Bomma 1, 16:1 - Bibeli do fee

¹ Iyi à toò kpakou wa ŋɔi à koo à jilɔɔ si ilei acɔ iyi Davidi í gũaa. Si anyiɛ nɔ à cea Ilaaɔ̃ kuwee ŋa iyi à ya jo si ina fei sãa sãa do kuweei anu akã ŋa.

Bomma 1, 16:1 Iomraidhean Croise

Ilaalu 1, 3:15

Ŋɔi Salomɔɔ í jĩ. Nɔ í mà iyi Ilaaɔ̃i í ba nŋu ide ku fɔ si alau. Ŋɔi í baa Zeruzalɛmu nɔ í bɔ si wajui kpakoi akabuui Aɔ̃ Lafɛ̃ɛ. Nɔ í ce kuwee iyi à ya jo si ina fei sãa sãa do kuweei anu akã ŋa. Nɔ í nya jingau na woo ce icɛ ŋa.

Ilaalu 1, 8:62

Ŋɔi ilaaluu do inɛi Izirɛli ŋau fei à cea Aɔ̃ Lafɛ̃ɛ kuwee ŋa.

Bomma 1, 15:1

Davidi í jɔ̀ à maa ile ŋa si ilui Davidi. Nɔ í ce bi kuwai kpakoi Ilaaɔ̃u nɔ í gũa ilei acɔ.

Bomma 1, 15:12

Ŋɔi í sɔ̃ ŋa í ni, iŋɛi ì jɛ inɛ ngboi kpasɛ̃ ŋa si dimii inɛi Levii ŋa. I ce buki iyi á jɔ̀ i maaju ŋa iŋɛ do inɛi kpasɛ̃ nŋɛ ŋa fei. Nɔ i koo i so kpakoi akabuui Aɔ̃ Lafɛ̃ɛi inɛi Izirɛli ŋau i baaò wa si bi kuwa iyi ǹ cea sɔɔluɛu ŋa.

Bomma 1, 15:3

Ŋɔi Davidi í tɔtɔɔ inɛi Izirɛli ŋau fei Zeruzalɛmu bɛ ku ba a koo a baaò kpakou wa si bi kuwa iyi í ceau.

Bomma 1, 16:2

Waati iyi Davidi í ce kuwee ŋau í tã, ŋɔi í weea zamaau do irii Aɔ̃ Lafɛ̃ɛ.

Bomma 1, 6:16

Waati iyi Davidi í gũa Aɔ̃ Lafɛ̃ɛ ilei acɔ nɔ í so kpakoi akabuuu í koo í jilɔɔ bɛ, waati bɛɛbɛi í so inɛi Levii gɔ ŋa à jɛ inɛ ngboi woo kɔ̃ iri ŋa.

Bomma 2, 1:4

Tako wo Davidi í so kpakoi Ilaaɔ̃u hai ilui Kiriati-Yarimu í nyiò agbɛ bii í ceaa sɔɔluɛu domi í ceaa ilei acɔ gɔ ilui Zeruzalɛmu.

Iri ku kɔ̃ 132:8

Aɔ̃ Lafɛ̃ɛ, dede i naa si inyai bi kusĩmiɛu awɔ do kpakoi akabuuɛu, kpako si bii gbugbãɛ í wau.

Kuwee 3:9

Si iŋai kuweeu, iyi aa jo si ina ku jɛ ti amu Aɔ̃ Lafɛ̃ɛ wee. Akpaamuu fei hee ku koo si bũu, do ikpo iyi wa bii mii ndii inɔ ŋau fei,