Azee 1:4 - Bibeli do fee

⁴ Í sĩa nŋɛ si i wa si kpasɛ̃ jiida ŋa iyi à ce si booda, nɔ kpasɛ̃m ku yɛ bɛi bomma?

Azee 1:4 Iomraidhean Croise

Samuɛli 2, 7:2

Ajɔ nŋu gɔ í sɔ̃ walii Natãa í ni, cɔ de. Ile iyi à ce do jĩi ndii sɛɛdii ǹ wa n sũ si, nɔ kpakoi Ilaaɔ̃ wa jilɛ si inɔ ilei acɔ.

Ilaalu 2, 5:26

Amma Elizee í sɔ̃ɔ í ni, ì waa tamaa waati iyi mɔkɔu í kita hai si sarɛtiu í bɔ ku koɛ n kù wa n yɛɛi? Ì tamaa bɛi waati iyi aa gba jĩnɛ ŋa do isɔ fũfũ nɔ i ra ikoi jĩi ndii olivi ŋa do ti rezɛ̃ɛ ŋa do mɛɛmu ŋa do woo ce icɛ ŋai ihɛ̃?

Iri ku kɔ̃ 102:14

Aa dede i ce araarei Siɔ̃ɔi, domi awaati iyi ì jilɛ i cea didɔ̃u, awaatiui í to wa bɛ.

Iri ku kɔ̃ 74:7

À dasi kpasɛ̃ kumáɛu ina, à kɛkɛɛ nɔ à bɛjɛ iriɛ.

Woo lasabu 3:3

Waatii inɛ ku kpa í wɛɛi nɔ waati iyi aa jɔ̀ inɛ ku ba iri í wɛɛi. Waatii ku lɛgɛ í wɛɛi nɔ waatii ku ma í wɛɛi.

Zeremi 22:14

Ì fɔ ì waa ni, an jɔ̀ a maam ile kukpɛkɛ nla nlai, nɔ a jɔ̀ ilaawa ŋa iyi à wa si antaii kukpɛkɛu a cĩ, nɔ a dasi fɛrɛnti nla nla ŋa. Ì waa ni awɔ aa jɔ̀ a biiɛi do jĩi ndii sɛɛdi ŋa, nɔ a jɔsi ila nkpa.

Zeremi 26:18

si waatii Ezekiasi ilaalui Zudaa, walii gɔ í wɛɛ iyi à ya kpe Misee inɛi Moresɛti. Nŋui í ce walii í sɔ̃ zamaai Zudaa fei í ni, ide iyi Aɔ̃ Lafɛ̃ɛi lele do ilɛ í fɔ wee. Í ni, Siɔ̃ɔ á na ku yɛi bɛi iko iyi à logoo à nya fiiɛ, Zeruzalɛmu mɔ bɛi ilu iyi í cuku í ce geete, nɔ iri kuta bii kpasɛ̃i Aɔ̃ Lafɛ̃ɛ í wau mɔ á ce agboi, fɔfɔ ku biiɛ fei.

Zeremi 26:6

Bii i kù waa jɛ ku gbɔ idem ŋa, an lɛgɛ kpasɛ̃i amu Aɔ̃ Lafɛ̃ɛu ihɛ̃i bɛi ǹ lɛgɛ ti Siloou. Nɔ an jɔ̀ Zeruzalɛmu ku baa ku jɛ yaase iyi inɛi andunya fei á ya so ku ceekpeò.

Zeremi 33:10

Ŋɔi Aɔ̃ Lafɛ̃ɛ í nyi í ni má, iŋɛ inɛi Zudaa ŋa ì ya maa ni ŋa, ilɛu í kpɔò bomma, inɛ kãma kù wa bɛ má hee má jɛ mɛɛmu ŋa. Ntɔi, ilui Zudaa ŋau do kpãai Zeruzalɛmu ŋau à gbe ngbɛ nnyiu ihɛ̃. Mii ilu hunde kãma kù wa bɛ, hai amanɛ hee do mɛɛmu ŋa. Nɔ ntɔ ntɔ, si ilɛu bɛ aa na a gbɔ

Zeremi 33:12

Ide iyi Aɔ̃ Lafɛ̃ɛi lele do ilɛ í nyi í fɔ má wee. Í ni, si ilɛ iyi í gbe ngbɛu ihɛ̃ bii amanɛ kù wa hee má jɛ mɛɛmuu ihɛ̃, do si iluɛ ŋau fei, inya á nyi ku wɛɛ má ti woo degbe ŋa iyi aa maa degbe iwo nŋa ŋa do angudã nŋa ŋa do laakai ku sũ.

