Azee 1:1 - Bibeli do fee

¹ Si adɔ̃ minjisiai bomma ku jɛi Dariusi, cukpa mɛɛfasia si ajɔ sinteɛ, Aɔ̃ Lafɛ̃ɛ í jɔ̀ walii Azee í ba Zorobabɛli ilu ilɛi Zudaa, do Zozue woo wee nlau ide ku fɔ. Zorobabɛliui í jɛ amai Seatiɛli, nɔ Zozueu mɔ í jɛ amai Yosadaki.

Azee 1:1 Iomraidhean Croise

Ilaalu 1, 10:15

baka iyi í ya gba hai bi woo nya sĩa ŋa do hai bi ilaalui ilɛ mmu ŋa fei do hai bi ilu ilɛ ŋau baasi.

Ilaalu 1, 14:18

Ŋɔi à koo à suu, nɔ inɛi Izirɛli fei í kpataa si bɛi Aɔ̃ Lafɛ̃ɛ í sɔ̃ walii Ahiya woo ce icɛɛu.

Ilaalu 2, 14:25

Nŋui í nyi í gba ilɛ ŋa iyi à tako à jɛ ti Izirɛliu hai anu koofai Amati hee ku bɔ Tenku ku da imuu, bɛi Aɔ̃ Lafɛ̃ɛ í tako í sɔ̃ walii woo ce icɛɛ Zonasi amai Amitai inɛi Gati-Hefɛɛu.

Bomma 1, 3:17

Yekoniaui inɛi Babilɔni ŋa à mu aru. Nŋui í bí Seatiɛli,

Bomma 1, 3:19

Amai Pedaya ŋai Zorobabɛli do Simei. Amai Zorobabɛli ŋai Mesulamu do Hanania do Selomiti wecĩ nŋa.

Ɛsidarasi 1:8

Miteredaa woo singa fiai ilɛu nŋui í nya mii ŋau í na Sɛsibasaa amanlu si dimii Zudaa si bɛi Sirusi í na wooda.

Ɛsidarasi 10:18

Si inɔi woo wee ŋau, inɛ ŋa iyi à so abo si inɔi inaabo isɛ mmu ŋau wee. Tɔkui Zozue do ifɔɛ ŋa, aŋa iyi à jɛ amai Yosadaki ŋau wee. Maseya do Eliezɛɛ do Yaribu do Gedalia.

Ɛsidarasi 2:2

Zorobabɛli do Zozue do Neemi do Seraya do Relaya do Maadosee do Bilisãa do Misipaa do Biguvai do Rehumu do Baana, aŋai à gbã ŋa wa. Irii inɛmɔkɔi Izirɛli ŋa wee do kukpɔ nŋa si wuaa ikã ikã,

Ɛsidarasi 2:63

Nɔ woo mu ilɛu í ni a maà jɛ sɔndai kuwee gɔ, í gbe hee bii woo wee gɔ í ce kubee wa hai bi urimu do tumimu.

Ɛsidarasi 3:2

Nɔ Zozue woo wee amai Yosadakiu, nŋu do woo wee kpaasiɛ ŋa do Zorobabɛli amai Seatiɛli do nyaanzeɛ ŋa à teese à ma bi kuweei Aɔ̃ Lafɛ̃ɛi inɛi Izirɛli ŋa. À ma bi kuweeui ku ba a yɔkɔ a cea Ilaaɔ̃ kuwee iyi à ya jo si ina fei sãa sãa si bɛi Moizi inɛi Ilaaɔ̃u í kɔɔ si woodaɛ.

Ɛsidarasi 3:8

Si adɔ̃ minjisia iyi à baa Zeruzalɛmu ilu bii kpasɛ̃i Ilaaɔ̃ í wau si cukpa minjisiai adɔ̃u, Zorobabɛli amai Seatiɛli do Zozue amai Yosadaki, aŋa do kpaasi woo wee ŋau do inɛi Levii ŋa do inɛ ŋa iyi aŋaò ŋa à baau fei à lɔ si icɛ. Nɔ à cica inɛi Levii ŋa iyi à nɛ adɔ̃ kɔnfia walakɔ kɔnfia do ku lesi fei a maa cɔ yaase bɛi à waa ce icɛi kpasɛ̃i Ilaaɔ̃u ku ma.

