Biblia Todo Logo
Bìoball air-loidhne

- Sanasan -




Bomma 1, 13:2 - Bibeli do fee

2 Nɔ í sɔ̃ inɛi Izirɛli ŋa iyi à tɔtɔɔ bɛ fei í ni, bii í jɛ ì yɔɔ iyi í sĩa ŋa, nɔ Aɔ̃ Lafɛ̃ɛ nwai í jilɔɔ si bɛɛbɛ, ka bɛ inɛ ŋa bii fei si kpaasi nwa ŋa iyi à gbe si ilɛi Izirɛliu fei, do bi woo wee ŋau do si dimii Levii ŋau do si ilui ilɛ nŋa ŋa ku ba awaò ŋa ka tɔtɔɔ inya akã.

Faic an caibideil Dèan lethbhreac




Bomma 1, 13:2
16 Iomraidhean Croise  

Ŋɔi à sɔ̃ɔ à ni, bii ì jɛsi i ce nŋa icɛ nɔ i jɛ nŋa ide didɔ̃, aa jɛ woo ce icɛɛ ŋai hee do ajɔ fei.


Wee si waati nŋu Yoramu nŋu í wa Yizireɛli à waa ceaa iwɔ na kumɛɛ iyi í ba si igũi aŋaò ilaalui Siriu. Ŋɔi Yehu í sɔ̃ kpaasi woo ja igũɛ ŋau í ni, bii ì jɛsi n jɛ ilaalu ntɔ ntɔ ŋa, i maà jɔ̀ baa inɛ akã ku fita hai inɔ iluu ŋa ku bɔ Yizireɛli koo sɔ̃ ilaaluu laabaaui bomma ku jɛm.


Ŋɔi inɛi Izirɛli ŋa iyi ide nŋa í wa si lɔɔmau fei à yɛ soogei Izirɛli ŋau à waa sa, nɔ à gbɔ iyi Saulu do amaɛ ŋa à ku. Ŋɔi aŋa fei à sa à jɔ̀ ilu nŋa ŋa, nɔ inɛi Filisi ŋau à naa à buba si.


Ŋɔi Davidi í tɔtɔɔ inɛ ngboi sooge dubu ŋau do ti cĩɔ ŋau do woo cua ŋau fei.


Nɔ ka baaò kpakoi Aɔ̃ Lafɛ̃ɛ nwau wa bi tu wa, domi à jɔ̀ ideɛ si waatii Saulu.


Bii ì waa ce bɛɛbɛ nɔ Ilaaɔ̃ wa nɛɛ, i kaa gbɛɛji araɛ má nɔ inɛ ŋau fei aa ya sinda a nyi ide do laakai ku sũ.


Icɛ ŋa iyi inɛ í dasi idɔ nŋu ku ce, icɛ ŋau ci ya ce bii kù nɛ woo kɔ, amma inɛ iyi í nɛ woo kɔ ŋa, icɛɛ í ya cei.


Á yɔkɔ ku jɛ Aɔ̃ Lafɛ̃ɛɛ á gbɔ ide ŋa iyi inɛ ngboi soogei Asiri ŋau wa fɔ, nŋu iyi ilaalui Asiri lafɛ̃ɛɛ í bɛ wa ku naa ku bu Aɔ̃ Lafɛ̃ɛ iyi í wɛɛu. Á yɔkɔ ku jɛ Aɔ̃ Lafɛ̃ɛɛ á kpãa iju na ide ŋa iyi í fɔ nɔ í gbɔu. Na nŋu, ce kutɔɔ na zamaa iyi í gbeu.


Inɛi Filisi ŋa à bɔ igũ si inɛi Izirɛli ŋa si antaii iri kutai Giliboa. Ŋɔi inɛi Izirɛli ŋa à waa sa nɔ à kpa si ŋa inɛ bututu.


Lean sinn:

Sanasan


Sanasan