Azee 1:6 - Bibeli do fee

⁶ Wee ì waa gbɛ̃ amaajɛ nla nla ŋa, nɔ keekei ì waa da ŋa, ì waa jɛ ŋa amma i kù waa yo ŋa, ì waa mɔ ŋa, amma kumɔ nŋɛu kù waa nya ŋɛ agbɛ, ì waa dasi jĩnɛ ŋa amma kù waa nya nŋɛ tũtũ. Bii ì gba fiai kusã nŋɛ ŋa í ya nɛi bɛi mii iyi si ziba ku lui ì dasi ŋa.

Azee 1:6 Iomraidhean Croise

Samuɛli 2, 21:1

Si waatii ilaalu Davidi, ari gɔ í ce nɔ í kpɛ í ce hee adɔ̃ mɛɛta. Ŋɔi Davidi í tɔɔ Aɔ̃ Lafɛ̃ɛ. Nɔ Aɔ̃ Lafɛ̃ɛ í sɔ̃ɔ í ni, ariu wa cei na dulum iyi Saulu do inɛi kpasɛ̃ɛ ŋa à ce domi à kpa inɛi Gabaɔ̃ɔ ŋa.

Ilaalu 1, 17:12

Ŋɔi jaaɔ̃u í jɛaa í ni, do irii Aɔ̃ Lafɛ̃ɛɛ fei n kù nɛ ijɛ kãma iyi í jĩa, í gbe iyafũ awɔ kutu akã gɔ iyi ǹ nɛ si kaale do ikpo keeke iyi í wa si jɔlɔ. Na andi nŋu bɛi ǹ naa jĩi ŋau ihɛ̃ ku dɛ n bɔ n koo n ceò sɔndai amu do amam. Bii à jɛ inɛ nŋu bɛ à tã nɔ ka ku.

Neemi 5:2

Inɛ gɔ ŋa à waa ni, awa do ama inɛmɔkɔ nwa ŋa do ama inaabo nwa ŋa à kpɔ. Awa à bi a na wa bilee iyi aa ka jɛ ka maa wɛɛò.

Zɔɔbu 20:22

Sukui ayoi inɔ kufɔ á naa siɛ. Á ba goloi laalɔ ikã ikã dimi baa yooma fei.

Zɔɔbu 20:28

Aa gbangaa andi mii iyi í nɛ fei a nɛò si ajɔi idɔɔkɔ̃i Ilaaɔ̃.

Iri ku kɔ̃ 107:34

Í jɔ̀ ilɛ ku nɛ taasi í baa í kpɔò ilɛ hai nɛ taasi na inɔ kukãi inɛi ilɛ ŋau.

Mɔnda ŋa 11:24

Amanii ilu inɔ akã í ya maa kɔ̃ɔsii, amma inɛ iyi awɔɛ ci ya fũ, í ya ce are ku maa kooi.

Ezai 5:10

Ikoi jĩi ndii rezɛ̃ɛ etaa mɛɛta, bii a fɔ̃ inyiɛ, kaa ce liiti ciitaa, nɔ inɛ iyi í gbɛ̃ bilee kiloo cĩɔ, kiloo mɛɛwai á mu.

Zeremi 12:13

Inɛ ŋau à gbɛ̃ bilee, nɔ à waa da agũ ŋa. À wahala ara nŋai ngbɛ ngbɛ, a kaa jɛ baakaɛ kãma. Anyɔi í jɛ tu ŋa si amaajɛ nŋa ŋa iyi à da. Idɔɔkɔ̃ nla nlai Aɔ̃ Lafɛ̃ɛi í jɔ̀ í ce bɛɛbɛ.

Zeremi 14:4

Ilɛ í gbɛ hee í la si na iyi í jɔ̀ ijĩ kù waa wɔ. Nɔ woo logoo ŋa mɔ à wɛɛò inɔ kufɔ ntɔ ntɔ, na ŋɔi í jɔ̀ si inɔ kufɔ nŋa, aŋa mɔ à ya maa bii iri nŋai do acɔ.

Zeremi 44:18

Amma hai waati iyi à leekĩò tuae ku dɔ̃ inunu ku kooa ilaalu inaaboi lelei Aɔ̃u do kuweei atɛ̃ vɛ̃ɛ ŋa, mii feii à kua, nɔ igũ do arii í ce nfe nwa.

Ozee 4:10

Aa maa jɛ, amma a kaa ya yo. Aa ya maa ce sakara, amma a kaa ya ba amu ŋa. Ntɔ ntɔ, à sinda à toa amu Aɔ̃ Lafɛ̃ɛ anyii ku ba a koo a maa ce sakara.

