Bomma 1, 15:3 - Bibeli do fee

³ Ŋɔi Davidi í tɔtɔɔ inɛi Izirɛli ŋau fei Zeruzalɛmu bɛ ku ba a koo a baaò kpakou wa si bi kuwa iyi í ceau.

Bomma 1, 15:3 Iomraidhean Croise

Samuɛli 2, 6:12

Si anyiɛ, ŋɔi à naa à sɔ̃ Davidi iyi Aɔ̃ Lafɛ̃ɛ í weea kpasɛ̃i Obɛdi-Edɔmu do mii ŋa iyi í nɛ fei, na kpakoi Ilaaɔ̃u. Nɔ Davidi í dede í dasi kpãa, í jɔ̀ à koo à so kpakou wa hai kpasɛ̃i Obɛdi-Edɔmu à waa bɔò hee ilui Davidiu do inɔ didɔ̃.

Samuɛli 2, 6:17

Iyi à toò kpakou wa ŋɔi à koo à jilɔɔ si ilei acɔ iyi Davidi í gũaa. Nɔ Davidi í ce kuwee iyi à ya jo si ina fei sãa sãa do kuweei anu akã ŋa.

Ilaalu 1, 8:1

Ŋɔi ilaalu Salomɔɔ í tɔtɔɔ inɛ ngboi Izirɛli ŋau do inɛ ngboi dimi ŋau fei do inɛ ngboi kpasɛ̃ nŋa ŋau Zeruzalɛmu bi tɛɛ bɛ ku ba a koo a so kpakoi akabuui Aɔ̃ Lafɛ̃ɛu wa hai ilui Davidi iyi í jɛ Siɔ̃ɔ.

Bomma 1, 13:2

Nɔ í sɔ̃ inɛi Izirɛli ŋa iyi à tɔtɔɔ bɛ fei í ni, bii í jɛ ì yɔɔ iyi í sĩa ŋa, nɔ Aɔ̃ Lafɛ̃ɛ nwai í jilɔɔ si bɛɛbɛ, ka bɛ inɛ ŋa bii fei si kpaasi nwa ŋa iyi à gbe si ilɛi Izirɛliu fei, do bi woo wee ŋau do si dimii Levii ŋau do si ilui ilɛ nŋa ŋa ku ba awaò ŋa ka tɔtɔɔ inya akã.

Bomma 1, 13:5

Ŋɔi Davidi í tɔtɔɔ inɛi Izirɛli ŋau fei hai kɔɔi ilɛi Ezibitiu hee ku bɔ andɛi ilui Amati ku ba a baaò kpakoi Ilaaɔ̃u wa hai Kiriati-Yearimu.

Bomma 1, 15:1

Davidi í jɔ̀ à maa ile ŋa si ilui Davidi. Nɔ í ce bi kuwai kpakoi Ilaaɔ̃u nɔ í gũa ilei acɔ.

Bomma 1, 15:12

Ŋɔi í sɔ̃ ŋa í ni, iŋɛi ì jɛ inɛ ngboi kpasɛ̃ ŋa si dimii inɛi Levii ŋa. I ce buki iyi á jɔ̀ i maaju ŋa iŋɛ do inɛi kpasɛ̃ nŋɛ ŋa fei. Nɔ i koo i so kpakoi akabuui Aɔ̃ Lafɛ̃ɛi inɛi Izirɛli ŋau i baaò wa si bi kuwa iyi ǹ cea sɔɔluɛu ŋa.

Bomma 1, 16:1

Iyi à toò kpakou wa ŋɔi à koo à jilɔɔ si ilei acɔ iyi Davidi í gũaa. Si anyiɛ nɔ à cea Ilaaɔ̃ kuwee ŋa iyi à ya jo si ina fei sãa sãa do kuweei anu akã ŋa.

Bomma 2, 1:2

Ŋɔi Salomɔɔ í tɔtɔɔ inɛi Izirɛli ŋau fei, hai inɛ ngboi sooge dubu ŋau do ti cĩɔ ŋau do woo kiiti ŋau do inɛ ngboi Izirɛli ŋau fei do inɛ ngboi kpasɛ̃ ŋau í ba ŋa ide ku fɔ.

Bomma 2, 1:4

Tako wo Davidi í so kpakoi Ilaaɔ̃u hai ilui Kiriati-Yarimu í nyiò agbɛ bii í ceaa sɔɔluɛu domi í ceaa ilei acɔ gɔ ilui Zeruzalɛmu.

Bomma 2, 5:2

Ŋɔi Salomɔɔ í tɔtɔɔ inɛ ngboi Izirɛli ŋau Zeruzalɛmu do inɛ ngboi dimi ŋau fei do inɛ ngboi kpasɛ̃ nŋa ŋa ku ba a koo a so kpakoi akabuui Aɔ̃ Lafɛ̃ɛu wa hai ilui Davidi iyi í jɛ Siɔ̃ɔ.

Kufita 40:20

Si anyiɛ nɔ í so kuta si bii à kɔ wooda mɛɛwa ŋau í dasi inɔi kpakoi akabuuu, nɔ í so jĩi ŋa iyi à ya soò kpakou í jilɛ ŋa si agbɛ nŋa, nɔ í bii kpakou do amaɛ.

Kuwee 9:5

Nɔ à naaò mii ŋa iyi Moizi í fãa ŋau wa si wajui ile bi kukou. Nɔ inɛi Izirɛli ŋau fei à sɛkɛɛ wa à naa à leekĩ si wajui Aɔ̃ Lafɛ̃ɛ.