Azee 1:13 - Bibeli do fee

¹³ Azee woo bɛi Aɔ̃ Lafɛ̃ɛu í sɔ̃ ŋa ide iyi Aɔ̃ Lafɛ̃ɛ í sɔ̃ɔu í ni, Aɔ̃ Lafɛ̃ɛ í wɛɛ do iŋɛ.

Azee 1:13 Iomraidhean Croise

Bomma 1, 28:20

Ŋɔi Davidi í sɔ̃ Salomɔɔ amaɛu í ni, jɔ̀ i nɛ gbugbã nɔ i dasi wɔɔkɔ i ce icɛɛ. Maà ce njo nɔ i maà jɔ̀ idɔɛ ku dede, domi Aɔ̃ Lafɛ̃ɛm á wɛɛ do awɔ. Kaa kɔ̀siɛ pai, nɔ kaa fũsiɛ awɔ hee icɛi kpasɛ̃ɛu koo tãò.

Bomma 2, 15:2

Nɔ Azaria í bɔ wajui Aza nɔ í sɔ̃ɔ í ni, i sotĩ i gbɔ idem ŋa, awɔ Aza do inɛi Zudaa ŋa do inɛi Bɛnzamɛɛ ŋa fei. Aɔ̃ Lafɛ̃ɛ á wɛɛ do iŋɛ bii ì wɛɛ do nŋu ŋa. Bii ì waa dɛdɛɛ ŋa aa yɔɔ ŋa. Amma bii ì kɔ̀siɛ ŋa á kɔ̀si ŋɛ.

Bomma 2, 20:17

Iŋɛ i kù nɛ ija kãma ku ce si ideu bɛ ŋa. Iŋɛ de i koo nɔ i wa bɛ ŋa. Aa yɛ faaba iyi Aɔ̃ Lafɛ̃ɛ á naa nŋɛ wa. Inɛi Zudaa ŋa do ti Zeruzalɛmu ŋa, i maà ce njo ŋa nɔ i maà jɔ̀ zigi nŋɛ ku da. Ala i fita i kò ŋa ŋa. Aɔ̃ Lafɛ̃ɛ á wɛɛ do iŋɛ.

Bomma 2, 32:8

Gbugbã nŋa, ti arai. Tu wa, Aɔ̃ Lafɛ̃ɛ nwai á sobi wa nɔ ku ja nwa. Nɔ zamaau í dasi idei Ezekiasi ŋau naanɛ.

Iri ku kɔ̃ 46:11

Nŋui í ni, i leekĩ nɔ i mà ŋa iyi amui ǹ jɛ Aɔ̃ Lafɛ̃ɛ. Amui ǹ kãmia dimi ŋa nɔ ǹ kãmia andunyau fei.

Iri ku kɔ̃ 46:7

Inɛi ilɛ ŋa à ce iba, bomma ŋa à yaya, à gbɔ imui Ilaaɔ̃, nɔ ilɛ í yɔ.

Ezai 41:10

Maà jɔ̀ njo ku muɛ domi ǹ wɛɛ do awɔ. Maà ti i maa cɔ ilu do zigiida domi amui ǹ jɛ Aɔ̃ Lafɛ̃ɛɛ. An jɔ̀ i nɛ gbugbã, nɔ an naa n faabaɛ. An maa n muɛi do gbugbãm iyi í ya jɔ̀ n jɛ igũ.

Ezai 42:19

Yooi í jɛ fɛɛju, bii kù jɛ woo ce icɛm nɔu. Yooi í jɛ dekĩ bɛi inɛ iyi ǹ wa n bɛu. Yooi í jɛ fɛɛju bɛi inɛ iyi í ba laakai ku sũu. Yooi í jɛ fɛɛju bɛi woo ce icɛi amu Aɔ̃ Lafɛ̃ɛu.

Ezai 43:2

Bii ì waa kua inyi, an wɛɛ do awɔ. Nɔ bii ì waa kua ido ŋa, inyi kaa nɛòɛ. Bii ì waa nɛ si ina ì waa kua, kaa joɛ nɔ amɛi inau kaa ceɛ nkãma.

Ezai 44:26

Amui ǹ ya n jɔ̀ idei woo ce icɛm ku ce, nɔ mii ŋa iyi woo bɛm ŋa à fɔ à jilɛ, ǹ ya n jɔ̀ ku cei dee dee. Amui ǹ fɔ si gãmɛi Zeruzalɛmu ǹ ni, zamaa nkpɔ nkpɔi á nyi wa ku naa ku buba bi titɛɛ, nɔ bɛɛbɛ mɔi á jɛ do ilui Zudaa ŋau mɔ. Aa teese a ma ŋai, nɔ a dede idĩ nŋa ŋau.

Zeremi 15:20

An jɔ̀ i jɛi bɛi bindii isɔ danya ku nɛ gbugbã bi inɛ ŋau bɛ. Aa naa siɛ igũ, amma a kaa jɛɛ igũ, domi ǹ wɛɛ do awɔ ku ba n faabaɛ nɔ n nyaɛ. Amu Aɔ̃ Lafɛ̃ɛi ǹ fɔ bɛɛbɛ.

