Bomma 1, 10:13 - Bibeli do fee

¹³ Saulu í kui si na iyi í jɔ̀ kù leekĩ do Aɔ̃ Lafɛ̃ɛ nŋu akã, nɔ kù jirima ideɛ. Í koo í ce kubee hee do bi woo kpe iku ŋa fei.

Bomma 1, 10:13 Iomraidhean Croise

Ilaalu 2, 21:6

Nɔ í so ama inɛmɔkɔɛ í joo í ceò kuwee. Í ya ce alisi nɔ í ce dobu dobu ŋa. Nɔ í jilɛ inɛ ŋa iyi à ya ba iku ŋa ide ku fɔ má nɔ à ya fɔ mii iyi á na ku ce. Í ce mii iyi kù dɔ̃a Aɔ̃ Lafɛ̃ɛ si í dedeò idɔɔkɔ̃ɛ.

Iri ku kɔ̃ 25:3

Inɛ ŋa iyi à dasiɛ naanɛ fei a kaa yɛ anyɔ, amma anyɔi á jɛ ti inɛ ŋa iyi à jɛ woo zamba ŋa.

Iri ku kɔ̃ 73:27

Inɛ ŋa iyi à jĩɛ à ya ce nfei. Inɛ ŋa iyi à kɔ̀siɛ fei, ì ya ce nfe nŋai.

Kufita 22:18

Inɛ iyi í tɔtɔɔ sɛ̃ɛ do mɛɛmu gɔ fei, i kpa lafɛ̃ɛ.

Mɔnda ŋa 2:22

Amma aa lele inɛ laalɔ ŋa do hai gbɔ ide ŋa a nya ŋa hai si ilɛu.

Ezai 19:3

Í ni inɛi Ezibiti ŋau aa kua gbugbã, nɔ nŋu á fɔtɔtɔi lasabu nŋa ŋai. Waati bɛɛbɛ, aa koo a maa ce kubeei bi iwɛ̃ nŋa ŋa do bi woo ce alisi ŋa iyi à ya bee iku ŋa ide, walakɔ bi inɛi inɔɔko ŋa.

Ezai 8:19

Inɛ gɔ ŋa à ya ni, i koo i ce kubee bi inɛ ŋa iyi à ya ba hundei iku ŋa ide ku fɔ, do bi inɛ ŋa iyi à ya maa fɔ mii iyi á na ku ce, aŋa iyi à ya maa ce gendi ŋau bɛ. À ya nyi a sɔ̃ ŋɛ má a ni, inɛ ŋa à nɛ a ya tɔɔ iwɛ̃ nŋa ŋai, nɔ a ya ba hundei iku ŋa ide ku fɔ na aranfãanii inɛ ŋa iyi à wɛɛ si hunde ŋa. Bii à na à waa sɔ̃ ŋɛ bɛɛbɛ, i jɛ nŋa i ni,

Kuwee 19:31

I maà ti i sinda si woo tɔɔ hundei iku ŋa, walakɔ si woo ce alisi ŋa. I maà ti i maa dɛdɛ ŋa má ŋa, ku ba i maà ti i dasi ara nŋɛ riisi do aŋa. Amui ǹ jɛ Aɔ̃ Lafɛ̃ɛ nŋɛ.

Kuwee 20:6

Bii inɛ gɔ í sinda si woo tɔɔ hundei iku ŋa, walakɔ bii í sinda si woo ce alisi ŋa, an sinda si lafɛ̃ɛi, nɔ n nyaa hai si inɔi inɛi Izirɛli ŋa.

Samuɛli 1, 15:11

inɔm í fɔ do iyi ǹ cica Saulu i jɛò ilaalu, domi í sinda hai bi tom nɔ kù waa jirima idem má. Ŋɔi idɔi Samuɛli í kɔ̃ nɔ í ce kutɔɔ hai idũu hee iju í koo í máu.

Samuɛli 1, 15:2

Aɔ̃ Lafɛ̃ɛi lele do ilɛ í ni, an sãa inɛi Amalɛki ŋa mii iyi à cea inɛi Izirɛli ŋa si iyi à da nŋa kpãa waati iyi à fita wa hai ilɛi Ezibiti.

Samuɛli 1, 15:23

Ntɔ ntɔ, kugaabui Aɔ̃ Lafɛ̃ɛ ku kɔ̀si í yɛi bɛi alisi ku ce, nɔ kugaabui woodaɛ ku donda mɔ í yɛi bɛi iwɛ̃ ku tɔɔ. Si na iyi í jɔ̀ ì kɔ̀si idei Aɔ̃ Lafɛ̃ɛ, nŋu mɔ á kɔ̀siɛ nɔ ku nyaɛ bomma.

Samuɛli 1, 28:6

Ŋɔi í tɔɔ Aɔ̃ Lafɛ̃ɛ, amma Aɔ̃ Lafɛ̃ɛ kù jɛaa baa si ala, hee má jɛ hai si urimui woo weeu, walakɔ hai bi walii ŋa.