Bomma 1, 21:2 - Bibeli do fee

² Ŋɔi Davidi í sɔ̃ Zoabu do inɛ ngboi sooge ŋau í ni, i koo i ce kukai inɛi Izirɛli ŋau wa ŋa, hai Bɛɛseba hee ku baa Dãa. Nɔ i naa i sɔ̃m ŋa ku ba n mà bɛi akpɔ nŋau í to.

Bomma 1, 21:2 Iomraidhean Croise

Kusintii Andunya 21:14

Ŋɔi Aburahamu í daja í so ijɛ do inyi í na Agaa nɔ í gba í kɔtɔɛ. Nɔ í náa amau í ni a nɛ. Ŋɔi Agaa í nɛ í koo wa dabii si gbaa gɔ iyi à ya kpe Bɛɛseba.

Samuɛli 2, 17:11

Na nŋu amu ǹ bii inɛi Izirɛli fei ku tɔtɔɔ wa bi tɛɛ ihɛ̃, hai Dãa wa hee ku bɔ Bɛɛseba, a kpɔ bɛi sãai itĩ tenku, nɔ awɔ takaɛ i bɔ igũu.

Samuɛli 2, 24:15

Ŋɔi Aɔ̃ Lafɛ̃ɛ í jɔ̀ patapoo í naa si ilɛi Izirɛliu hai daakɔu hee ku bɔ waati iyi Aɔ̃ Lafɛ̃ɛ takaɛ í cica. Nɔ si ilɛu fei hai Dãa hee ku bɔ Bɛɛseba amanɛ dubu kitaò fɛɛwa (70.000) í ku si zamaau.

Samuɛli 2, 3:10

waati iyi í ni nŋu á nya bommau wa hai si kpasɛ̃i Saulu nɔ ku jilɛ bommai Davidi si ilɛi Izirɛli do si ilɛi Zudaa hai Dãa wa hee ku bɔ Bɛɛseba.

Mɔnda ŋa 29:23

Faaui amanɛi í ya too do anyɔ, amma inɛ iyi í ya kaye araɛ á ba saabu.

Kɔrɛnti 2, 12:7

Amma ku ba n maà n ce faau na kukɔsi nlau, bɔ̃ɔ gɔ í na í sɔkɛ sim bɛi agũ. Í naai bɛi woo bɛi Seetam ku na ku cãm nɔ ku ganjim faau ku ce.

Woo kiiti ŋa 20:1

Inɛi Izirɛli ŋau fei à dede hai ilui Dãa hee ku bɔ Bɛɛseba do ilɛi Galaadi, nɔ à tɔtɔɔ ilui Misipa à ce anu akã si wajui Aɔ̃ Lafɛ̃ɛ.

Samuɛli 1, 3:20

Nɔ bɛɛbɛi si ilɛi Izirɛli fei hai Dãa hee ku bɔ Bɛɛseba inɛ ŋa à mà iyi Samuɛli í jɛ waliii Aɔ̃ Lafɛ̃ɛ do ntɔ.