Azee 2:5 - Bibeli do fee

⁵ Waati iyi ǹ nya bala nŋɛ ŋa wa hai ilɛi Ezibiti ǹ dĩ akabuu do aŋa. Do yaase bɛɛbɛ, hundem í wɛɛ do iŋɛ, i maà jɔ̀ zigi nŋɛ ku da.

Azee 2:5 Iomraidhean Croise

Bomma 2, 20:17

Iŋɛ i kù nɛ ija kãma ku ce si ideu bɛ ŋa. Iŋɛ de i koo nɔ i wa bɛ ŋa. Aa yɛ faaba iyi Aɔ̃ Lafɛ̃ɛ á naa nŋɛ wa. Inɛi Zudaa ŋa do ti Zeruzalɛmu ŋa, i maà ce njo ŋa nɔ i maà jɔ̀ zigi nŋɛ ku da. Ala i fita i kò ŋa ŋa. Aɔ̃ Lafɛ̃ɛ á wɛɛ do iŋɛ.

Neemi 9:20

Ì mu nŋa laakai jiida ku ba a jɛ ilu bisi ŋa. Waati kãma fei, ì ya mu nŋa sɔnda iyi à ya kpe mana a jɛ, nɔ ì ya mu nŋa inyi a mɔ.

Neemi 9:30

Do nŋu fei ì temuaò ŋa adɔ̃ nkpɔ nkpɔ. Ì jɔ̀ hundeɛ í naa si waliiɛ ŋa ku ba a sɔ̃ ŋa a ce laakai. Amma a kù de si ŋa itĩ. Ŋɔi ì so ŋa ì daa dimi mmu ŋa si awɔ.

Kufita 19:4

Aɔ̃ Lafɛ̃ɛ í ni, ì yɛ bɛi ǹ cea inɛi Ezibiti ŋau ŋa do yaase bɛi ǹ naaò ŋɛ wa ihɛ̃ kɔkɔi amu takam do awɔ gbugbãm nɔ ǹ so ŋɛ wa bɛi kungbã í ya so amaɛ ŋa.

Kufita 19:6

Amu takam nii ǹ jɛ ilaalu nŋɛ nɔ iŋɛ fei aa jɛ bɛi woo weem ŋa, nɔ aa jɛ dimi iyi à nya ikã ŋa. Ide ŋa iyi aa sɔ̃ inɛi Izirɛli ŋau mbɛ.

Kufita 24:3

Ŋɔi Moizi í koo í sisia inɛ ŋau ide iyi Aɔ̃ Lafɛ̃ɛ í fɔ fei do wooda ŋau fei. Nɔ inɛ ŋau fei à jɛaa do gɛlɛ akã à ni, aa ka ce bɛi Aɔ̃ Lafɛ̃ɛ í fɔ fei.

Kufita 24:8

Nɔ njɛ iyi í wa si jɛɛ ŋau í soo í fãsi inɛ ŋau nɔ í ni, njɛi akabuu iyi Aɔ̃ Lafɛ̃ɛ í dĩ do iŋɛu wee si yaase bɛi í fɔ si ideɛ ŋau fei.

Kufita 34:10

Aɔ̃ Lafɛ̃ɛ í sɔ̃ Moizi má í ni, an dĩ akabuu do iŋɛ. An ce maamaake gɔ ŋa si wajui inɛɛ ŋau iyi dimiɛ kù ce si ilɛ kãma titã hee má jɛ si dimi gɔ. Aŋa fei aa yɛ icɛi amu Aɔ̃ Lafɛ̃ɛ, nɔ do saabuɛi an ceò mii ku nɛ gbugbã ŋau bɛ fei.

Kufita 34:8

Ŋɔi gbakã Moizi í gulɛ wa tɔɔ Aɔ̃ Lafɛ̃ɛ

Ezai 41:10

Maà jɔ̀ njo ku muɛ domi ǹ wɛɛ do awɔ. Maà ti i maa cɔ ilu do zigiida domi amui ǹ jɛ Aɔ̃ Lafɛ̃ɛɛ. An jɔ̀ i nɛ gbugbã, nɔ an naa n faabaɛ. An maa n muɛi do gbugbãm iyi í ya jɔ̀ n jɛ igũ.

