Bomma 1, 16:2 - Bibeli do fee

² Waati iyi Davidi í ce kuwee ŋau í tã, ŋɔi í weea zamaau do irii Aɔ̃ Lafɛ̃ɛ.

Bomma 1, 16:2 Iomraidhean Croise

Kusintii Andunya 14:19

Nɔ í weea Aburamu í ni, Ilaaɔ̃ iyi í re mii fei iyi í taka lele do ilɛ ku weeɛ.

Kusintii Andunya 20:7

Amma nsɛi, sindoa mɔkɔu aboɛ, domi waliii wa jɛ. Á ceɛ kutɔɔ nɔ i maa wɛɛ. Amma bii i kù sindoaa aboɛ, jɔ̀ i mà iyi aa na i kui, awɔ do inɛɛ ŋa fei.

Kusintii Andunya 47:10

Zakɔbu í nyi í weea Faraɔ̃ má í bɛi í fita hai bi tɛɛ.

Kusintii Andunya 47:7

Si anyiɛ ŋɔi Zozɛfu í gbã Zakɔbu baaɛu mɔ í koo í nyisi Faraɔ̃, nɔ Zakɔbu í weea Faraɔ̃.

Samuɛli 2, 6:18

Waati iyi Davidi í ce kuwee ŋau í tã, ŋɔi í weea zamaau do irii Aɔ̃ Lafɛ̃ɛi lele do ilɛ.

Bomma 1, 16:1

Iyi à toò kpakou wa ŋɔi à koo à jilɔɔ si ilei acɔ iyi Davidi í gũaa. Si anyiɛ nɔ à cea Ilaaɔ̃ kuwee ŋa iyi à ya jo si ina fei sãa sãa do kuweei anu akã ŋa.

Bomma 1, 16:3

Si anyiɛ nɔ í kpɛ̃a inɛi Izirɛli ŋau fei sɔnda, hai inɛmɔkɔ do inaabo, inɛ fei í ba pɛ̃ɛ akã do kaai isoi kanda akã do kaai isoi rezɛ̃ɛ akã.

Bomma 2, 29:29

Iyi à ce kuweeu à tã, ŋɔi ilaaluu do inɛ ŋa iyi à wa bi tɛɛu fei à sɛɛbata má à waa tɔɔ Aɔ̃ Lafɛ̃ɛ.

Bomma 2, 30:27

Ŋɔi woo wee ŋau do inɛi Levii ŋau à dede nɔ à weea zamaau. Nɔ Aɔ̃ Lafɛ̃ɛ í gbɔ kutɔɔ nŋa, domi kutɔɔu í to siɛ hee lele bi kuwa kumáɛu.

Ezekiɛli 45:17

Amanluui á ya na mii ŋa iyi aa ya ceò kuwee iyi à ya jo si ina fei sãa sãa, do kuweei iyafũ ŋa do ti atɛ̃ vɛ̃ɛ ŋa si waatii jingau ŋa iyi à jɛ ti cukpa titɔ̃, do ti ajɔi kusĩmi ŋa, do ti awaati mmu gɔ ŋa bii inɛi Izirɛli ŋau aa ya tɔtɔɔ. Amanluui á ya so asoi kuwee iyi í ya kpa idei dulum ŋa do ti iyafũ ŋa, do kuwee iyi à ya jo si ina fei sãa sãa, do ti anu akã, ku ba n cea inɛi Izirɛli ŋau suurui dulum du ŋa.

Kuwee 1:3

Bii lafɛ̃ɛ wa ce kuwee iyi à ya jo si ina fei sãa sãa, nɔ hai si inɔi mɛɛmu gaa ŋa iyi à laui wa bi ku mu, lafɛ̃ɛu ku mu kɛtɛ kombo iyi kù nɛ leebu kãma nɔ ku gbã ku bɔòɛ anui ile bi kukou nɔ ku ceò kuweeu ku ba ku dɔ̃a amu Aɔ̃ Lafɛ̃ɛ si.

Ebɛɛ 7:7

Kù nɛ sika gɔ, inɛ iyi í re nŋui í ya weea kpaasi.

Zozue 22:6

Si anyii nŋu, ŋɔi Zozue í wee nŋa nɔ í ni má, bɛbɛi do amani nla nlai ì waa nyiò ilei acɔ nŋɛ ŋa. Ì gba mɛɛmu gaa ŋa do isɔ fũfũ do wura do isɔ nkpa do isɔ dũdũ do ibɔ ŋa hai bi mbɛɛ nŋɛ ŋa. Amani iyi ì ba ŋau bɛ fei ŋa i koo i ce ikpɛ̃ɛ do inɛ nŋɛ ŋa iyi ì jɔ̀ bɛ ŋau. Iyi Zozue í fɔ bɛɛbɛ í tã nɔ í ni a nɛ. Dimii Manasee ŋau wee bubu nŋai Moizi í tako í na inya gɔ si ilɛi Basãa ikpa nunui daakɔi idoi Zuudɛ̃ɛu, nɔ bubu iyi í gbeu Zozuei í kpɛ̃a aŋa mɔ ilɛ ŋa ikpa nunui alɛu kɔkɔi kpaasi nŋa ŋa.