ ŋai. To, na mii í ce ì waa bi i ce bɛɛbɛ i dasiò inɛi Izirɛli ŋau dulum ku ce.

Bomma 1, 21:3 Iomraidhean Croise

Kusintii Andunya 20:9

Ŋɔi Abimelɛki í kpe Aburahamu mɔ, í beeɛ í ni, bɛirei ì ce nwa bɛ. Taale mii ǹ ceɛ, iyi ì naa amu do inɛi bommam ŋa dulum nla nla bɛ ihɛ̃ wa. Kù sĩa i ce bɛi ì ceem nɔu bɛ.

Ilaalu 1, 14:16

Á to nŋa anyi na dulum dii Zeroboamu do iyi í jɔ̀ inɛi Izirɛli ŋa mɔ à ce.

Ilaalu 2, 12:7

Amma í bɔ hee adɔ̃ kɔnfia do mɛɛtasiai bomma ku jɛi Zoasi, woo wee ŋau a kù teese bii kãma si kpasɛ̃i Aɔ̃ Lafɛ̃ɛ.

Bomma 1, 19:13

Ka maà ti ka tɛkɛɛò anyi, ka ce wɔɔkɔ na zamaa nwa do ilui Ilaaɔ̃ Lafɛ̃ɛ nwa ŋau, nɔ Aɔ̃ Lafɛ̃ɛ ku ce bɛi í sĩaa.

Bomma 1, 21:4

Amma ilaaluu í leekĩ dim dim si ide iyi í jilɛa Zoabuu. Ŋɔi Zoabu í koo í dabii si ilɛi Izirɛliu fei, nɔ í sinda í baa Zeruzalɛmu.

Iri ku kɔ̃ 115:14

Aɔ̃ Lafɛ̃ɛ á kɔ̃ɔsi akpɔ nŋɛ, iŋɛ do ama nŋɛ ŋa fei.

Kufita 30:12

bii ì na ì waa ce doai inɛi Izirɛli ŋau inɛ akã fei í nɛ fia iyi á sãam nii ku yaò hundeɛ ku ba wahala kãma ku maà ba ŋa si waatii doau.

Kufita 32:21

Si anyiɛ ŋɔi Moizi í bee Arɔ̃ɔ í ni, mii inɛ ŋau ihɛ̃ à ceɛ iyi ì jɔ̀ à ce dulum nla nla bɛ ihɛ̃.

Mɔnda ŋa 14:28

Bɛɛrɛi ilaalui í jɛ zamaa nkpɔ nkpɔ ku nɛɛ, amma ilaalu iyi kù nɛ zamaa á na ku ce nfe.

Ezai 26:15

Aɔ̃ Lafɛ̃ɛ, awɔi ì jɔ̀ zamaa nwa í la í kɔ̃ɔsi. Awɔi ì kɔ̃ɔsi zamaa nwa nɔ ì ba bɛɛrɛ. Awɔi ì tale kɔɔi ilɛ nwa ŋau fei.

Ezai 48:19

Amaɛ ŋa do tɔkuɛ ŋa aa kpɔi bɛi saai itĩi tenku, nɔ a kaa kpa iri nŋa si wajum.

Wooda ku kɔsi 1:11

Aɔ̃ Lafɛ̃ɛi baa nŋɛ ŋa ku sisi ku kɔ̃ɔsi kukpɔ nŋɛ má ikɔ dubu nɔ ku wee nŋɛ bɛi í tako í ce kuwãɛ wo.

Zozue 22:15

Ŋɔi inɛ ŋau à dede à bɔ ilɛi Galaadi bi dimii Rubɛ̃ɛ ŋa do dimii Gadi ŋa do dimi bubui Manasee ŋa iyi à wa ikpa nunui daakɔu, nɔ à sɔ̃ ŋa à ni,

Samuɛli 1, 2:24

Iŋɛ amam ŋa, i ce laakai ŋa. Iyi ǹ gbɔ à waa fɔ na iri nŋɛ kù sĩa baa keeke. Ì waa dasi inɛi Aɔ̃ Lafɛ̃ɛ ŋa dulum ŋa.