Ozee 8:7

Si bɛi fufui ì waa gbɛ̃ ŋa, fufu dabii nla nlai aa na i da ŋa. À ya kpa mɔnda gɔ a ni, bilee iyi í fita nɔ kù bí, i kaa ba iyafũɛ. Nɔ baa bii í jɛ í bí mɔi, inɛ njoo ŋai aa jɔɔ.

Kuwee 26:20

Aa ya ta gbugbã nŋɛ ŋai ngbɛ ngbɛ, ilɛ nŋɛ ŋa a kaa ya ce amaajɛ kãma, nɔ jĩi ndii ilɛ nŋɛ ŋau mɔ a kaa ya so iso kãma.

Kuwee 26:26

An jɔ̀ i kua mii ku jɛ ŋa. Inaabo mɛɛwa á yɔkɔ ku sɔ̃ pɛ̃ɛ nŋɛ si bi ku sɔ̃ pɛ̃ɛ akã, nɔ aa naa nŋɛ pɛ̃ɛ iyi kù re nkãma wa, iyi kaa nya ŋɛ baa ari mɔm.

Azee 1:10

Na ŋɔi í ce ijĩ kù tontoo wa hai lele nɔ nkãma kù ce ncɛɛ.

Azee 1:5

Na ŋɔi í ce nsɛi, amu Aɔ̃ Lafɛ̃ɛi lele do ilɛ ǹ ni i lasabu ŋa do yaasei kuce nŋɛ.

Azee 1:7

Na nŋu, amu Aɔ̃ Lafɛ̃ɛi lele do ilɛ ǹ sisi ǹ wa n fɔ má n ni, i lasabu ŋa si yaasei isɛɛnɛ nŋɛ.

Azee 1:9

Ì waa tamaa mà aa ba amaajɛ nkpɔ nkpɔ wa hai si iko nŋɛ ŋa. Amma wee keeke iyi ì ba ì baaò wa kpasɛ̃u ŋa, ǹ fufuɛ ǹ fangaaɛ. Na mii í jɔ̀ ǹ ce bɛɛbɛ amu Aɔ̃ Lafɛ̃ɛi lele do ilɛ. Ǹ ce bɛɛbɛi si na iyi í jɔ̀ ì jɔ̀ kpasɛ̃m í kpɔò bomma ŋa. Nɔ inɛ baa yooma nŋɛ fei wa saasa ku ma kpasɛ̃ɛ.

Azee 2:16

bii inɛ gɔ í so bilee gũa kɔnfia wa hai inɔ suu fei, gũa mɛɛwai í ya na ku ba si. Bii inɛ í koo í kpã atɛ̃ vɛ̃ɛ liiti ciitaa wa hai si boonyi nla, liiti kɔnfiai í ya na ku ba si.

Azee 2:17

Ǹ ce nfei icɛ nŋɛ ŋa, ǹ jɔ̀ kutai ijĩ gɔ ŋa à cuku wa hai lele si iko nŋɛ ŋa, nɔ amaajɛ nŋɛ ŋa à gbɛ si icu nŋa. Amma do nŋu fei i kù nyi wa bi tom ŋa amu Aɔ̃ Lafɛ̃ɛ.

Zakari 5:4

Aɔ̃ Lafɛ̃ɛi lele do ilɛi í ni nŋu á samba ikpeu wa. Ikpeu á na ku bubai si kpasɛ̃i woo ce ile ŋa do woo gbasi do irii Aɔ̃ Lafɛ̃ɛ si ibo ŋa. Hai jĩi ndii ile nŋa do kutaɛ ŋa fei á kpa iri.

Zakari 8:10

Tako wo, baa do iyi amanɛ ŋa do kɛtɛ ŋa à waa ce icɛ fei, a ci ya ba nkãma. Waati bɛɛbɛ inɛ kãma ci ya fita, nɔ inɛ kãma ci ya lɔ do laakai ku sũ na mbɛɛ ŋa. Ǹ fũsi amanɛ fei awɔi, ǹ jɔ̀ à waa cea njɛ laalɔ bɛi à bi.

Malasi 2:2

Bii ì kɔ̀ ku de sim itĩ nɔ i kù mà bɛɛrɛm ŋa, amu Aɔ̃ Lafɛ̃ɛ an ceekpe ŋɛi, nɔ kuwee iyi ǹ ce nŋɛ kuwãɛu á baa ku kpɔò ikpei. An ce bɛɛbɛi si na iyi í jɔ̀ i ci ya saalu ngɔgɔ ŋa.

Wooda ku kɔsi 28:17

Kaa da nŋɛ si isoi jĩi ŋa si kɔlɔ nŋɛ ŋa, nɔ i kaa nɛ iyafũ si kaale nŋɛ ŋa.