Bomma 1, 10:2 - Bibeli do fee

² Ŋɔi inɛi Filisi ŋau à waa lele Saulu do amaɛ ŋa nɔ à kpa Zonatãa do Abinadabu do Maliki-Sua amai Saulu ŋau.

Bomma 1, 10:2 Iomraidhean Croise

Ilaalu 2, 23:29

Si waatiɛi Faraɔ̃ Neko ilaalui Ezibitiu í dede wa bɔ ilaalui Asiri ku sobi si igũ ikpa idoi Efarata. Ŋɔi Zoziasi í dede wa bɔ ku daa kpãa. Amma iyi Faraɔ̃ í yɔɔ gbakã í kpaa Mɛgido bɛ.

Ilaalu 2, 25:7

Ŋɔi à saka amaɛ ŋa si wajuɛ bɛ. Ŋɔi à lɛgɛ njɛi ijuɛ ŋa à bɛi à dũu do sesee à bɔòɛ ilɛi Babilɔni.

Bomma 1, 10:3

Nɔ igũu í mante Saulu ntɔ ntɔ nɔ woo ta afa ŋau à taa à mɛɛ nla nla.

Bomma 1, 8:33

Nɛɛi í bí Kisi. Kisi mɔ í bí Saulu, Saulu mɔ í bí Zonatãa do Maliki-Sua do Abinadabu do Esibaali.

Bomma 1, 9:39

Nɛɛi í bí Kisi. Kisi mɔ í bí Saulu. Saulu mɔ í bí Zonatãa do Maliki-Sua do Abinadabu do Esibaali.

Kufita 20:5

I maà gulɛ si wajui mii bɛɛbɛ ŋa i maà tɔɔ ŋa ŋa, domi amu Aɔ̃ Lafɛ̃ɛ nŋɛ ǹ jɛ Ilaaɔ̃ iyi í kɔ̀ mii dimi bɛɛbɛ ŋa. Inɛ ŋa iyi à cém, ijuukpãm á naa si ŋa do si ama nŋa ŋa hee ku koo si tɔku gbɛɛta walakɔ tɔku gbɛ̃ɛsia nŋa ŋa.

Samuɛli 1, 14:49

Saulu í nɛ ama inɛmɔkɔ mɛɛta, ama sinteu Zonatãa, ama minjisiau Yisive, mɛɛtasiau mɔ Malikisua. Í nɛ ama inaabo ŋa mɔ aŋa minji. Ama inaabo minjiɛ ŋau, inɛ ngboui à ya kpe Merabu, ifɔu mɔ Mikali.

Samuɛli 1, 14:6

Ŋɔi Zonatãa í sɔ̃ amaacɛɛ í ni, nɛ wa ka bɔ bi hai ce bango ŋau ihɛ̃. Á yɔkɔ ku jɛ Aɔ̃ Lafɛ̃ɛ á sobi wa, domi nkãma kàa ganjiɛ ku sobi wa baa bii a kù kpɔ.

Samuɛli 1, 31:2

Ŋɔi inɛi Filisi ŋau à waa lele Saulu do amaɛ ŋa nɔ à kpa Zonatãa do Abinadabu do Maliki-Sua amai Saulu ŋau.