Bomma 1, 21:1 - Bibeli do fee

¹ Seetam í dedeò laalɔ ku cea inɛi Izirɛli ŋa, nɔ í tale si Davidi ku ka inɛi Izirɛli ŋau.

Bomma 1, 21:1 Iomraidhean Croise

Bomma 1, 20:8

Inɛ ŋau bɛ fei dimii Rafa inɛi Gati ŋai. Davidi do soogeɛ ŋa à kpa ŋa.

Bomma 1, 27:24

Zoabu amai Seruyai í sinti ku ce kukau, amma kù kpa iriɛ, domi idɔɔkɔ̃i Ilaaɔ̃ í dede si inɛi Izirɛli ŋau na irii kukau. Na ŋɔi í jɔ̀ a kù kɔ jia nŋa si tiai icɛi ilaalu Davidi.

Bomma 1, 7:40

Inɛ ŋau bɛ fei, tɔkui Azɛɛ ŋai. Aŋai à jɛ inɛ ngboi kpasɛ̃ nŋa ŋa. Nɔ kaasãanɛ woo mà igũ ku ce ŋai. Aŋai à jɛ inɛ ngbo ilu bɛɛrɛ ŋa. À ka ŋa aŋa dubu kɔnfia do mɛɛfa (26.000) iyi à to à so jĩnɛi igũ à bɔò igũ.

Zɔɔbu 2:1

Ŋɔi amalekai Ilaaɔ̃ ŋa à naa bi Aɔ̃ Lafɛ̃ɛ má ajɔ nŋu gɔ, nɔ Seetam mɔ í wa inɔ nŋa wa.

Kufita 30:12

bii ì na ì waa ce doai inɛi Izirɛli ŋau inɛ akã fei í nɛ fia iyi á sãam nii ku yaò hundeɛ ku ba wahala kãma ku maà ba ŋa si waatii doau.

Zakari 3:1

Si anyiɛ ǹ ce kuyɛ má. Si kuyɛu ǹ yɛ Zozue woo wee nlau. Ǹ yɛ wa leekĩ si wajui amalekai Aɔ̃ Lafɛ̃ɛ, nɔ Seetam wa leekĩ ikpa awɔ njɛɛ, wa yɛ taaleɛ.

Matie 4:3

Ŋɔi Seetam woo lɛlɛu, í naa siɛ í ni, bii awɔ Amai Ilaaɔ̃i do ntɔ, jɔ̀ kuta ŋau ihɛ̃ a kpɔò pɛ̃ɛ.

Luku 11:53

Iyi Jesu í fɔ bɛɛbɛ í tã ŋɔi í fita hai bɛ. Ŋɔi idɔi woo kɔ inɛ ŋa si wooda do Farisi ŋau í kɔ̃ nɔ à wasi ku manteɛ do ide ku bee si gãmɛi ide nkpɔ,

Luku 22:31

Ŋɔi Jesu í ni, Simɔɔ, Simɔɔ, Seetam í tɔɔ kpãa ku ba ku fɛɛ bɛi iya.

Laabaau jiida iyi Zãa í kɔ 13:2

Ŋɔi Jesu do mɔcɔɛ ŋa à waa jɛ ajɔ. Wee Seetam í tale si Zudasi Isikariɔti amai Simɔɔu ku zambaɛ tã.

Woo bɛ ŋa 5:3

Iyi í na ŋa fiau ŋɔi Piɛɛ í beeɛ í ni, Ananiasi, bɛirei í ce ì jɔ̀ Seetam í lɔ si idɔɛ hee ì waa sɔa Hundei Ilaaɔ̃ ibo nɔ ì jɔ̀ bubui fiai ikou ndɛɛ.

Ebɛɛ 10:24

Ka ce laakaii njɛ ku ba ka ya mua njɛ gbugbã iyi á jɔ̀ ka bi inɛ ŋa nɔ ka maa ce icɛ jiida.

Zaaki 1:13

Bii à waa lɛlɛ inɛ gɔ do laalɔ ku maà ti ku ni Ilaaɔ̃i wa lɛlɛ nŋu. A ci ya lɛlɛ Ilaaɔ̃ do laalɔ, bɛɛbɛ mɔi nŋu takaɛ ci ya lɛlɛ inɛ gɔ do laalɔ.

Kuyɛi Zãa 12:10

Si anyii nŋu, nɔ ǹ gbɔ ide ku fɔ nla gɔ lele í ni, nsɛi, waatii faabau í to wa. Nsɛi, Aɔ̃ Lafɛ̃ɛ nwa í nyisi gbugbãɛ, nɔ í jilɛ bommaɛ. Nsɛi, inɛ iyi í cicau í gba inɛ ngbo ku jɛɛ, domi woo yɛ taalei inɛ nwa ŋa, nŋu iyi í ya maa fɔ laalɔ nŋa si wajui Ilaaɔ̃ dasãò idũ à nyɔɔ wa hai lele.