Azee 2:9 - Bibeli do fee

⁹ Nsɛi, kpasɛ̃ iyi à teese à mau ihɛ̃, bɛɛrɛɛ á re ti takou, nɔ tengi bɛi an na ŋɛ laakai ku sũ. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Azee 2:9 Iomraidhean Croise

Ezai 60:7

Mɛɛmu gaai Kedaa ŋau fei sãa sãa, aa tɔtɔɔ wai bi titɛɛ bɛ. Angudã komboi Nebayɔti ŋai aa jɛ ti ku ce wũaɛ. Angudã nŋu ŋai aa ceem do kuwee iyi à ya jo si ina fei sãa sãa si antaii bii à ya ceem kuweeu nɔ á dɔ̃ɔm si. Do yaase bɛɛbɛ, an jɔ̀ kpasɛ̃m ku nɛ bɛɛrɛi nɔ ku maa daana.

Ezai 66:12

Nɔ Aɔ̃ Lafɛ̃ɛ í fɔ má í ni, an jɔ̀ laakai ku sũ ku naa si Zeruzalɛmui bɛi inyii ido nla nla, nɔ amanii ilɛ mmu ŋa mɔ a naa siɛ bɛi acãi inyi iyi í nɛ gbugbã. An so ŋɛi n na ŋɛ amɔ, nɔ n kpã ŋɛ nɔ n lesi ŋɛ si ilugũ n maa n mɔɔmɔɔ ŋɛ.

Ezekiɛli 43:5

Ŋɔi hundeu í som í bɔòm si bantumai inɔ kpasɛ̃u. Nɔ ǹ ba wee amboei Aɔ̃ Lafɛ̃ɛu í kɔ̃ inɔ ileu.

Misee 5:5

Aa gbã inɛi Asiri ŋaui do taakuba, nɔ aa tɛɛsɛ inɛi Nimirodu ŋai mam mam. Inɛ iyi á maa gbã waui á nya wa hai si awɔi inɛi Asiri ŋa bii à naa si ilɛ nwa nɔ à bii si ilɛu.

Azee 1:8

I dede i bɔ iri kuta ihɔ̃ i dɛdɛ jĩi wa i na i teese i ma kpasɛ̃m nɔu ŋa, an nɛ si inɔ didɔ̃ nɔ inɛ ŋa aa mà bɛɛrɛm. Amu Aɔ̃ Lafɛ̃ɛi ǹ fɔ bɛɛbɛ.

Azee 2:3

si inɔi inɛ ŋa iyi à wɛɛ si hunde, yooma nŋai í yɛ kpasɛ̃i takou do bɛɛrɛ iyi í nɛ wo. Nsɛi, bɛirei ì waa yɔɔ ŋa. Kù jɛ nŋɛ bɛi mii hai nɛ bɛɛrɛ si waju nŋɛ?

Zakari 2:5

Si kuyɛ mmuɛ má, ǹ yɛ inɛ gɔ wa mu ikũ ku wã ilɛ.

Luku 2:14

Amboe ku jɛ ti Ilaaɔ̃ hee lele. Nɔ laakai ku sũ ku wa si ilɛ si inɛ ŋa iyi Ilaaɔ̃ í bi.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Laabaau jiida iyi Zãa í kɔ 14:27

Laakai ku sũi ǹ wa n jɔ̀ nŋɛ. Bɛi amu takam ǹ wɛɛò laakai ku sũ, bɛɛbɛ mɔi an jɔ̀ iŋɛ mɔ i wɛɛò laakai ku sũ. Nɔ laakai ku sũ iyi an mu nŋɛu kaa jɛ bɛi ti andunya. Na nŋu, i maà wɛɛò inɔ kufɔ ŋa, nɔ i maà jɔ̀ zigi nŋɛ ku da.

Woo bɛ ŋa 10:36

Ì mà laabaau jiida iyi Ilaaɔ̃ í jɔ̀ à waazoa inɛi Izirɛli ŋa à ni inɛ ŋa aa ba laakai ku sũ do saabui Jesu Kirisi nŋu iyi í jɛ Lafɛ̃ɛi inɛ fei.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Zaaki 2:1

Kpaasim ŋa, iŋɛ iyi ì dasi Lafɛ̃ɛ nwa Jesu Kirisi naanɛ, nŋu iyi í jɛ ilu amboe, i maà ya maa cɔ bɛi inɛ ŋa à reò njɛ do bɛɛrɛ ŋa.