Ezai 41:13

Ntɔ ntɔ, amui ǹ jɛ Aɔ̃ Lafɛ̃ɛɛ. Amui ǹ jɛ inɛ iyi í mu awɔ njɛɛ nɔ í sɔ̃ɛ í ni, maà ce njo, ǹ wa n naa ku faabaɛ mbɛ.

Zakari 4:6

Nɔ í jɛɛm í ni, ide iyi Aɔ̃ Lafɛ̃ɛi lele do ilɛ í sɔ̃ Zorobabɛli, nŋu iyi wa ma kpasɛ̃ɛ wee. Í ni, kù jɛ do yiikoi amanɛ, kù nɔ kù jɛ do gbugbãɛi aa ceò icɛɛu. Amma do saabui hundem nii.

Zakari 8:13

Iŋɛ inɛi Zudaa do inɛi Izirɛli ŋa, si inɔi dimi mmu ŋa, ì yɛ ŋai bɛi inɛ ŋa iyi à ceekpe wo, amma bɛbɛi, an faaba ŋɛ nɔ aa ba kuwee ŋa. I maà ce njo má. I dasi kookaai ŋa.

Zakari 8:15

Bɛbɛi ǹ dasi idɔ n ce nŋɛ didɔ̃, iŋɛ inɛi Zeruzalɛmu ŋau do iŋɛ inɛi ilɛi Zudaa ŋau. Na nŋu, i maà jɔ̀ njo ku mu ŋɛ má.

Matie 28:5

Ŋɔi amalekau í sɔ̃ inaabo ŋau í ni, iŋɛ, i maà jɔ̀ njo ku mu ŋɛ. Ǹ mà iyi Jesu inɛ iyi à kpakpa si jĩi ku gaauui ì waa dɛ ŋa.

Woo bɛ ŋa 27:24

í ni, Pɔlu, maà ce njo. Kù nɛ bɛi aa ce iyi i kù leekĩ si wajui ilaalu nlai Romu. Nɔ wee inɛ ŋa iyi iŋɛò ŋa ì wa inɔ akɔu fei, Ilaaɔ̃ í yɔɔda nŋai a baɛ ku wɛɛ.

Zozue 1:9

Maà gbɛjɛ iyi ǹ sɔ̃ɛ ǹ ni, jɔ̀ i nɛ wɔɔkɔ nɔ i nɛ gbugbã. Maà jɔ̀ njo ku muɛ, nɔ i maà ti i mɔngɔ munya, domi amu Aɔ̃ Lafɛ̃ɛɛ an wɛɛ do awɔ bii ì waa bɔ fei.

Zozue 8:1

Ŋɔi Aɔ̃ Lafɛ̃ɛ í sɔ̃ Zozue í ni, maà ce njo, nɔ i maà mɔngɔ munya. Gbã soogeɛ ŋa fei nɔ i koo si ilui Aiu ŋa. An daaɛ ilaalui Aiu si awɔ, nŋu do inɛɛ ŋa do iluɛ do ilɛɛu fei.

Kuyɛi Zãa 1:17

Iyi ǹ yɔɔ, ǹ cuku si isɛɛ bɛi iku. Nɔ í lesim awɔ njɛɛ í ni, maà ce njo, amui ǹ jɛ sinte do iri ku kpa.

Samuɛli 1, 12:20

Ŋɔi Samuɛli í sɔ̃ ŋa í ni, i maà ce njo má ŋa. Ntɔi ì ce laalɔ ikã ikã fei ŋa. Do nŋu fei, i maà kɔ̀si Aɔ̃ Lafɛ̃ɛ ŋa, amma i jɔ̀ i tɔɔɛ do idɔ nŋɛ fei ŋa.