Bomma 1, 10:1 - Bibeli do fee

¹ Inɛi Filisi ŋa à bɔ igũ si inɛi Izirɛli ŋa si antaii iri kutai Giliboa. Ŋɔi inɛi Izirɛli ŋa à waa sa nɔ à kpa si ŋa inɛ bututu.

Bomma 1, 10:1 Iomraidhean Croise

Samuɛli 2, 1:21

Ijĩ ku maà wɔ si antaii iri kutai Giliboa ŋa má, hee ku ba ku leò ikpã. Nɔ ilɛ ku nɛ taasi ku maà wa si isɛi kutaɛ ŋa má, domi tengi bɛi sooge kaasãanɛ ŋau à yɛ anyɔ, à nyɔ tɛli nŋa ŋa. Nɔ tengi bɛi Saulu mɔ í nyɔ tɛliɛ, nɔ a kaa jɔsi ikpo má.

Samuɛli 2, 1:6

Ŋɔi mɔkɔu í ni, si antaii iri kutai Giliboa bɛi amu ǹ wa. Nɔ ǹ yɛ Saulu wa lɔkɔsi kakaɛ. Nɔ sarɛtii igũ ŋa do masa mbɛɛ ŋa à waa manteɛ.

Samuɛli 2, 21:12

Nɔ Davidi í bɔ kũkũi Saulu do ti Zonatãa amaɛ ku so wa hai bi inɛi Yabɛsi ŋa si ilɛi Galaadi. Inɛi Yabɛsi ŋaui à so kũkũ nŋa ŋau wo hai Bɛti-Sãa tengi bii inɛi Filisi ŋa à kɔa ŋa waati iyi à kpa ŋa Giliboa.

Bomma 1, 10:8

Iyi iju í má, ŋɔi inɛi Filisi ŋau à bɔ jĩnɛi iku ŋau ku ko, nɔ à yɛ ikui Saulu do amaɛ ŋa si antaii iri kutai Giliboau.

Bomma 1, 9:44

Asɛli mɔ í bí ama mɛɛfa. Iri nŋa ŋa wee. Azurikamu do Bokuru do Isimaɛli do Searia do Abudiasi do Hanaa. Inɛ bɛ ŋai à jɛ amai Asɛli ŋa.

Samuɛli 1, 28:1

Si waati nŋu bɛ inɛi Filisi ŋa à tɔtɔɔ sooge nŋa ŋa ku ba a bɔ igũ si ilɛi Izirɛli. Nɔ Akisi í sɔ̃ Davidi í ni, jɔ̀ i mà iyi aa toom igũ, awɔ do inɛɛ ŋa.

Samuɛli 1, 28:4

Ŋɔi ajɔ nŋu gɔ soogei Filisi ŋa à naa à ce asɔ kɔkɔi Sunɛmu. Nɔ Saulu mɔ í tɔtɔɔ inɛi Izirɛli ŋa fei nɔ à koo à ce asɔ kɔkɔi Giliboa.