Azee 1:11 - Bibeli do fee

¹¹ Ǹ jɔ̀ agbɛ í ce si ilɛu hee do si iri kuta ŋa fei, nɔ hai bilee do jĩi ndii rezɛ̃ɛ do isoi jĩi ndii olivi ŋau fei à gbɛ hee ku koo si mii mmu ŋa iyi à fita si ilɛ fei. Amanɛ do mɛɛmu ŋa fei à wahala ntɔ ntɔ nɔ icɛ iyi ì ce ŋa í ce nfe.

Azee 1:11 Iomraidhean Croise

Ilaalu 1, 17:1

Elii inɛi ilui Tisibu si ilɛi Galaadi í sɔ̃ Akabu í ni, do irii Aɔ̃ Lafɛ̃ɛi inɛi Izirɛli ŋa iyi ǹ wa n cea icɛ, si adɔ̃ ŋa iyi wa baau ihɛ̃ ikpã kaa le hee má jɛ ijĩ ku wɔ bii kù jɛ ǹ ni ku naa.

Ilaalu 2, 8:1

Abo iyi Elizee í jɔ̀ amaɛ í jĩu, Elizee í tako í sɔ̃ɔ wo í ni ku dede ku bɔ ilɛ mmu gɔ nŋu do inɛi kpasɛ̃ɛ ŋa fei nɔ a koo a buba tengi bii aa yɔkɔ domi Aɔ̃ Lafɛ̃ɛ á jɔ̀ ari ku ce si ilɛu, nɔ á cei adɔ̃ mɛɛje.

Zɔɔbu 34:29

Bii Ilaaɔ̃ wa cokoɛ, yooi á yɛ taaleɛ. Bii í nɔ í bi ku manji mɔi yooi á yɔɔ. Amma á yɔkɔ ku tilasi ilɛ gɔ walakɔ amanɛ ŋa

Zeremi 14:2

Inɛi Zudaa ŋa à wa si inɔ kufɔi iku. Ilu nŋa ŋa à baa à kpɔò bomma, nɔ aŋa fei à wa si inɔ kufɔ à waa buba ilɛ. Kukpatai inɛi Zeruzalɛmu ŋau wa bɔ hee lelei Aɔ̃.

Kukpata 1:21

Inɛ ŋa à gbɔ iyi ǹ wa n kakaa, amma inɛ gɔ kù na kù sobim. Mbɛɛm ŋa fei à gbɔ baaui wahalam, nɔ inɔ nŋa í dɔ̃i si na iyi í jɔ̀ awɔi ì coo. Awɔi ì fɔ idei ajɔu, nɔ ì jɔ̀ í naa. Jɔ̀ a baa a yɛ bɛi amu.

Amɔsu 5:8

Aɔ̃ Lafɛ̃ɛ í ce leleaɔ̃ ikã ikã nɔ í jilɛ aŋa fei si inya ikã ikã. Í ya kpaasi ilu kuku ku baa ku jɛ inya kumái daakɔ. Í ya jɔ̀ dasã ku kpɔò idũ, nɔ í ya tɔtɔɔ inyii tenku ŋa nɔ ku nikã ŋa si ilɛ fei. Iriɛi í jɛ Aɔ̃ Lafɛ̃ɛ.

Amɔsu 7:4

Mii iyi Aɔ̃ Lafɛ̃ɛ í jɔ̀ ǹ yɛ má wee. Í ni nŋu á kpã inɛ ŋa ijui do ina. Ŋɔi inau í naa nɔ í jo ilɛi inɛi Izirɛli ŋa nɔ inyii lɛlɛi ilɛ nŋau fei í gbɛ.

Amɔsu 9:6

Inɛ iyi í ce kpasɛ̃ɛ lelei Aɔ̃ nɔ í bii ilɛ wa bɛi antaii ile nɔ í ya tɔtɔɔ inyii tenku ŋa nɔ ku nikã ŋa si ilɛ fei, iriɛi í jɛ Aɔ̃ Lafɛ̃ɛ.

Azee 2:17

Ǹ ce nfei icɛ nŋɛ ŋa, ǹ jɔ̀ kutai ijĩ gɔ ŋa à cuku wa hai lele si iko nŋɛ ŋa, nɔ amaajɛ nŋɛ ŋa à gbɛ si icu nŋa. Amma do nŋu fei i kù nyi wa bi tom ŋa amu Aɔ̃ Lafɛ̃ɛ.

Azee 2:19

Suu nŋɛ ŋa à nɛ amaajɛ má? Aawo. Baa jĩi ndii rezɛ̃ɛ nŋɛ ŋa do jĩi ndii figi nŋɛ ŋa do jĩi ndii gerenadi nŋɛ ŋa do jĩi ndii olivi nŋɛ ŋa a kù so. Amma hai nnyi amu Aɔ̃ Lafɛ̃ɛ an wee nŋɛ.

Malasi 3:11

An lele kɛtɛngbo ŋa hai si ilɛ nŋɛ ŋa, ku ba a maà bɛjɛ amaajɛ nŋɛ ŋa. An jɔ̀ jĩi ndii rezɛ̃ɛ nŋɛ ŋa iyi a ci ya so ŋau a so si iko nŋɛ ŋa. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Malasi 3:9

Ikpei í jɛ ti iŋɛ inɛi Izirɛli ŋa fei, domi ì waa lɛlɛm ŋai.

Wooda ku kɔsi 28:22

Aɔ̃ Lafɛ̃ɛ á jɔ̀ bɔ̃ɔ ŋa a naa si ŋɛi nɔ aa wahala ŋai ntɔ ntɔ. Aa gbɛ ŋa, aa ba juju ŋa do amɔɔdĩ ŋa. Á jɔ̀ agbɛ ku mu, nɔ amaajɛ ŋa aa gbɛ si icu nŋa walakɔ mɔ a sãmi. Wahala ŋau bɛ fei aa naa si ŋɛi hee i koo i ceò nfe ŋa.