Azee 1:12 - Bibeli do fee

¹² Ŋɔi Zorobabɛli amai Seatiɛli do Zozue woo wee nlau hee do inɛ ŋa iyi à gbe fei à jirima idei Aɔ̃ Lafɛ̃ɛ nŋa bɛi Azee waliiu í fɔ wo. Do yaase bɛi Aɔ̃ Lafɛ̃ɛ í sɔ̃ Azee ideu í ni ku sɔ̃ ŋau bɛɛbɛi í sɔ̃ ŋa bɛ fei. Ŋɔi zigi nŋa í da si wajui Aɔ̃ Lafɛ̃ɛ.

Azee 1:12 Iomraidhean Croise

Kusintii Andunya 22:12

Ŋɔi amalekau í ni, maà lu amau, maà ceaa ngɔgɔ, domi ǹ mà bɛbɛi iyi ì waa jirima Ilaaɔ̃, i kù kɔ̀ɔ ama akãɛu.

Ɛsidarasi 10:18

Si inɔi woo wee ŋau, inɛ ŋa iyi à so abo si inɔi inaabo isɛ mmu ŋau wee. Tɔkui Zozue do ifɔɛ ŋa, aŋa iyi à jɛ amai Yosadaki ŋau wee. Maseya do Eliezɛɛ do Yaribu do Gedalia.

Ɛsidarasi 5:2

Ŋɔi gbakã Zorobabɛli amai Seatiɛli do Zozue amai Yosadaki à dede à lɔsi kpasɛ̃i Ilaaɔ̃ ku ma Zeruzalɛmu má. Nɔ waliii Ilaaɔ̃ ŋau à sobi ŋa.

Iri ku kɔ̃ 112:1

I saabu Aɔ̃ Lafɛ̃ɛ ŋa. Ilu inɔ didɔ̃i inɛ iyi í mà bɛɛrɛi Aɔ̃ Lafɛ̃ɛ, nɔ í bi woodaɛ ŋa.

Mɔnda ŋa 1:7

Bii ì bi i nɛ kumà, jɔ̀ i mà bɛɛrɛi Aɔ̃ Lafɛ̃ɛ titã. Nnyɛi ŋa aŋa akãi à ya ce atafii si bisi do ikɔ iyi à waa na ŋa.

Woo lasabu 12:13

Ka sotĩ ka gbɔ iri ku kpai ideu. Mii iyi amanɛ í nɛ ku ce, nŋui í jɛ ku mà bɛɛrɛi Ilaaɔ̃ nɔ ku jirima woodaɛ ŋa,

Ezai 1:19

Bii ì na ara nŋɛ i gbɔ idem nɔ i jirimam ŋa, aa ba amaajɛ jiidai ilɛu i jɛ ŋa.

Ezai 50:10

Bii inɛ gɔ si inɔ nŋɛ í mà bɛɛrɛi Aɔ̃ Lafɛ̃ɛ, ku sotĩ ku gbɔ idei woo ce icɛɛ. Inɛ iyi wa nɛ si ilu kuku nɔ inya kumá wa gaiziaɛ, ku dasi Aɔ̃ Lafɛ̃ɛ naanɛ nɔ ku jɔ̀ gbugbãɛ ku wa si Aɔ̃ Lafɛ̃ɛɛu.

Azee 1:1

Si adɔ̃ minjisiai bomma ku jɛi Dariusi, cukpa mɛɛfasia si ajɔ sinteɛ, Aɔ̃ Lafɛ̃ɛ í jɔ̀ walii Azee í ba Zorobabɛli ilu ilɛi Zudaa, do Zozue woo wee nlau ide ku fɔ. Zorobabɛliui í jɛ amai Seatiɛli, nɔ Zozueu mɔ í jɛ amai Yosadaki.

Azee 1:14

Ŋɔi Aɔ̃ Lafɛ̃ɛ í jĩ Zorobabɛli ilu ilɛu do Zozue woo wee nlau do inɛ ŋa iyi à gbeu si iri njoo, nɔ à naa à sinti icɛi kpasɛ̃i Aɔ̃ Lafɛ̃ɛi lele do ilɛ,

Azee 2:2

koo bi Zorobabɛli ilu ilɛi Zudaau do Zozue woo wee nlau hee do inɛ ŋa iyi à gbeu, i bee ŋa i ni,

Woo bɛ ŋa 9:31

Inɛi igbɛi Jesu ŋa iyi à wa ilɛi Zudee do ilɛi Galilee do ilɛi Samari fei à wɛɛò laakai ku sũ, à waa jirima Ilaaɔ̃, à mua njɛ gbugbã nɔ akpɔ nŋa í kɔ̃ɔsi wa koo do sobii Hundei Ilaaɔ̃.

Wooda ku kɔsi 31:12

Aa tɔtɔɔ zamaau feii, hai inɛmɔkɔ ŋa do inaabo ŋa do amu ŋa hee do inɛ njoo ŋa iyi à wa bi tu ŋɛ ŋa bɛ fei ku ba a gbɔ kuciou nɔ a màa, nɔ a mà bɛɛrɛi Aɔ̃ Lafɛ̃ɛ nŋɛ nɔ a maa jirima idei wooda ŋau fei.

Wooda ku kɔsi 31:13

Amu ŋa iyi a kù màa titã aa gbɔɔ nɔ a kɔkɔ Aɔ̃ Lafɛ̃ɛ ku jirima si kuwɛɛ nŋa si ilɛ iyi aa na i koo i buba si ŋa ku jɛ tu ŋɛ ikpa icei idoi Zuudɛ̃ɛ ihɔ̃ ŋa.

Kolosee 1:6

Laabaau jiidau wa fangaa bii fei nɔ wa naaò kuwee wa si andunya fei. Nɔ í la wa kɔ̃ɔsi si bɛi wa ce bi tu ŋɛu hai waati iyi ì gbɔ idei didɔ̃i Ilaaɔ̃u ŋa nɔ ì mà bɛi í yɛ ŋa do ntɔ.

Ebɛɛ 12:28

Na nŋu, ka saabu Ilaaɔ̃ domi à nɛ bomma iyi kaa yaya nɔ ka tɔɔɛ si bɛi í bi nɔ ka mà bɛɛrɛɛ ka jirimaɛ.