Ɛsidarasi 4:2

Ŋɔi à bɔ bi Zorobabɛli do bi inɛ ngboi kpasɛ̃ ŋau à sɔ̃ ŋa à ni, à waa bi ka ba ŋɛ kpasɛ̃i Ilaaɔ̃u ku ma, domi awa mɔ Ilaaɔ̃ akãu bɛi à waa tɔɔ bɛi iŋɛ mɔ nɔ à ya ka ceaa kuwee hai waati iyi Asaradɔ̃ɔ ilaalui Asiri í baaò wa wa ihɛ̃.

Ɛsidarasi 4:24

Na kucei mbɛɛi Zuifu ŋau iyi í sinti si waatii Sirusi, icɛi kpasɛ̃i Ilaaɔ̃u ku maɛ í leekĩ hee í koo í toò adɔ̃ minjisiai bomma ku jɛi ilaalu Dariusi si ilɛi Pɛɛsi.

Ɛsidarasi 5:1

Adɔ̃ nŋu bɛi walii Azee do walii Zakari tɔkui Ido à sɔ̃ Zuifu ŋa iyi à wa ilɛi Zudaa do si ilui Zeruzalɛmu idei Aɔ̃ Lafɛ̃ɛi inɛi Izirɛli ŋa.

Ɛsidarasi 5:3

Waati bɛɛbɛ mɔi Tatenai iyi wa jɛ inɛ ngbo si agbɛi Rehumu, do Setaa-Bɔzunai do kpaasi nŋa ŋa à koo bi tu ŋa nɔ à bee ŋa à ni, yooi í na ŋɛ wooda í ni i teese i ma ileu ihɛ̃ ŋa.

Ɛsidarasi 6:14

Nɔ walii Azee do Zakari tɔkui Idou à mua inɛ ngboi Zuifu ŋau gbugbã a teese a mɔsi icɛi ileu ku maɛ nɔ à kpa iriɛ. À maai si bɛi Aɔ̃ Lafɛ̃ɛi inɛi Izirɛli ŋau í fɔ do si bɛi Sirusi do Dariusi do Aatakusɛɛsi ilaalui Pɛɛsi ŋau à jilɛ wooda.

Neemi 12:1

Woo wee ŋa do inɛi Levii ŋa iyi à baa do Zorobabɛli amai Seatiɛli do Zozue ŋa wee. Seraya do Zeremi do Ɛsidarasi

Neemi 12:10

Zozuei í bí Yoyakimu. Yoyakimu mɔi í bí Eliasibu. Eliasibu mɔi í bí Yoyada.

Neemi 5:14

Ilaalu Aatakusɛɛsi í tako í som ǹ jɛ irii inɛi Zudaa ŋa fei si ilɛu. Í som ǹ jɛ inɛ ngboi ilɛu hai si adɔ̃ kɔnfiasiai bomma ku jɛɛ hee ku bɔ si adɔ̃ kuntaa do minjisiaɛ. Nɔ si afei adɔ̃ maateejiu bɛ, amu takam, walakɔ inɛ nwa ŋa, kãma nwa kù lasabu nŋu ku gba mii ŋa iyi à jɛ ti ilu ilɛu.

Neemi 7:7

Inɛ ŋa iyi à gbã inɛ ŋau à baaò ŋa wa wee. Zorobabɛli do Zozue do Neemi do Azaria do Raamia do Nahamani do Maadosee do Bilisãa do Misiperɛti do Biguvai do Nehumu do Baana. Irii inɛmɔkɔi Izirɛli ŋa wee do kukpɔ nŋa si wua ikã ikã.

Neemi 8:9

Waati iyi zamaau wa gbɔ idei woodau, aŋa fei à wasi ku kpatai. Amma Neemi ilu ilɛu do Ɛsidarasi iyi í jɛ woo wee do woo kɔ inɛ ŋa si woodau do inɛi Levii ŋa iyi à sisia zamaau yaasei woodau à sɔ̃ ŋa à ni, i maà jɔ̀ inɔ nŋɛ ku fɔ i maa kpata ŋa. Ajɔi nnyiu ihɛ̃, ajɔi inɔ didɔ̃i iyi à nya ikã kú jɛ ti Aɔ̃ Lafɛ̃ɛ nŋɛ.

