Bomma 1, 1:7 - Bibeli do fee

⁷ Amai Yavãa ŋai, Elisa do Taasi do Kitimu do Rodanimu.

Bomma 1, 1:7 Iomraidhean Croise

Kusintii Andunya 10:4

Irii amai Yavãa ŋa mɔ wee. Elisa do Taasi do Kitimu do Dodanimu.

Bomma 1, 1:6

Amai Gomɛɛ ŋai Asikenazi do Difati do Togaama.

Bomma 1, 1:8

Amai Kamu ŋai Etiopi do Ezibiti do Puti do Kanaã.

Iri ku kɔ̃ 72:10

Ilaalui Taasi do ilaalui ilɛ jĩijĩ ŋau aa naa amua ŋa wa. Ilaalui Saba do ilaalui Seba ŋau mɔ aa naa baa nŋa wa.

Ezai 23:1

Idei ijuukpã iyi à fɔ si gãmɛi Tii wee. I dɔ̃ anu i weewea ŋa iŋɛ iyi ì wa si akɔi inyii Taasi ŋau, domi à lɛgɛ ilui Tii. Ile ŋa a kù wɛɛ má nɔ bi ku lɔ mɔ kù wɛɛ má. Hai gũngũm dii Kitimui à sɔ̃ ŋa laabaauu wa.

Ezai 23:12

Nɔ í ni, i kaa maa mɔsi do jingauɛ ŋau má, Sidɔ̃ɔ, awɔ iyi ì yɛ bɛi ama inaabo iyi à bata do gbugbã. Dede i nɛ ikpa gũngũm dii Kitimu. Nɔ baa bɛ mɔ, i kaa nɛ kusĩmi.

Ezai 66:19

An jilɛ nyinda gɔ si anini nŋa. An jɔ̀ inɛ gɔ nŋa ŋa iyi à fita si a nɛ ikpa ilɛ gɔ ŋa. Inɛ gɔ ŋa aa nɛ ikpa Taasi, inɛ gɔ ŋa ikpa Pulu, inɛ gɔ ŋa mɔ ikpa Ludu tengi bii inɛ ŋa à jɛ woo ta afa ŋa. Inɛ gɔ ŋa mɔ, ikpa Tubalii aa nɛ, inɛ gɔ ŋa mɔ do ikpa Gɛrɛsi hee ikpa gũngũm ŋa iyi à wa hee jĩijĩ tengi bii a kù gbɔ bii à fɔ idem ajɔ kãma, nɔ a kù yɛ amboem. Aŋai aa koo a fɔ idei amboem nɔu bi inɛi ilɛ ŋau bɛ.

Zeremi 2:10

I bɔ si gũngũm dii Kitimu ŋau i cɔ ŋa. I bɛ inɛ ŋa ilɛi Kedaa nɔ i cɔ ilu ku ce ncɛɛ ŋa, bii í jɛ ngɔgɔ í jɔ njɛ do tu ŋɛ ihɛ̃.

Ezekiɛli 27:6

À ce falafiliɛ ŋai do jĩi ndii sɛnii Basãa ŋa. Kitãɛ ŋa iyi à masi boodai inyíi jua ŋau à waa naai hai ilɛi Asiri do hai gũngũm dii Kitimu.

Ezekiɛli 27:7

Tuutaɛ ŋa iyi à ce do acɔ ku nɛ gbugbãi Ezibiti ŋa iyi à ce si booda ŋaui à ya jɔ̀ a màɛ hai jĩijĩ. Acɔ ku nɛ ila bulam bulam do nkpa, iyi wa naa hai gũngũm dii Kitimui í ya maa bii iwoɛ ŋa.

Daniɛli 11:30

Inɛi nunui alɛ ŋa aa naa siɛ do akɔi inyi ŋa. Aŋai aa leekĩɛ. Waati bɛɛbɛi njo á muu, nɔ ku sinda ku nyi. Idɔɛ á kɔ̃i ntɔ ntɔ, nɔ á sinda idɔɔkɔ̃ɛui si zamaa iyi aŋaò Ilaaɔ̃ ŋa à dĩ akabuuu. Nɔ á ce anu akã do inɛ ŋa iyi à fũsi akabuui Ilaaɔ̃ awɔu.

Kuka 24:24

Amma inɛ ŋa aa naa hai Kitimu do akɔi inyi ŋa, aŋai aa taa inɛi Asiri ŋa do inɛi Hebɛɛ ŋa gbugbã, nɔ aŋa mɔ a kpa iri.