Azee 2:3 - Bibeli do fee

³ si inɔi inɛ ŋa iyi à wɛɛ si hunde, yooma nŋai í yɛ kpasɛ̃i takou do bɛɛrɛ iyi í nɛ wo. Nsɛi, bɛirei ì waa yɔɔ ŋa. Kù jɛ nŋɛ bɛi mii hai nɛ bɛɛrɛ si waju nŋɛ?

Azee 2:3 Iomraidhean Croise

Bomma 1, 22:5

Davidi í ya maa ni wo, amam Salomɔɔ í kere nɔ kù mà ngɔgɔ. Nɔ kpasɛ̃i Ilaaɔ̃ iyi aa mau á nya iri nɔ ku nɛ amboe si ilɛ ŋau fei. Na ŋɔi í jɔ̀ an cea sɔɔlu. Nɔ Davidi í ce sɔɔlui mii nkpɔ hee ku maa ku.

Ɛsidarasi 3:11

Ŋɔi inɛ bubu ŋa à waa kɔ̃ iri, nɔ bubu ŋa mɔ à waa jɛ à waa ni, ka saabu Ilaaɔ̃ domi í jɛ jiida, nɔ araarei inɛi Izirɛli ŋa iyi í nɛu á maa wɛɛi hee do ajɔ fei. Nɔ inɛ ŋau fei à wasi ku dɔ̃ anu hee lele à waa saabu Ilaaɔ̃ do inɔ didɔ̃ si na iyi í jɔ̀ à nyɔ icui kpasɛ̃ɛ.

Ɛsidarasi 3:12

Inɛ nkpɔ nkpɔ wa dɔ̃ anu do inɔ didɔ̃, amma woo wee nkpɔ nkpɔ do inɛi Levii nkpɔ ŋa do inɛ ngboi kpasɛ̃ gɔ ŋa iyi à jɛ mɔkɔ ngbo ŋa iyi à yɛ kpasɛ̃i Ilaaɔ̃u tako, à waa kpata hee lele waati iyi à waa nyɔ icu titɔ̃i kpasɛ̃i Ilaaɔ̃u si waju nŋa.

Ezai 64:10

Kpasɛ̃ ku nɛ bɛɛrɛ nwa iyi à nya ikã í jɛ titɛɛ, tengi bii bala nwa ŋa à ya koo a tɔɔɛ nɔ a kɔ̃ iri a maa cĩɛu, ina í joo. Nɔ mii ŋa iyi à bi ntɔ ntɔu fei, à ce nfe nŋa.

Ezekiɛli 7:20

Faau nŋa í wai si jĩnɛ kusĩa nŋa ŋa iyi à ce, nɔ à daa iwɛ̃ nŋa ŋa si, aŋa iyi à jɛ mii laalɔ nla nla ŋau. Na ŋɔi í jɔ̀ Aɔ̃ Lafɛ̃ɛ í ni, an jɔ̀ iwɛ̃ ŋau a baa a jɛ nŋa mii riisi ŋa.

Azee 2:9

Nsɛi, kpasɛ̃ iyi à teese à mau ihɛ̃, bɛɛrɛɛ á re ti takou, nɔ tengi bɛi an na ŋɛ laakai ku sũ. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.