Azee 2:22 - Bibeli do fee

²² An kɛkɛ bommai ilaalu ŋa nɔ an ce nfei gbugbã nŋa. An kɛkɛ sarɛti ku ce igũ ŋa do inɛ ŋa iyi à wa si inɔɛ ŋa. Nɔ acĩ ŋau do inɛ ŋa iyi à waa gũ ŋa ŋau aa cukui. Nɔ akã akã do taakubai aa kpaò njɛ.

Azee 2:22 Iomraidhean Croise

Bomma 2, 15:6

Inɛ ŋa à ya maa tɛɛsɛ njɛi dimiò dimi, walakɔ si ilu do ilu. Ntɔ ntɔ, Ilaaɔ̃i wa yaga ŋa do wahala dimi ikã ikã ŋau bɛ fei.

Bomma 2, 20:22

Waati iyi à so iriu à waa kɔ̃, ŋɔi Aɔ̃ Lafɛ̃ɛ í fɔtɔtɔi inɛi Amɔɔ ŋa do inɛi Moabu ŋa do inɛi iri kutai Seii ŋa iyi à waa naa ku ba inɛi Zudaa ŋa ku jau. Nɔ aŋa duusɔ̃ɔ à waa ce igũ do njɛ.

Bomma 2, 20:23

Inɛi Amɔɔ ŋa do inɛi Moabu ŋai à koo à ba inɛi iri kutai Seii ŋau do ijau. Nɔ à kpa ŋa fei mam mam. Iyi à tã, nɔ aŋa taka nŋa à lɔsi ku kpa njɛ akã akã.

Iri ku kɔ̃ 46:9

I naa i cɔ icɛ iyi Aɔ̃ Lafɛ̃ɛ í ce ŋa. Tɔtɔ ku fɔ iyi í ce si ilɛ.

Iri ku kɔ̃ 76:6

À jɛ sooge ilu wɔɔkɔ ŋau igũ à ko jĩnɛ nŋa ŋa nɔ à kpa ŋa. Inɛ ŋau a kù yɔkɔ a kù kɔ̀ò ara nŋa.

Kufita 14:17

Nɔ an jɔ̀ idɔi inɛi Ezibiti ŋau ku le ku ba aŋa mɔ a lɔ a too fiti nŋɛ wa. Nɔ an nyisi amboem si Faraɔ̃ do woo ce igũɛ ŋa do sarɛtii igũɛ ŋa do masaɛ ŋau fei.

Kufita 14:28

Iyi inyiu í baa si agbɛɛ ŋɔi í bii sarɛtii igũ ŋau do masa ŋau do sooge woo ja igũi Faraɔ̃ ŋau fei, aŋa iyi à lɔ inɔ tenkuu si anyii kulɔi inɛi Izirɛli ŋau, aŋa fei à ce nfe. Baa inɛ akã kù fita si.

Kufita 15:19

[À kɔ̃ iriu ihɛ̃i] si na iyi í jɔ̀ waati iyi acĩi Faraɔ̃ ŋa do sarɛtii igũɛ ŋa do masaɛ ŋau à lɔ inɔ tenkuu, Aɔ̃ Lafɛ̃ɛ í jɔ̀ inyiu í bii ŋa. Amma inɛi Izirɛli ŋau à kua tenkuu si ilɛ ngbɛ.

Kufita 15:4

Í so sarɛtii igũi Faraɔ̃ do woo ce igũɛ ŋa fei í tale ŋa si tenku. Inyii Tenkui Njee í jɛ soogeɛ ŋa iyi à re do gbugbã.

Ezai 19:2

Aɔ̃ Lafɛ̃ɛ í ni nŋu á kosi inɛi Ezibiti ŋaui aŋa duusɔ̃ɔ. Ifɔ do igbã ŋai aa ya maa ja do njɛ. Kpaasi mɔ do kpaasi. Nɔ ilu do ilu aa ya maa ja do njɛi. Bomma mɔ do bomma.

