Bomma 1, 11:5 - Bibeli do fee

⁵ Nɔ à sɔ̃ Davidi à ni, i kaa lɔ wa ihɛ̃. Amma Davidi í gba Siɔ̃ɔ ilu ku nɛ gbugbã iyi à na à kpe ilui Davidiu.

Bomma 1, 11:5 Iomraidhean Croise

Kuyɛi Zãa 14:1

Si anyiɛ iyi ǹ cɔ ilu nɔ ǹ yɛ ama angudãu wa leekĩ si iri kutai Siɔ̃ɔ. Amanɛ dubu cĩɔ do ciiji do mɛɛ (144.000) í wa bi tɛɛ, aŋa iyi à kɔ irii ama angudãu do ti Baaɛ si ikpo nŋa.

Ebɛɛ 12:22

Amma iŋɛ, iri kutai Siɔ̃ɔi ì sɛkɛɛ si ŋa, bii ilui Ilaaɔ̃ nŋu iyi í wɛɛ í wa. Iluu, nŋui í jɛ Zeruzalɛmui lele, tengi bii amaleka ŋa à ya tɔtɔɔ nkpɔ nkpɔ do inɔ didɔ̃.

Romu 9:33

Ideɛi kukɔu wa fãa í ni, wee ǹ wa n jilɛ inɛ gɔ Siɔ̃ɔ iyi í yɛ bɛi kuta bi ku koosɛ. Nŋui á jɔ̀ inɛ gɔ ŋa a cuku, amma inɛ iyi í dasiɛ naanɛ kaa yɛ anyɔ.

Iri ku kɔ̃ 132:13

Ntɔ ntɔ, Aɔ̃ Lafɛ̃ɛi í cica Siɔ̃ɔ. Í cicaɛi ku jɛ bi kuwaɛ.

Iri ku kɔ̃ 122:5

Bɛi kitãi bommau í wa. Bɛi Davidi do tɔkuɛ ŋa à ya jɛ bomma, nɔ bɛi à ya kiiti zamaau.

Iri ku kɔ̃ 87:5

Amma si gãmɛi Siɔ̃ɔ à ni, bɛi à bí aŋa fei. Aɔ̃ Lafɛ̃ɛi leleui í jilɛ icuɛ.

Iri ku kɔ̃ 87:2

Aɔ̃ Lafɛ̃ɛ í nɛ kubii Siɔ̃ɔ í re bii tɔkui Zakɔbu ŋa à wa fei.

Iri ku kɔ̃ 78:68

Amma dimii Zudaai í cica, nɔ í bi iri kutai Siɔ̃ɔ.

Iri ku kɔ̃ 48:2

Aɔ̃ Lafɛ̃ɛ í la, í to a cũu si iluɛ si iri kuta kumáɛu.

Iri ku kɔ̃ 9:11

Aɔ̃ Lafɛ̃ɛ, inɛ ŋa iyi à màɛ a dasiɛ naanɛ, domi ì ci ya fũsi inɛ ŋa iyi à waa dɛdɛɛ awɔ.

Iri ku kɔ̃ 2:6

Í ni, amui ǹ cica ilaalum ǹ jilɔɔ Siɔ̃ɔ si iri kuta kumám.

Bomma 2, 5:2

Ŋɔi Salomɔɔ í tɔtɔɔ inɛ ngboi Izirɛli ŋau Zeruzalɛmu do inɛ ngboi dimi ŋau fei do inɛ ngboi kpasɛ̃ nŋa ŋa ku ba a koo a so kpakoi akabuui Aɔ̃ Lafɛ̃ɛu wa hai ilui Davidi iyi í jɛ Siɔ̃ɔ.

Bomma 1, 11:7

Ŋɔi Davidi í koo í buba si inya ku nɛ gbugbãi iluu. Na ŋɔi í jɔ̀ à sɔɔ ilui Davidi.

Ilaalu 1, 8:1

Ŋɔi ilaalu Salomɔɔ í tɔtɔɔ inɛ ngboi Izirɛli ŋau do inɛ ngboi dimi ŋau fei do inɛ ngboi kpasɛ̃ nŋa ŋau Zeruzalɛmu bi tɛɛ bɛ ku ba a koo a so kpakoi akabuui Aɔ̃ Lafɛ̃ɛu wa hai ilui Davidi iyi í jɛ Siɔ̃ɔ.

Samuɛli 2, 6:12

Si anyiɛ, ŋɔi à naa à sɔ̃ Davidi iyi Aɔ̃ Lafɛ̃ɛ í weea kpasɛ̃i Obɛdi-Edɔmu do mii ŋa iyi í nɛ fei, na kpakoi Ilaaɔ̃u. Nɔ Davidi í dede í dasi kpãa, í jɔ̀ à koo à so kpakou wa hai kpasɛ̃i Obɛdi-Edɔmu à waa bɔò hee ilui Davidiu do inɔ didɔ̃.

Samuɛli 2, 6:10

Ŋɔi Davidi í kɔ̀ a bɔò kpakou iluɛ nɔ í jɔ̀ à koo à jilɔɔ kpasɛ̃i Obɛdi-Edɔmu inɛi Gatiu.

Samuɛli 2, 5:9

Davidi í koo í buba si iri kutau nɔ í sɔɔ ilui Davidi. Nɔ í ma bindi hai kpasɛ̃i nŋu takaɛ hee ku bɔ bantuma iyi à ya kpe Miloo.

Samuɛli 1, 17:36

Si bɛi ǹ kpa iŋa laalɔ ŋau, bɛɛbɛ mɔi an yɔkɔ n kpa inɛi Filisi hai bu bangou bɛ, nŋu iyi wa nyaanyi inɛi Ilaaɔ̃ ŋa.

Samuɛli 1, 17:26

Ŋɔi Davidi í bee inɛ ŋa iyi à wa kɔkɔɛ ŋau í ni, mii aa muaa inɛ iyi í kpa inɛi Filisiu ihɛ̃ nɔ í nya anyɔ hai si ilɛi Izirɛli. Mɔkɔu ihɛ̃ kù bu baa bango nɔ wa nyaanyi inɛi Ilaaɔ̃ ŋa.

Woo kiiti ŋa 19:10

Amma si tuuba nŋu bɛi, inɛɛu kù jɛ ku sũ má, nɔ í dede í dasi kpãa nŋu do aboɛ do gbankɛlɛ minjiɛ ŋa iyi í dĩa gaayiu nɔ à nɛ à to kɔkɔi Zebusi, waatɔ Zeruzalɛmu.

Bomma 1, 11:4

Davidi do inɛi Izirɛli ŋau fei à bɔ igũ Zeruzalɛmu iyi à ya nyi a kpe Zebusi má. Inɛi Zebusi ŋai à wa si ilɛu.

Bomma 1, 11:6

Davidi í sɔ̃ soogeɛ ŋa wo í ni, inɛ iyi í tako í koo si inɛi Zebusi ŋau í kãmia ŋa, lafɛ̃ɛi á jɛ inɛ ngboi sooge ŋau. Ŋɔi Zoabu amai Seruya í koo si ŋa í kãmia ŋa, nɔ í baa í jɛ inɛ ngboi sooge ŋau.