Woo weeɛ ŋa a kù waa jirima woodam nɔ a kù mà bɛɛrɛi inya ŋa iyi à nya ikã à jɛ titom. A kù waa fɛɛfɛ mii iyi í má do iyi kù má. A kù waa kɔ inɛ ŋa bɛi aa mà mii iyi í riisi do iyi kù riisi. A kù waa saalu ajɔi kusĩmim ŋa, nɔ si anini nŋa à bɛjɛ irim.
Ntɔ ntɔ, icɛi woo wee ŋai í jɛ a kɔ inɛ ŋa si bɛi aa ce a mà amu Aɔ̃ Lafɛ̃ɛ. Bi tu ŋai inɛ ŋa à ya na a ce kubee si gãmɛi asaiya ŋa iyi à nɛ a too si, domi aŋai à jɛ amaabɛi amu Aɔ̃ Lafɛ̃ɛi lele do ilɛ.
Aŋai à ya maa kɔ inɛi Izirɛli ŋa si woodaɛ ŋau. Aŋai à ya naaɛ tuae ku dɔ̃ inunu ŋa wa do kuwee ŋa iyi à ya jo si ina fei sãa sãa si antaii bi kuweeɛu.
Í gbe ku maa mu ide iyi í nɛ naanɛu dim dim si bɛi à kɔaa si. Bɛɛbɛi á yɔkɔ ku mua inɛ ŋa iyi à gbe gbugbã nɔ ku tusɛ nŋa yaasei cio jiida nɔ ku kãmia woo jã ide ŋa.