Ezai 60:12

Ilɛ gɔ, walakɔ bomma gɔ iyi í kɔ̀ ku ceɛ icɛ fei, í nɛ ku kpa irii. Ilɛ dimi bɛɛbɛ ŋa aa na a tãi mam mam.

Ezai 9:19

Inɛ ŋa à ya da amaajɛ ŋa, amma do nŋu fei à ya kɔ̀ a maa gbɔ ari. Baa bii à sinda do inya mmu à jɛ, a ci ya yo. Bɛbɛi inɛ fei iŋai arai nŋu takaɛi í ya maa ŋɔ.

Ezekiɛli 21:27

Si kubeeu, afa iyi í so Zeruzalɛmuu, do ikpa awɔ njɛɛi í wa. Á dɔ̃ anui igũi nɔ ku na nyindai kusintii igũu. Aa jilɛ jĩnɛi igũ ŋai si anu koofai Zeruzalɛmu. Aa ce timtim dii sãai bii aa ya gũ a lɔò nɔ a ma geete ŋa.

Ezekiɛli 26:16

Amanlui inɛi itĩi ido nla ŋau fei aa kitai hai si kitãi bomma nŋau. Aa bɔ ibɔ nla nŋa ŋai do ibɔ ŋa iyi à ce si icɛ ŋau. Zigiidai aa wɛɛò, nɔ ilɛi aa buba. Aa maa yayai hai nɛ kɔɔ nɔ aa wɛɛò zigiidai na mii iyi í baɛ.

Ezekiɛli 38:21

An jɔ̀ igũ ku naa siɛ si iri kutam ŋa fei. Amu Aɔ̃ Lafɛ̃ɛi ǹ fɔ bɛɛbɛ. Soogeɛ ŋai aa maa kpa njɛ aŋa duusɔ̃ɔ.

Ezekiɛli 39:20

Si jingau nɔu, aa jɛ ŋai bɛi i bi ŋa. Aa ŋɔ iŋai acĩ ŋa do iŋai masa ŋa, do iŋai sooge ilu wɔɔkɔ ŋa, do ti sooge mmu ŋa iyi à gbe fei. Amu Aɔ̃ Lafɛ̃ɛi ǹ fɔ bɛɛbɛ.

Daniɛli 8:25

Do saabui bisiɛi á ya ba ku zambaò inɛ ŋa. Faaui á waa si idɔ, nɔ si waati iyi laakai ku sũ í wɛɛ ntɔ ntɔ, waati bɛɛbɛi á ce nfei zamaa nkpɔ nkpɔ. Á dedeò ija si gãmɛi ilaalui ilaalu ŋa. Amma ilaalui ilaalu ŋau á lɛgɛɛi, nɔ kaa jɛ do sobii inɛ kãma.

Amɔsu 2:15

Inɛ iyi wa ta afa kaa yɔkɔ ku leekĩ, inɛ iyi í nɛ kutɛ gbãa kaa fita si, nɔ masa kaa faaba hundeɛ.

Misee 5:10

An ce nfei ilui ilɛ nŋɛ ŋaui, nɔ n lɛgɛ inya ku nɛ gbugbã nŋɛ ŋau fei.

Misee 5:8

Iŋɛ tɔkui Zakɔbu ŋa, i dede si mbɛɛ nŋɛ ŋa, nɔ i kpa ŋa fei ŋa.

Misee 5:9

Aɔ̃ Lafɛ̃ɛ í ni, ajɔ wa naa si bii an kpa acĩ nŋɛ ŋau, nɔ n jɔ̀ sarɛti ku ja igũ nŋɛ ŋau fei a ce nfe.

Misee 7:16

Dimi mmu ŋa aa yɛ mii iyi ì ceu, nɔ aa dasi biti baa do iyi à nɛ gbugbã fei. A kaa yɔkɔ a fɔ ide na bitiu. Aa cei bɛi dekĩ.

Sofoni 3:8

Ŋɔi Aɔ̃ Lafɛ̃ɛ í ni, na nŋu, i degbem ŋa si ajɔ iyi an dedeò mii ndu ŋɛ ŋa ku ko, domi ǹ dasi idɔ n tɔtɔɔ ilɛ ŋa ku ba n tɔtɔɔa aram bomma ŋa nɔ idɔɔkɔ̃ nla nlam ku naa si ŋa. Ntɔ ntɔ, inai idɔɔkɔ̃m nɔu á ce nfei inɛi andunya ŋai mam mam.

