Bomma 1, 13:6 - Bibeli do fee

⁶ Nɔ Davidi do inɛi Izirɛli ŋau fei à bɔ Baala waatɔ Kiriati-Yearimu si ilɛi Zudaa kpakoi Aɔ̃ Lafɛ̃ɛu ku so wa. Si antaii kpakoui amaleka iyi à ya kpe serubɛ̃ɛ ŋau à wa, nɔ bɛi à ya maa kpe irii Aɔ̃ Lafɛ̃ɛu.

Bomma 1, 13:6 Iomraidhean Croise

Zozue 15:9

Hai antaii iri kutau nɔ í nɛ hee ikpa isɔ̃i Nɛfutoa nɔ í mɔsi hee ikpa ilu ŋa iyi à wa kɔkɔi iri kutai Eforɔ̃ɔu, nɔ í bɔ hee Baala iyi à ya kpe Kiria-Yarimuu.

Ilaalu 2, 19:15

Si anyii nŋu, ŋɔi Ezekiasi í tɔɔ Aɔ̃ Lafɛ̃ɛ í ni, Aɔ̃ Lafɛ̃ɛi lele do ilɛ, Aɔ̃ Lafɛ̃ɛi inɛi Izirɛli ŋa, awɔ iyi ì waa buba si antaii serubɛ̃ɛ ŋa, awɔ akãi ì jɛ Aɔ̃ Lafɛ̃ɛi bomma ŋa fei si ilɛu ihɛ̃. Awɔi ì taka lele do ilɛ.

Kufita 25:22

An naai si antaii ama ambiii kpakou si aninii serubɛ̃ɛ minji ŋau. Tengi bi kpakoui awaɛ aa ka ya ka ko, nɔ an sɔ̃ɛ wooda iyi í jɛ ti inɛi Izirɛli ŋa fei.

Samuɛli 1, 4:4

Na ŋɔi í jɔ̀ à bɛ inɛ gɔ ŋa Siloo bɛ a koo a so kpakoi akabuui Aɔ̃ Lafɛ̃ɛi lele do ilɛ, nŋu iyi wa buba si afei amaleka ŋa iyi à ce si kpakou iyi à ya kpe serubɛ̃ɛ ŋau bɛ. Ŋɔi Ɔfini do Fineɛzi amai Elii ŋau à toò kpakou wa.

Zozue 15:60

Kiria-Baali iyi à ya kpe Kiria-Yarimuu mɔ í wa si do Raba. Nŋu mɔ í ce ilu nla minji do ilɛɛko nŋa ŋa.

Ezai 37:16

Aɔ̃ Lafɛ̃ɛi lele do ilɛ, Aɔ̃ Lafɛ̃ɛi inɛi Izirɛli ŋa, awɔ iyi ì waa buba si antaii serubɛ̃ɛ ŋa, awɔ akãi ì jɛ Aɔ̃ Lafɛ̃ɛi bomma ŋa fei si ilɛu ihɛ̃. Awɔi ì taka lele do ilɛ.

Iri ku kɔ̃ 99:1

Aɔ̃ Lafɛ̃ɛi í jɛ ilaalu, nɔ inɛ ŋa à waa yaya. Wa buba si antaii serubɛ̃ɛ ŋa, nɔ ilɛ wa yaya.

Iri ku kɔ̃ 80:1

Iriu ihɛ̃ ti inɛ ngboi woo kɔ̃ iri ŋai do Azafu. À ya kɔ̃ɔi do mɔɔlɔ. Iriu ti gigi ku yei.

Ilaalu 1, 8:16

hai ajɔ iyi ǹ nya zamaam inɛi Izirɛli ŋa wa hai ilɛi Ezibiti, n kù cica ilu gɔ si dimii inɛi Izirɛli ŋa tengi bii aa maam ile bii an maa n wa, amma Davidii ǹ cica ku jɛ ilaalui zamaam inɛi Izirɛli ŋa.

Kuka 7:89

Waati iyi Moizi í lɔ ile bi kukou ku ba ku ba Aɔ̃ Lafɛ̃ɛ ide ku fɔ, í gbɔ ide ku fɔi Aɔ̃ Lafɛ̃ɛ wa naa hai lele hai si antaii ama ambii kpakoi akabuu si aninii serubɛ̃ɛ minji ŋau, ŋɔi aŋaò à fɔ ide.

Kuka 6:27

Bii woo wee ŋau à fɔ bɛɛbɛ do irim ku ba a weea inɛi Izirɛli ŋa, amui an gba kuweeu.

Kufita 23:21

I ce laakai i maa jirimaɛ ŋa nɔ i maà kɔ̀ ideɛ ku gbɔ ŋa. Bii ì kɔ̀ ideɛ ku gbɔ ŋa kaa ce nŋɛ suuru domi do irim nii wa ce icɛ.

Kufita 20:24

I maam bi kuwee do pɔkɔdɔ ŋa tengi bii aa ya naam angudã nŋɛ ŋa do kɛtɛ nŋɛ ŋa iyi aa ceò kuwee i saabum do, do iyi à ya jo si ina fei sãa sãa ŋau. Nɔ tengi bii ǹ cica i maa tɔɔm ŋa fei, an naa bɛ ǹ na ǹ wee nŋɛ.

Zozue 9:17

Ŋɔi inɛi Izirɛli ŋau à dasi kpãa à waa koo nɔ si ajɔ mɛɛtasia à to idei inɛ ŋau. Irii ilu nŋa ŋau wee. Gabaɔ̃ɔ do Kefira do Berɔti do Kiria-Yarimu.

Samuɛli 1, 6:21

Ŋɔi à bɛ inɛ ŋa a koo a sɔ̃ inɛi ilui Kiria-Yarimu ŋa a ni, wee inɛi Filisi ŋau à baaò kpakoi akabuui Aɔ̃ Lafɛ̃ɛ wa. I naa i soo i nɛò ide nŋɛ.