Kufita 4:13

Amma Moizi í ni, Lafɛ̃ɛm, cica inɛ mmu gɔ i bɔɔ.

Azee 1:12

Ŋɔi Zorobabɛli amai Seatiɛli do Zozue woo wee nlau hee do inɛ ŋa iyi à gbe fei à jirima idei Aɔ̃ Lafɛ̃ɛ nŋa bɛi Azee waliiu í fɔ wo. Do yaase bɛi Aɔ̃ Lafɛ̃ɛ í sɔ̃ Azee ideu í ni ku sɔ̃ ŋau bɛɛbɛi í sɔ̃ ŋa bɛ fei. Ŋɔi zigi nŋa í da si wajui Aɔ̃ Lafɛ̃ɛ.

Azee 1:14

Ŋɔi Aɔ̃ Lafɛ̃ɛ í jĩ Zorobabɛli ilu ilɛu do Zozue woo wee nlau do inɛ ŋa iyi à gbeu si iri njoo, nɔ à naa à sinti icɛi kpasɛ̃i Aɔ̃ Lafɛ̃ɛi lele do ilɛ,

Azee 1:15

si ajɔ kɔnfia do mɛɛsiai cukpa mɛɛfasia, si adɔ̃ minjisiai bomma ku jɛi Dariusi.

Azee 1:2

Í sɔ̃ ŋa í ni, Aɔ̃ Lafɛ̃ɛi lele do ilɛ í ni, iŋɛ inɛi Izirɛli ŋa ì waa ni ŋa awaatii kpasɛ̃i amu Aɔ̃ Lafɛ̃ɛ ku teese ku ma kù to titã.

Azee 2:10

Si adɔ̃ minjisiai bomma ku jɛi Dariusi, si cukpa mɛɛsãsiaɛ si ajɔ kɔnfia do mɛɛsia, Aɔ̃ Lafɛ̃ɛi lele do ilɛ í ba Azee ide ku fɔ má í ni,

Azee 2:20

Si ajɔ kɔnfia do mɛɛi cukpau Aɔ̃ Lafɛ̃ɛ í ba Azee ide ku fɔ isɛ gbeejisia má í ni,

Azee 2:21

sɔ̃ Zorobabɛli ilu ilɛi Zudaau í ni, amu Aɔ̃ Lafɛ̃ɛi lele do ilɛ ǹ ni an yaga lele do ilɛ.

Azee 2:4

Na nŋu, nsɛi, amu Aɔ̃ Lafɛ̃ɛi lele do ilɛ ǹ ni, awɔ Zorobabɛli do Zozue do inɛi Zudaa ŋa fei, i mua njɛ gbugbã ŋa nɔ i ce icɛ ŋa domi ǹ wɛɛ do iŋɛ.

Zakari 1:1

Si adɔ̃ minjisiai bomma ku jɛi Dariusi, si cukpa mɛɛjɔsiau, Aɔ̃ Lafɛ̃ɛ í ba Zakari waliiɛ ide ku fɔ, nŋu iyi í jɛ amai Berekia, tɔkui Ido.

Zakari 3:1

Si anyiɛ ǹ ce kuyɛ má. Si kuyɛu ǹ yɛ Zozue woo wee nlau. Ǹ yɛ wa leekĩ si wajui amalekai Aɔ̃ Lafɛ̃ɛ, nɔ Seetam wa leekĩ ikpa awɔ njɛɛ, wa yɛ taaleɛ.

Malasi 1:8

Ì ya maa ce kuwee ŋai do mɛɛmu gɔ ŋa iyi à fɛɛju, walakɔ iyi kutɛ akã nŋa kù waa nɛ baani, walakɔ mɛɛmu bɔ̃ɔ. Iyi bɛ kù jɛ mii laalɔ? Ǹ wa n bee ŋɛi amu Aɔ̃ Lafɛ̃ɛi lele do ilɛ, bii ì waa kooa ilu ilɛ nŋɛ mɛɛmu dimii bɛɛbɛ ŋa, á nɛ si inɔ didɔ̃? Á gbaa do inɔ akã mbɛ?

Luku 3:27

do Yoanaa do Reza do Zorobabɛli do Seatiɛli do Neri,