Bomma 1, 2:51 - Bibeli do fee

⁵¹ do Salima iyi í jɛ baai Betelehɛmu, do Harɛfu iyi í jɛ baai Bɛti-Gadɛɛ.

Bomma 1, 2:51 Iomraidhean Croise

Kusintii Andunya 35:19

Rasɛli í ku nɔ à suu itĩ kpãai Efarata. Efarataui à waa kpe Betelehɛmu si nsɛi.

Bomma 1, 2:50

Kalɛbu í nɛ tɔku mmuɛ ŋa má. Uu í jɛ ama sinte iyi Efarata í bíaa. Uu mɔ í bí ama mɛɛta. Iri nŋai Sobali iyi í jɛ baai Kiria-Yarimu,

Bomma 1, 2:52

Amai Sobali iyi í jɛ baai inɛi Kiria-Yarimu ŋai Haroe do Hatisi-Hamenuhɔti.

Bomma 1, 4:4

Penuɛlii í jɛ baai Gedɔɔ, nɔ Ezɛɛ í jɛ baai Husa. Inɛ bɛ ŋai à jɛ amai Uu yemmai Efarata iyi í jɛ baai Betelehɛmu.

Matie 2:1

À bí Jesui Betelehɛmu si ilɛi Zudee si waatii ilaalu Herodu. Si anyii kubíɛ woo mà yaasei leleaɔ̃ gɔ ŋa à naa Zeruzalɛmu hai nunui daakɔ,

Matie 2:6

í ni, Ilaaɔ̃ í ni, iŋɛ inɛi Betelehɛmu ŋa, si ilɛi Zudaa, ntɔ ntɔ, ilu nŋɛ kù kere si ilu nlai Zudaa ŋa fei, si na iyi í jɔ̀ hai si ilu nŋɛi ilaaluu á fita inɛ iyi á gbã inɛi Izirɛli, inɛm ŋa.

Laabaau jiida iyi Zãa í kɔ 7:42

Kukɔi idei Ilaaɔ̃ kù ni inɛ iyi Ilaaɔ̃ í cicau á fita wai hai si dimii Davidi? Hai Betelehɛmu ilui Davidi takaɛi á naa.

Ruutu 1:1

Si waati iyi inɛ ngbo ŋau à waa mu ilɛi Izirɛli, ŋɔi ari í naa si ilɛu. Ŋɔi inɛi Betelehɛmu gɔ í dede hai ilɛi Zudaa nŋu do aboɛ do ama inɛmɔkɔ minji nŋa ŋa à koo à buba ilɛi Moabu.

Ruutu 1:19

Ŋɔi aŋaò fei à nɛ hee Betelehɛmu. Kuto nŋa í dede anu ku dɔ̃ nla nla si iluu. Inaabo ŋa à wasi ku ni, Naomi mbɛ ntɔ ntɔ?

Ruutu 2:4

Iyi í ce sãa ŋɔi Boazi í to wa hai Betelehɛmu. Nɔ í ce woo mu ŋau fɔɔ í ni, Aɔ̃ Lafɛ̃ɛ ku wɛɛ do iŋɛ. Nɔ aŋa mɔ à jɛaa à ni, Aɔ̃ Lafɛ̃ɛ ku weeɛ.

Ruutu 4:11

Ŋɔi inɛ ngbo ŋau hee do inɛ ŋa iyi à wa bɛ ŋau fei à jɛ à ni, oo, à jɛ sɛɛda. Aɔ̃ Lafɛ̃ɛ ku weea inaabo iyi wa naa si inɔ kpasɛ̃ɛu. Aɔ̃ Lafɛ̃ɛ ku jɔ̀ ku yɛ bɛi Rasɛli do bɛi Lea, abo minjii Zakɔbu ŋau, aŋa iyi à ma kpasɛ̃i Izirɛli. Nɔ Aɔ̃ Lafɛ̃ɛ ku jɔ̀ amanii awɔ takaɛ ku la si dimii Efarata nɔ iriɛ ku bɔ lele si ilui Betelehɛmu fei.