Azee 1:8 - Bibeli do fee

⁸ I dede i bɔ iri kuta ihɔ̃ i dɛdɛ jĩi wa i na i teese i ma kpasɛ̃m nɔu ŋa, an nɛ si inɔ didɔ̃ nɔ inɛ ŋa aa mà bɛɛrɛm. Amu Aɔ̃ Lafɛ̃ɛi ǹ fɔ bɛɛbɛ.

Azee 1:8 Iomraidhean Croise

Ilaalu 1, 6:1

Ilaalu Salomɔɔ í sinti kpasɛ̃i Aɔ̃ Lafɛ̃ɛ ku mai si anyii adɔ̃ cĩɔ mɛɛ do cinɛ iyi inɛi Izirɛli ŋa à fitaò wa hai ilɛi Ezibiti. Si adɔ̃ mɛɛsiai bomma ku jɛui icɛ ŋau í sinti si cukpa iyi à ya kpe Zivu waatɔ cukpa minjisiai adɔ̃.

Ilaalu 1, 9:3

Ŋɔi í sɔ̃ɔ í ni, ǹ gba kutɔɔɛ. Kpasɛ̃u ihɛ̃ iyi ì ma, ǹ nyaa ikãi í jɛ titom. Bɛi an maa n wa waati kãma fei si anini nŋɛ, nɔ bɛi ijum do idɔm á maa wa.

Bomma 1, 22:19

Debɛi i dɛdɛ Aɔ̃ Lafɛ̃ɛ do idɔ nŋɛ fei do hunde nŋɛ fei ŋa. I dede i ma kpasɛ̃u ŋa, ku ba a koo a jilɛ kpakoi akabuuu do jĩnɛ kumá ŋau fei bɛ na bɛɛrɛɛ.

Bomma 2, 7:16

Bɛbɛi, ǹ so kpasɛ̃u ihɛ̃ ǹ jilɔɔ ikãi ku ba a ya maa kpe irim bɛ hee do ajɔ fei. Nɔ bɛi ijum do idɔm aa ya wa waati kãma fei.

Ɛsidarasi 3:7

Nɔ à so woo gbe kuta ŋa do woo gbe jĩi ŋa à na ŋa fia. Si anyiɛ nɔ à na inɛi Sidɔ̃ɔ ŋa do inɛi Tii ŋa mii ku jɛ ŋa do atɛ̃ do ikpo ku ba inɛ nŋu ŋau mɔ a koo a dɛ nŋa jĩi ndii sɛɛdi ŋa wa hai ilɛi Libãa a dasi akɔi inyi a naaò wa hee ilui Zopee. À cooi do woodai Sirusi ilaalui Pɛɛsiu.

Ɛsidarasi 6:4

Tuuba mɛɛtai aa maò kuta ŋa iyi à gbeu, nɔ a dasi jĩi ŋa mɔ tuuba akã. Si anyiɛ nɔ a maò kuta ŋau má tuuba mɛɛta, nɔ a dasi jĩi ŋau má tuuba akã. Bɛɛbɛi aa maò ileu hee koo bɔò. Fia ŋa iyi aa ceò fei kpasɛ̃i ilaalui á sãa.

Kufita 29:43

Tengi bɛi an ya n ko inɛi Izirɛli ŋa, nɔ inyau á jɛ inya kumá do saabui amboem iyi á wa bɛ.

Ezai 60:13

Amboei Libãa fei, bi titɛɛ bɛi á baa. Jĩi ndii Libãa ŋa iyi à nɛ gbugbã nɔ à sĩa ŋau, fei ndɛɛ á baa bi titɛɛ bɛi ku ba a jɛ boodai kpasɛ̃m nɔu. Do yaase bɛɛbɛi an nyisiò amboei tengi bii ǹ wa.

Ezai 60:7

Mɛɛmu gaai Kedaa ŋau fei sãa sãa, aa tɔtɔɔ wai bi titɛɛ bɛ. Angudã komboi Nebayɔti ŋai aa jɛ ti ku ce wũaɛ. Angudã nŋu ŋai aa ceem do kuwee iyi à ya jo si ina fei sãa sãa si antaii bii à ya ceem kuweeu nɔ á dɔ̃ɔm si. Do yaase bɛɛbɛ, an jɔ̀ kpasɛ̃m ku nɛ bɛɛrɛi nɔ ku maa daana.

Ezai 66:11

Do yaase bɛɛbɛ, Zeruzalɛmu á tũ idɔ nŋɛ do amboeɛ nɔ á jɔ̀ i yo ŋa bɛi iyei ama í ya jɔ̀ amaɛ ŋa a mɔmɔ hee a yo ku ba a gbɔ didɔ̃i amɔu.

Azee 1:7

Na nŋu, amu Aɔ̃ Lafɛ̃ɛi lele do ilɛ ǹ sisi ǹ wa n fɔ má n ni, i lasabu ŋa si yaasei isɛɛnɛ nŋɛ.

Azee 2:7

An na n yaga dimii ŋau feii nɔ n jɔ̀ a ko amani jiida nŋa ŋa a naaò wa kpasɛ̃m bɛ. Nɔ do yaase bɛɛbɛi an kɔ̃ kpasɛ̃u do bɛɛrɛ. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Azee 2:9

Nsɛi, kpasɛ̃ iyi à teese à mau ihɛ̃, bɛɛrɛɛ á re ti takou, nɔ tengi bɛi an na ŋɛ laakai ku sũ. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.