Azee 2:23 - Bibeli do fee

²³ Ajɔ nŋu bɛ, awɔ woo ce icɛm Zorobabɛli amai Seatiɛli, an soɛ i jɛ bɛi sɛɛda domi awɔi ǹ cica. Mii iyi an ce mbɛ amu Aɔ̃ Lafɛ̃ɛi lele do ilɛ.

Azee 2:23 Iomraidhean Croise

Iri ku kɔ̃ 65:5

Ilu inɔ didɔ̃i inɛ ŋa iyi ì cica ì jɔ̀ à maai siɛ ku ba a wa si inɔ kpasɛ̃ɛ. Didɔ̃i kpasɛ̃ɛu do kumáɛu á to wa.

Iri ku kɔ̃ iyi í dɔ̃ í re 8:6

Jilɛɛm si idɔɛ bɛi sɛɛda. Jɔ̀ n wa kɔkɔɛ bɛi isɔi awɔ iyi à kɔsi irim nɔ í wa si ikpaɛ, domi kubi í nɛ gbugbã í re mii fei si andunya. Kubi iyi wa ce igu mɔ, í gaabui bɛi í ya gaabu iku ku jɔ̀ inɛ. Í yɛi bɛi amɛi ina iyi wa jo nɔ wa naai hai bi Aɔ̃ Lafɛ̃ɛ.

Ezai 42:1

Ŋɔi Aɔ̃ Lafɛ̃ɛ í ni, inɛ ihɛ̃i í jɛ woo ce icɛm. An maa n muui si awɔ. Nŋui ǹ cica, nɔ nŋui ǹ bi. Nŋui ǹ daa si hundem. Nŋui á jilɛa inɛi ilɛ ŋa asaiya.

Ezai 43:10

Ŋɔi Aɔ̃ Lafɛ̃ɛ í fɔ má í ni, iŋɛ inɛm ŋa, iŋɛi ì jɛ sɛɛdam ŋa. Iŋɛi ì jɛ bɛi woo ce icɛm iyi ǹ cica. Mii iyi ǹ wa n lelei í jɛ, i màm ŋa nɔ i dasim naanɛ ŋa nɔ i gbɔ yaasei inɛ iyi ǹ jɛ ŋa. Ilaaɔ̃ kãma kù cuaam wa, nɔ si anyim, inɛ mmu kãma kù wɛɛ má.

Ezai 49:16

Ǹ kɔ iriɛi si ataawɔm ŋa, nɔ ǹ ya n maa n ye gigii bindiɛ ŋai waati kãma fei.

Zeremi 22:24

Ŋɔi Aɔ̃ Lafɛ̃ɛ í ni, ǹ gbasi do irii amu takam iyi baa bii awɔ Konia amai Zoakimu ilaalui Zudaa ì jɛ lɛlɛawɔ si awɔ njɛm, an nya n nyɔɛ hai si awɔm.

Matie 12:18

Ilaaɔ̃ í ni, woo ce icɛm iyi ǹ cica wee. Nŋui ǹ bi jiida, siɛi inɔ didɔ̃m fei í ya wa. An daa si Hundem, nɔ ku sisia dimi fei dee dee ku jɛm.

Laabaau jiida iyi Zãa í kɔ 6:27

I maà ti i ce icɛi ijɛ iyi í ya sãmi nŋu akã, amma i ce icɛi ijɛ iyi á jɔ̀ i ba kuwɛɛ hai tã ŋa. Nɔ ijɛ nŋu amu Amai Amanɛi an mu nŋɛ, domi amui Ilaaɔ̃ Baaba í na yiikoɛ nɔ í jɔ̀ inɛ ŋa à waa yɔɔ.

Timɔtee 2, 2:19

Do nŋu fei, icui naanɛ ku dasi nwa iyi Ilaaɔ̃ í jilɛ do gbugbã kaa yaya. À mà iyi ntɔi si na iyi í jɔ̀ kukɔi idei Ilaaɔ̃ wa fɔ í ni, Lafɛ̃ɛ í mà inɛɛ ŋa. Nɔ í ni má, inɛ iyi wa kpe irii Lafɛ̃ɛ fei ku saa laalɔ ku ce.

Piɛɛ 1, 2:4

I sɛkɛɛ si Lafɛ̃ɛ wa, nŋu iyi í jɛ kuta ilu hunde iyi inɛ ŋa à kɔ̀si, amma Ilaaɔ̃ í cicaɛ si na iyi í jɔ̀ í nɛ bɛɛrɛ bi tɛɛ.