Bomma 1, 11:2 - Bibeli do fee

² Tako wo, waati iyi Saulu wa jɛ ilaalu nwa, awɔi ì ya maa cua soogei inɛi Izirɛli ŋa bii à waa bɔ igũ do bi ku baa. Nɔ Aɔ̃ Lafɛ̃ɛɛ í sɔ̃ɛ í ni awɔi aa maa gbã zamaai nŋu inɛi Izirɛli ŋau nɔ awɔi aa jɛ ilaalu nŋa.

Bomma 1, 11:2 Iomraidhean Croise

Samuɛli 2, 5:2

Tako wo, waati iyi Saulu wa jɛ ilaalu nwa, awɔi ì ya maa cua soogei inɛi Izirɛli ŋa bii à waa bɔ igũ do bii à waa baa. Nɔ Aɔ̃ Lafɛ̃ɛ í sɔ̃ɛ í ni awɔi aa maa gbã zamaai nŋu inɛi Izirɛli ŋa nɔ awɔi aa jɛ ilaalu nŋa.

Samuɛli 2, 7:7

Si isɛɛnɛ iyi awaò inɛi Izirɛli ŋau à ce fei, n kù sɔ̃ inɛ ngbo nŋa gɔ baa akã si aŋa iyi ǹ ni a maa gbã zamaam inɛi Izirɛli ŋau n kù ni, na mii í ce i kù maam ile do jĩi ndii sɛɛdi ŋa.

Ilaalu 1, 14:7

Koo sɔ̃ Zeroboamu i ni, bɛi Aɔ̃ Lafɛ̃ɛi inɛi Izirɛli ŋa í fɔ wee. Í ni, amu Aɔ̃ Lafɛ̃ɛ ǹ soɛ lelei si inɔi zamaam inɛi Izirɛli ŋau i jɛ inɛ ngbo nŋa.

Ilaalu 1, 3:9

Na nŋu, muum bisi iyi an gbãò zamaaɛ ku ba n mà iyi á jɛ nŋa jiida walakɔ laalɔ. Bii kù jɛ bɛɛbɛ, yooi á yɔkɔ ku gbã zamaaɛ si bɛi akpɔu í la.

Iri ku kɔ̃ 78:71

Hai bii wa degbe angudã ŋai í gbãa wa, í naa í jɛ woo degbei tɔkui Zakɔbu inɛɛ ŋa.

Ezai 40:11

Í yɛi bɛi woo degbe iyi wa gbã mɛɛmu gaaɛ, nɔ wa tɔtɔɔ ŋa do awɔɛ iyi í wu si ŋa. Í ya so ama angudã ŋau wai si ikpaɛ, nɔ ku gbã iye ŋau ku naaò ŋa wa ku ba a mɔmɔ.

Ezai 55:4

Nŋui ǹ jɔ̀ í jɛ sɛɛdam bi inɛ ŋa, nɔ nŋui í jɛ ilaalu iyi wa gbã zamaau wo.

Zeremi 3:15

An dɛdɛ nŋɛ woo degbe ŋa iyi ǹ bi. Nɔ aa degbe ŋɛ do bisi do kumà.

Misee 5:2

Na ŋɔi í ce, Aɔ̃ Lafɛ̃ɛ á fũsi inɛɛ ŋa awɔ hee koo to waati iyi abo iyi á bí amau ku bí, nɔ inɛɛ ŋa iyi à gbe à wɛɛ si hunde ilɛ mmu a baa a na a tɔtɔɔ do inɛi Izirɛli ŋau.

Misee 5:4

Nŋui á jɔ̀ laakai ku sũ ku wɛɛ nŋa. Bii inɛi Asiri ŋa à naa si ilɛ nwa, waati iyi aa lɔ si kabai bomma nwa ŋa, aa ka jɔ̀ inɛ ngbo nkpɔ nkpɔ nwa ŋa a dede si ŋa.

Kuka 27:17

iyi á yɔkɔ ku maa gbã ŋa waati kãma fei, ku ba zamaaɛ ku maà ti kù wɛɛ bɛi mɛɛmu gaa iyi kù nɛ woo degbe.

Matie 2:6

í ni, Ilaaɔ̃ í ni, iŋɛ inɛi Betelehɛmu ŋa, si ilɛi Zudaa, ntɔ ntɔ, ilu nŋɛ kù kere si ilu nlai Zudaa ŋa fei, si na iyi í jɔ̀ hai si ilu nŋɛi ilaaluu á fita inɛ iyi á gbã inɛi Izirɛli, inɛm ŋa.

Laabaau jiida iyi Zãa í kɔ 10:4

Waati iyi í fitaò aŋa fei waduude nɔ ku cua nŋa a maa tooɛ domi à mà imuɛ.

Samuɛli 1, 16:1

Ŋɔi Aɔ̃ Lafɛ̃ɛ í sɔ̃ Samuɛli í ni, maà kpataa Saulu má domi ǹ kɔ̀siɛ nɔ kaa jɛ ilaalui inɛi Izirɛli ŋa má. Dasi ikpo si inɔ ngoɛ i bɔ Betelehɛmu bi Izai. Si inɔi amaɛ ŋai ǹ yɛ ilaalu iyi an so.

Samuɛli 1, 16:13

Samuɛli í so ngou í tontooa Davidi ikpo si iriɛ si wajui igbãɛ ŋa. Ŋɔi hundei Aɔ̃ Lafɛ̃ɛ í naa si Davidi hai ajɔ nŋu bɛ. Si anyii nŋu ŋɔi Samuɛli í nɛ Rama.

Samuɛli 1, 18:13

Na ŋɔi í jɔ̀ í tekĩò Davidi hai bi titɛɛ nɔ í soo ku jɛ inɛ ngboi sooge dubu. Nɔ hai waati bɛɛbɛi Davidi í ya maa gbã inɛi Izirɛli ŋa si igũ.