Timɔtee 2, 4:8 - Bibeli do fee

⁸ Nsɛi, ǹ mà iyi an ba ribai dee dee ku jɛ. Lafɛ̃ɛ woo kiiti dee deei á muum si ajɔ nŋu. Kù jɛ amu akã, amma hee do inɛ ŋa iyi à bi ajɔi kunyiɛ wa fei.

Timɔtee 2, 4:8 Iomraidhean Croise

Kusintii Andunya 18:25

Kù sĩa i kpa inɛ jiida ŋa do inɛ laalɔ ŋa fei ajɔ, aŋa fei a ba riba dimi akã. Aawo. Kù sĩa i ce bɛɛbɛ. Awɔ iyi ì waa kiiti inɛi ilɛu ihɛ̃ fei, kù sĩa i ce iyi í jɛ dee dee?

Iri ku kɔ̃ 31:19

Jɔ̀ woo sɔ ibo ŋa do ilu faau ŋa iyi à waa yaako inɛ dee dee nɔ à waa taa gbugbãu a coko.

Iri ku kɔ̃ 7:11

Ilaaɔ̃i í jɛ bɛi tɛli iyi wa degbem, nŋui í ya faaba inɛ ŋa iyi idɔ nŋa í má.

Mɔnda ŋa 4:9

Á yɛi bɛi booda jiida si iriɛ, walakɔ bɛi fulai ilaalu.

Malasi 3:17

Ŋɔi Aɔ̃ Lafɛ̃ɛi lele do ilɛu í ni, aŋai aa jɛ inɛm ŋa ajɔ iyi an nyisi yiikom nɔu. An ce araare nŋa bɛi baa í ya ce araarei ama inɛmɔkɔɛ iyi wa jirimaɛ.

Matie 24:36

Jesu í sɔ̃ ŋa má í ni, inɛ kãma kù mà waatiu hee má jɛ ajɔ iyi mii ŋau aa ce, baa amaleka ŋa iyi à wa lele, baa amu Amau, í gbe Ilaaɔ̃ Baaba nŋu akã.

Matie 7:22

Ajɔ nŋu bɛ, inɛ nkpɔi á maa ni, Lafɛ̃ɛ Lafɛ̃ɛ, a kù ce walii do iriɛ? A kù lele inɛi inɔɔko ŋa do iriɛ? A kù ce maamaake nkpɔ do iriɛ?

Luku 10:12

Nɔ Jesu í ni má, an sɔ̃ ŋɛ iyi si ajɔi kiitiu, ijuukpãi inɛi Sodomu ŋa ilu nlai takou, á tia do ti inɛi ilu ŋau.

Romu 2:5

Amma si bɛi idɔɛ í le nɔ i kù jɛsi i kpaasi, ì waa faa araɛ idɔɔkɔ̃ iyi í la í rei si ajɔ iyi Ilaaɔ̃ á kiiti inɛ ŋa dee dee nɔ inɛ fei á yɔɔ.

Romu 8:23

Nɔ iyi í re mɔm, baa awa iyi Ilaaɔ̃ í mu nwa Hundeɛ bɛi fiai kaazigi, à waa kakaa si idɔ nwa à waa degbeò Ilaaɔ̃ ku nyisi iyi à jɛ amaɛ ŋa ntɔ ntɔ nɔ ku faaba ara nwa.

Kɔrɛnti 1, 2:9

Amma kukɔi idei Ilaaɔ̃ í ni, iyi iju kù yɛ ajɔ kãma, nɔ itĩ kãma mɔ kù gbɔɔ, iyi kù nɔ kù lɔ si idɔi amanɛ, nŋui Ilaaɔ̃ í cea inɛ ŋa iyi à buu sɔɔluɛ.

Kɔrɛnti 1, 3:13

Amma si ajɔi kiitiu Ilaaɔ̃ á jɔ̀ icɛi inɛ fei ku fita gbugbãa. Ajɔ nŋu bɛi á dasi icɛi inɛ fei si ina nɔ inaui á nyisi bɛi icɛi inɛ fei í yɛ.

