Bomma 1, 11:3 - Bibeli do fee

³ Do yaase bɛɛbɛi inɛ ngboi ilɛi Izirɛli ŋau fei à bɔ Eborɔ̃ɔ bi ilaaluu, nɔ í dĩ akabuu aŋaò ŋa si wajui Aɔ̃ Lafɛ̃ɛ. Ŋɔi à tontooa ikpo si iri à cicaɛ ku jɛ ilaalui inɛi Izirɛli ŋa, si bɛi Aɔ̃ Lafɛ̃ɛ í ni Samuɛli ku fɔ takou.

Bomma 1, 11:3 Iomraidhean Croise

Samuɛli 2, 2:4

Si anyiɛ ŋɔi inɛi Zudaa ŋa à naa Eborɔ̃ɔ bɛ ku ba a tontooa Davidi ikpo si iri ku jɛ ilaalui inɛi Zudaa ŋa fei. Nɔ si anyiɛ à sɔ̃ Davidi à ni, inɛi ilui Yabɛsi ŋa si ilɛi Galaadi, aŋai à si Saulu.

Samuɛli 2, 5:3

Do yaase bɛɛbɛi inɛ ngboi ilɛi Izirɛli ŋau fei à bɔ Eborɔ̃ɔ bi ilaaluu, nɔ í dĩ akabuu aŋaò ŋa si wajui Aɔ̃ Lafɛ̃ɛ. Ŋɔi à tontooa ikpo si iri à cicaɛ ku jɛ ilaalui inɛi Izirɛli ŋa.

Samuɛli 2, 5:5

Waati iyi í wa Eborɔ̃ɔ, í mu ilɛi Zudaa adɔ̃ mɛɛje do cukpa mɛɛfa. Hai Zeruzalɛmu má nɔ í jɛ bomma si ilɛi Izirɛli do ti Zudaa fei adɔ̃ kuntaa do mɛɛta.

Ilaalu 2, 11:17

Si anyiɛ ŋɔi Yehoyada í dĩ akabuu do Aɔ̃ Lafɛ̃ɛ do ilaaluu do zamaau ku ba a jɛ zamaai Aɔ̃ Lafɛ̃ɛ. Nɔ í nyi í dĩ akabuu mmuɛ má si gãmɛi zamaau do ilaaluu.

Ilaalu 2, 23:30

Ŋɔi woo ce icɛɛ ŋau à so ikuu si sarɛtiɛ hai Mɛgido à bɔò Zeruzalɛmu. Nɔ à suu si balɛɛ. Ŋɔi zamaai ilɛu í so Zoakazi amaɛ nɔ à tontooa ikpo si iri à biiɛ bomma si agbɛi baaɛ.

Bomma 1, 11:10

Davidi í nɛ inɛ ngboi woo ja igũ ilu wɔɔkɔ ŋa iyi à waa ce icɛ do nŋu. Aŋa do inɛi Izirɛli ŋa feii à sobiɛ si bommau ku dɛdɛ ku ba ku jɛ ilaalu si bɛi Aɔ̃ Lafɛ̃ɛ í fɔ si gãmɛi inɛɛ ŋa.

Bomma 2, 23:3

Ŋɔi inɛ ŋau fei à ce kutɔtɔɔ si inɔ kpasɛ̃i Ilaaɔ̃ bɛ, nɔ à dĩ akabuu do Zoasi. Nɔ Yehoyada í sɔ̃ ŋa í ni, Zoasi amai ilaaluui í nɛ ku jɛ bommau si bɛi Aɔ̃ Lafɛ̃ɛ í cea tɔkui Davidi ŋau kuwã.

Woo kiiti ŋa 11:11

Ŋɔi Zɛfutee í too inɛ ngboi ilɛi Galaadi ŋau í nɛ. Ŋɔi inɛ ŋau à coo inɛ ngbo nŋa nɔ à jɔ̀ í jɛ inɛ ngboi sooge ŋau. Iyi à to Misipa nɔ Zɛfutee í sisi í fɔ ide ŋa iyi í tako í fɔu fei si wajui Aɔ̃ Lafɛ̃ɛ.

Samuɛli 1, 11:15

Ŋɔi zamaau fei í koo í jɛ jingaui ile ku fitau Giligali si wajui Aɔ̃ Lafɛ̃ɛ. Tengi bɛi à ce kuwee ŋa iyi à ya saabuò Ilaaɔ̃. Nɔ Saulu do inɛi Izirɛli ŋau fei à wa si inɔ didɔ̃ nla nla.

Samuɛli 1, 15:28

Ŋɔi Samuɛli í sɔ̃ɔ í ni, bɛɛbɛ mɔi hai nnyi Aɔ̃ Lafɛ̃ɛ á gba bommau ku na inɛ gɔ iyi í tiaɛ.

Samuɛli 1, 16:1

Ŋɔi Aɔ̃ Lafɛ̃ɛ í sɔ̃ Samuɛli í ni, maà kpataa Saulu má domi ǹ kɔ̀siɛ nɔ kaa jɛ ilaalui inɛi Izirɛli ŋa má. Dasi ikpo si inɔ ngoɛ i bɔ Betelehɛmu bi Izai. Si inɔi amaɛ ŋai ǹ yɛ ilaalu iyi an so.

Samuɛli 1, 16:3

Nɔ i kpe Izai mɔ bi kuweeu. An sɔ̃ɛ mii iyi aa ce. Inɛ iyi ǹ cicau, tontooaa ikpo si iri.

Samuɛli 1, 23:18

Ŋɔi aŋa minji fei à dĩ akabuu si wajui Aɔ̃ Lafɛ̃ɛ. Si anyiɛ Zonatãa í bɔ ide, amma Davidi í gbe Ɔrɛsi bɛ.

Samuɛli 1, 28:17

Aɔ̃ Lafɛ̃ɛ á kpãɛ iju bɛi ǹ tako ǹ sɔ̃ɛ wo. Á gba bommau hai si awɔɛ nɔ ku na Davidi.