Zeremi 52:13

Ŋɔi í jo kpasɛ̃i Aɔ̃ Lafɛ̃ɛu do kpasɛ̃i ilaaluu do ilei Zeruzalɛmu ŋau fei hee do ti ilu jirima ŋau.

Kukpata 2:7

Aɔ̃ Lafɛ̃ɛ í cé bii à ya ce kuweeu, nɔ í fũsi ile kumáɛu awɔ. Í so kpasɛ̃ jiidai Siɔ̃ɔ ŋa í daa mbɛɛ si awɔ. Si inɔ kpasɛ̃i Aɔ̃ Lafɛ̃ɛu, à gbɔ anu ku dɔ̃ ŋa nla nla bɛi ti ajɔi jingau nlau.

Kukpata 4:1

Ee, bɛirei í ce wurai kpasɛ̃i Aɔ̃ Lafɛ̃ɛ iyi wa daanau, kù waa daana má, wura alalau í bɛjɛ. Kuta ŋa iyi à maò kpasɛ̃i Aɔ̃ Lafɛ̃ɛu à fangaa bii fei.

Ezekiɛli 24:21

sɔ̃ inɛi Izirɛli ŋau i ni amu Aɔ̃ Lafɛ̃ɛ ǹ ni, an jɔ̀ a riisi kpasɛ̃m iyi wa jɛ gbugbãi fufu ku tɔɔ nŋɛ, do inɔ didɔ̃ nŋɛ, do kpãa ku cɔ si kuwɛɛ nŋɛu. Si anyiɛ, ama inɛmɔkɔ nŋɛ ŋa do ama inaabo nŋɛ ŋa iyi ì jɔ̀ Zeruzalɛmu ŋau aa kpa ŋai do taakuba.

Kuwee 19:25

Nɔ si adɔ̃ miiusiaɛ aa jɛ ŋa. Si bɛɛbɛ isoi jĩi ndu ŋɛ ŋa aa kpɔ a maa kɔ̃ɔsii. Amui ǹ jɛ Aɔ̃ Lafɛ̃ɛ nŋɛ.

Misee 3:12

Na nŋu, na iri nŋɛ, Siɔ̃ɔ á yɛi bɛi ilɛ iyi à fa. Zeruzalɛmu á kpɔò bomma. Nɔ bɛɛbɛi iri kuta kumá bii kpasɛ̃i Ilaaɔ̃ í wau á baa ku yɛi bɛi agbo.

Azee 1:5

Na ŋɔi í ce nsɛi, amu Aɔ̃ Lafɛ̃ɛi lele do ilɛ ǹ ni i lasabu ŋa do yaasei kuce nŋɛ.

Azee 1:9

Ì waa tamaa mà aa ba amaajɛ nkpɔ nkpɔ wa hai si iko nŋɛ ŋa. Amma wee keeke iyi ì ba ì baaò wa kpasɛ̃u ŋa, ǹ fufuɛ ǹ fangaaɛ. Na mii í jɔ̀ ǹ ce bɛɛbɛ amu Aɔ̃ Lafɛ̃ɛi lele do ilɛ. Ǹ ce bɛɛbɛi si na iyi í jɔ̀ ì jɔ̀ kpasɛ̃m í kpɔò bomma ŋa. Nɔ inɛ baa yooma nŋɛ fei wa saasa ku ma kpasɛ̃ɛ.

Matie 6:33

Na nŋu, i hanya titã ŋa i ce idɔɔbii Ilaaɔ̃ do bɛi aa ce i jɔ̀ bommaɛ ku bɔ waju. Iyi í gbe bɛi fei Ilaaɔ̃i á kɔ̃ɔ nŋɛ si.

Filipi 2:21

Inɛ ŋa iyi à gbe fei, lasabui idei aŋa taka nŋai à waa ce, lasabu nŋa kù wa si idei Jesu Kirisi.