Kɔrɛnti 1, 9:25

Woo ce gaasai kusɛi ŋa à ya maa mu ara nŋai si fei ndɛɛ. À waa ce bɛɛbɛi ku ba a ba fulai wua ŋa iyi aa gbɛ. Amma awa à waa cei ku ba ka ba iyi ci ya tã.

Kɔrɛnti 2, 5:2

Nɔ à wasi ku weewea si na iyi í jɔ̀ à waa bi ku dasi bi kuwai leleu bɛi amanɛ í ya dasi ibɔ.

Filipi 3:11

ku ba n nɛ kpãa ku cɔ iyi amu mɔ an jĩ hai si balɛ.

Kolosee 1:5

Waati iyi idei laabaau jiida iyi í jɛ ntɔu í sinti ku to wa bi tu ŋɛ, à jɔ̀ ì mà kpãa ku cɔ iyi ì nɛ ŋa. Si bɛɛbɛ, naanɛ ku dasi nŋɛ do kubi nŋɛ fei, í wai si kpãa ku cɔ iyi à jilɛ nŋɛ ikpa lele.

Tɛsalonika 1, 1:10

Nɔ à waa fɔ má bɛi ì waa degbe Jesu Amaɛu ku nyi wa hai lele ŋa. Nŋui í jɛ inɛ iyi Ilaaɔ̃ í jĩ hai si balɛ, nɔ á na ku faaba wa hai si idɔɔkɔ̃i Ilaaɔ̃ iyi wa naa.

Tɛsalonika 1, 5:4

Amma iŋɛ inɛ nwa ŋa, i kù wa si ilu kuku ŋa hee ajɔu ku zamba ŋɛ bɛi kunaai ile.

Tɛsalonika 2, 2:8

Si anyii nŋu, inɛ iyi wa ba Ilaaɔ̃ ku jau á faata wa nɔ amboei kunaai Lafɛ̃ɛ Jesu ku kpa iriɛ. Jesuu, nŋui á kpaa do fufui gɛlɛɛ.

Timɔtee 1, 6:19

Bɛɛbɛi aa singaa ara nŋa amani jiidai ala iyi kaa bɛjɛ nɔ a ba kuwɛɛ iyi í jɛ kuwɛɛ do ntɔ.

Timɔtee 2, 1:10

Nsɛi, kunaai woo faaba nwa Jesu Kirisii í nyisi wa didɔ̃u. Jesu Kirisiui í kpa irii gbugbãi iku nɔ í nyisi wa kuwɛɛ iyi ci ya tã na saabui laabaau jiidau.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Timɔtee 2, 1:18

Nɔ Lafɛ̃ɛ ku jɔ̀ Ilaaɔ̃ ku ce araareɛ si ajɔi kiitiu. Awɔ takaɛ ì mà sãa sãa icɛ iyi í ceem Efɛɛzu.

Timɔtee 2, 2:5

Woo ce gaasai ku sɛi kaa yɔkɔ ku ba ribai areɛ bii kù jɛ í jirima woodaɛ ŋa.

Timɔtee 2, 4:1

Ǹ wa n tɔɔɛi Timɔtee, i ya maa waazoa inɛ ŋa idei Ilaaɔ̃ waati kãma fei. I ya tã sɔɔlu baa bii bɛirei, à jɛ a kù jɛ. Ǹ wa n tɔɔɛi si wajui Ilaaɔ̃ do si wajui Jesu Kirisi, nŋu iyi á kiiti ilu hunde do iku ŋa. Na irii kunyiɛ wa do kunaai bommaɛi ǹ wa n dasiɛ icɛu bɛ. Na nŋu, lɛlɛ ŋa nɔ i nyisi ŋa kurara nŋa, mu nŋa gbugbã, nɔ i kɔ ŋa si cioi idei Ilaaɔ̃ do suuru nla nla.

Titee 2:13

nɔ ka maa degbeò ajɔ jiida iyi à waa cɔ kpãaɛ, si bii Jesu Kirisi woo faaba nwa á nyisi amboeɛ. Jesu Kirisi nŋui í jɛ Ilaaɔ̃, nɔ nŋui í la.