Zeremi 20:11

Amma Aɔ̃ Lafɛ̃ɛ, ì nɛ gbugbã, nɔ awɔi ì waa jaam. Inɛ ŋa iyi à waa kpãm iju ŋaui aa koosɛ a cuku, nɔ a kaa jɛ igũ. Anyɔ á mu ŋai do iyi aa yɛ aŋa a kù jɛ igũ. Si anyɔi aa maa wa hee do ajɔ fei, nɔ inɛ kãma kaa gbɛjɛ ideɛ.

Zeremi 30:11

Nɔ Aɔ̃ Lafɛ̃ɛ í nyi í ni má, ǹ wɛɛ do awɔ ku ba n faabaɛ. Dimi ŋa bii ǹ jɔ̀ ì fangaa ì nɛu fei, an kpa iri nŋai. Amma awɔ, n kaa n ce nfeɛ. Ntɔi, ǹ kpãɛ iju bɛi í jɔ fei, domi n kaa n yɔkɔ n jɔ̀ɛ bɛi inɛ iyi kù nɛ taale kãma, amma ijuukpã iyi ì ba hai bi tom dee deei.

Ezekiɛli 3:17

amanɛ, ǹ soɛi i jɛ bɛi woo kɛɛma bi inɛi Izirɛli ŋa. I ya gbɔ idem ŋa nɔ i ya koo i faò laakaii inɛi Izirɛli ŋau.

Azee 2:4

Na nŋu, nsɛi, amu Aɔ̃ Lafɛ̃ɛi lele do ilɛ ǹ ni, awɔ Zorobabɛli do Zozue do inɛi Zudaa ŋa fei, i mua njɛ gbugbã ŋa nɔ i ce icɛ ŋa domi ǹ wɛɛ do iŋɛ.

Malasi 2:7

Ntɔ ntɔ, icɛi woo wee ŋai í jɛ a kɔ inɛ ŋa si bɛi aa ce a mà amu Aɔ̃ Lafɛ̃ɛ. Bi tu ŋai inɛ ŋa à ya na a ce kubee si gãmɛi asaiya ŋa iyi à nɛ a too si, domi aŋai à jɛ amaabɛi amu Aɔ̃ Lafɛ̃ɛi lele do ilɛ.

Malasi 3:1

Ŋɔi Aɔ̃ Lafɛ̃ɛi lele do ilɛ í jɛ í ni, an bɛ amaacɛm wa ku na ku teesem kpãa. Lafɛ̃ɛ iyi ì waa dɛdɛ ŋau á lɔ si kpasɛ̃ɛu anu akã. Amaabɛ iyi ì bi ŋau wa naa ku na ku fɔ idei akabuum.

Matie 1:23

iyi í ni, mudɛ̃ɛ gɔ iyi kù mà mɔkɔ á na ku nɛ asĩ. Á bí ama inɛmɔkɔ, nɔ a kpoo Emanuɛli. Yaasei iriui í jɛ Ilaaɔ̃ í wɛɛ do awa.

Matie 18:20

domi tengi bii amanɛ minji walakɔ mɛɛta í tɔtɔɔ à waa ce kutɔɔ do irim, ǹ wa si anini nŋa.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Romu 8:31

Debɛi bɛirei aa ka fɔ má. Bii Ilaaɔ̃ í jɛ tu wa, yooi á yɔkɔ ku jɛ mbɛɛ nwa.

Kɔrɛnti 2, 5:20

Na nŋu, à jɛ woo bɛi Kirisi ŋa. Í yɛi bɛi Ilaaɔ̃ takaɛi wa ba ŋɛ ide ku fɔ hai bi tu wa nɔ à waa tɔɔ ŋɛ do irii Kirisi, i jɔ̀ i dɔ̃ do Ilaaɔ̃ ŋa.

Timɔtee 2, 4:17

Do nŋu fei, Lafɛ̃ɛ í leekĩ do amu í muum gbugbã, ku ba n waazo laabaau jiidau mam mam nɔ dimi mmu ŋau fei a gbɔɔ. Nɔ ǹ fita si wahalau bɛi inɛ iyi í gbã hai si gɛlɛi muusu nla.

Timɔtee 2, 4:22

Lafɛ̃ɛ ku wɛɛ do awɔ. Nɔ didɔ̃i Ilaaɔ̃ ku wa si iŋɛ fei.

Woo kiiti ŋa 2:1

Amalekai Aɔ̃ Lafɛ̃ɛu í dede wa hai Giligali í bɔ Bokimu, nɔ í sɔ̃ inɛi Izirɛli ŋau í ni, amui ǹ fitaò ŋɛ wa hai ilɛi Ezibiti, nɔ ǹ naaò ŋɛ wa si ilɛ iyi ǹ wãò bala nŋɛ ŋa do kugbasi ǹ ni an mu nŋau. Nɔ ǹ sɔ̃ ŋa ǹ ni n kaa n fũ akabuu iyi awaò ŋa à dĩu pai.