Zakari 10:11

Inɛm ŋa aa kua wahalai tenku, nɔ kucãi inyi á leekĩ, nɔ idoi Nili á gbɛ. Nɔ inɛi Asiri ŋa do faau nŋa fei an kɛkɛ ŋa. Ezibiti mɔ á kua gbugbãɛ mam mam.

Zakari 10:5

Aa yɛi bɛi woo ja igũ ilu gbugbã ŋa. Aa tɛɛsɛ mbɛɛ nŋa ŋai bɛi à ya tɛ pɔtɔgɔ si kpãa. Bɛɛbɛi aa maa ce igũu, domi amu Aɔ̃ Lafɛ̃ɛ ǹ wɛɛ do aŋa. Nɔ masa mbɛɛ ŋau anyɔi á bii ŋa.

Zakari 12:9

Aɔ̃ Lafɛ̃ɛ í fɔ má í ni, ǹ dasi idɔ n kpa dimi ŋa iyi aa naa igũ si inɛi Zeruzalɛmu ŋa fei.

Zakari 14:3

Si anyii nŋu, Aɔ̃ Lafɛ̃ɛ á dede si dimi ŋau bɛi í ya ce si waatii igũ ŋau.

Zakari 4:6

Nɔ í jɛɛm í ni, ide iyi Aɔ̃ Lafɛ̃ɛi lele do ilɛ í sɔ̃ Zorobabɛli, nŋu iyi wa ma kpasɛ̃ɛ wee. Í ni, kù jɛ do yiikoi amanɛ, kù nɔ kù jɛ do gbugbãɛi aa ceò icɛɛu. Amma do saabui hundem nii.

Zakari 9:10

Á jɔ̀ sarɛtii igũ ku kpa iri si ilɛi Efaraimu, nɔ baa acĩ ku ja igũ ŋa a kaa wa Zeruzalɛmu má. Á cɛ bioo ŋa iyi à ya ceò igũ. Ilaaluu á jɔ̀ laakai ku sũ ku wa si dimi ŋau, nɔ ku jɛ bomma hai si tenku ihɛ̃ ku bɔ si tenku ihɔ̃, hai ido iyi à ya kpe Efarata hee ku bɔ si kɔɔi andunya.

Matie 24:7

Dimi gɔ ŋa aa ya na a maa ja do dimi mmu ŋa. Ilaalu gɔ ŋa mɔ aa maa ja do ilaalu mmu ŋa. Nɔ ilɛ á yaya si ilu gɔ ŋa, nɔ ari á ce.

Kuyɛi Zãa 11:15

Si anyii nŋu, amaleka mɛɛjesiau í fã kãakãakĩɛ. Ŋɔi à gbɔ anu ku dɔ̃ nla nla gɔ ŋa lelei Aɔ̃ à ni, à sindoa Aɔ̃ Lafɛ̃ɛ nwa do inɛ iyi í cicau bommai andunyau, nɔ á jɛ bomma hee do ajɔ fei.

Woo kiiti ŋa 7:22

Ŋɔi Zedeɔ̃ do inɛ cĩɔ mɛɛta ŋau à fã kuu nŋa ŋau má. Waati iyi à waa fã kuu nŋa ŋau, ŋɔi Aɔ̃ Lafɛ̃ɛ í jɔ̀ inɛi Madiãa ŋau à lɔsi njɛ ku kpa. Ŋɔi inɛ ŋa iyi à gbe ŋau à sa à nɛ hee Bɛti-Sita ikpa Serera hee kɔkɔi ilu iyi à ya kpe Abɛli-Mehola kɔkɔi ilui Tabati.

Samuɛli 1, 14:16

Ŋɔi sooge woo degbei Saulu ŋa iyi à wa Gibea à yɛ inɛi Filisi ŋau à fangaa à waa sa bii fei.