Ebɛɛ 12:11

Ntɔi, bii à waa kpã wa iju, inɔ kufɔi í ya jɛ nwa titã, ci ya jɛ inɔ didɔ̃. Amma si anyii nŋu, inɛ ŋa iyi à ba ijuukpãu nɔ à kpaasi, à ya jɛ dee dee nɔ a jɛ kuwɛɛ nŋa si laakai ku sũ.

Ebɛɛ 9:28

bɛɛbɛ mɔi Kirisi í na araɛ gbakã akã bɛi kuwee í soò dulum dii inɛ nkpɔ. Á nɔ ku na ku faata wa isɛ gbeejisia, kù jɛ ku naa ku kpa idei dulum dii inɛ ŋa má, amma ku ba faabai inɛ ŋa iyi à waa degbeɛ ŋau ku kɔ̃ mam mam nii.

Zaaki 1:12

Ilu inɔ didɔ̃i inɛ iyi í yɔkɔ í leekĩ dim dim si waati iyi Ilaaɔ̃ wa cɔ laakaiɛ, domi si anyii laakai ku cɔu á ba ribai kuwɛɛ hai tã iyi Aɔ̃ Lafɛ̃ɛ í wãò inɛ ŋa iyi à buu.

Piɛɛ 1, 1:4

Nɔ í jilɛ nwa tubu iyi kaa bɛjɛ, kaa riisi, nɔ kusĩaɛ kaa tã. Tubuui à jilɛ nŋɛ lele,

Piɛɛ 1, 5:4

Nɔ waati iyi Kirisi á faata wa, nŋu iyi í jɛ inɛ ngboi woo degbe ŋau, aa gba riba ilu amboe iyi kusĩaɛ kaa tã ŋa.

Kuyɛi Zãa 1:7

Wee wa naa si kudũi ijĩ. Nɔ ijui inɛ fei á yɔɔ, baa inɛ ŋa iyi à gũu à kpaa. Dimi ikã ikãi andunya fei á kpata na iriɛ. Bɛɛbɛi á ce. Ami.

Kuyɛi Zãa 19:11

Si anyii nŋu, ǹ yɛ lelei Aɔ̃ í cĩ nɔ acĩ fũfũ gɔ í faata wa. Inɛ iyi wa gũui à ya kpe ilu naanɛ do ilu ntɔ. Si ntɔi í ya kiiti, bɛɛbɛ mɔi í ya ceò igũ.

Kuyɛi Zãa 2:10

I maà ce njo na ijuukpã iyi wa naa si ŋɛ. Seetam á jɔ̀ a dasi inɛ gɔ nŋɛ ŋa piisɔ̃ɔ ku cɔ laakai nŋɛ. Aa yɛ wahala hee ajɔ mɛɛwa ŋa. Amma i jɔ̀ i leekĩ dim dim hee i koo i kuò ŋa. Bii ì ce bɛɛbɛ ŋa an mu nŋɛ kuwɛɛ ku jɛ riba nŋɛ.

Kuyɛi Zãa 22:20

Jesu, nŋu iyi í fɔ ideu ihɛ̃ fei í jilɔɔ do naanɛ, í ni, ntɔi an nyi wa kaa kpɛ. Nɔ amu Zãa ǹ jɛ ǹ ni, ami, naa wa Lafɛ̃ɛ Jesu.

Kuyɛi Zãa 4:10

Waati iyi à waa kɔ̃ iri bɛɛbɛ fei inɛ ngbo kɔnfia do mɛɛ ŋau à ya sɛɛbataa a maa tɔɔɛi. Nɔ à ya bɔ fula nŋa ŋai a jilɔɔ si wajui kitãi bommau a maa ni,

Kuyɛi Zãa 4:4

Nɔ ǹ yɛ kitãi bomma kɔnfia do mɛɛ í kaako kitãi bommau. Nɔ inɛ ngbo kɔnfia do mɛɛ wa buba si antaii kitã ŋau, à dasi jĩnɛ fũfũ do fulai wura.