Timɔtee 2, 4:5 - Bibeli do fee

⁵ Amma awɔ, mu araɛ si mii fei, temua do ijuukpã, ce icɛi laabaau jiidau ku waazoɛ, nɔ i jɔ̀ icɛi idei Ilaaɔ̃ iyi ì waa ce ku kɔ̃ mam mam.

Timɔtee 2, 4:5 Iomraidhean Croise

Ezai 62:6

Zeruzalɛmu, ǹ jilɛ woo degbe ŋa si antaii bindiɛ ŋau. Nɔ dasã do idũ, a kù nɛ a ya coko pai. Iŋɛ iyi ì waa kpe Aɔ̃ Lafɛ̃ɛ, ì waa yoo gigii Zeruzalɛmu, i kù nɛ i ya sĩmi ŋa.

Zeremi 6:17

Ǹ jilɛ woo degbe ŋa kɔkɔ nŋɛ, ǹ ni, i maa de itĩ ŋa na bii à na à fã kuu. Amma à jɛ à ni, a kaa ka de itĩ.

Ezekiɛli 3:17

amanɛ, ǹ soɛi i jɛ bɛi woo kɛɛma bi inɛi Izirɛli ŋa. I ya gbɔ idem ŋa nɔ i ya koo i faò laakaii inɛi Izirɛli ŋau.

Ezekiɛli 33:2

awɔ amanɛ, ye inɛi Izirɛli ŋau gigii mii iyi í ya ce waati iyi amu ǹ jɔ̀ igũ í dede si ilɛ gɔ. Inɛi ilɛ ŋau à ya so inɛ gɔi si inɔ nŋa ku jɛ woo kɛɛma nŋa.

Ezekiɛli 33:7

Awɔ amanɛ, ǹ jilɛɛi i jɛ woo kɛɛmai inɛi Izirɛli ŋau. Aa ya gbɔ ide iyi ǹ wa n sɔ̃ɛi nɔ i koo i sɔ̃ inɛi Izirɛli ŋau i faò laakai nŋa.

Matie 25:16

Ŋɔi gbakã amaacɛ iyi à na fia kpɛkɛlɛ miiuu í so fiau wa ceò sĩa, nɔ í ba riba miiu má.

Maaku 13:34

Á yɛi bɛi inɛ iyi wa bɔ ilu nɔ í jɔ̀a woo ce icɛɛ ŋa kpasɛ̃ɛ í na inɛ fei icɛɛ, nɔ í sɔ̃ woo degbe andɛ koofau ku maa cɔ kpasɛ̃u.

Maaku 13:37

Ide iyi ǹ wa n sɔ̃ ŋɛu ihɛ̃, nŋu mɔi ǹ wa n sɔ̃ inɛ fei. I máa cɔ kpãa ŋa.

Luku 12:37

Woo ce icɛ ilu inɔ didɔ̃ ŋai, inɛ ŋa iyi lafɛ̃ɛ nŋau á na ku ba à cɔ kpãa à waa degbe ku toɛ wa. Ntɔ ntɔ ǹ wa n sɔ̃ ŋɛ, nŋu takaɛ á dĩ gbankili nɔ ku jɔ̀ a buba nɔ ku na ku kpɛ̃ nŋa ijɛ.

Woo bɛ ŋa 21:8

Iju kumáɛ nɔ à nɛ à bɔ Sezaree. Nɔ à koo à sɔ kpasɛ̃i Filipu woo waazou, nŋu iyi wa jɛ inɛ akãi amanɛ mɛɛje ŋa iyi à cica wo si ilui Zeruzalɛmuu.

Romu 15:19

na saabui maamaake dimi ikã ikã ŋa iyi gbugbãi Hundei Ilaaɔ̃ í ce. Bɛɛbɛ mɔi ǹ waazo laabaau jiidai Kirisi bii fei sãa sãa hai Zeruzalɛmu hee ku bɔ ikpa ilɛi Iliri.

Efɛɛzu 4:11

Amua ŋa iyi í cea inɛ ŋa wee. Í cica inɛ gɔ ŋa à jɛ woo bɛ ŋa, inɛ gɔ ŋa mɔ walii ŋa, inɛ gɔ ŋa mɔ woo sisi laabaau jiida ŋa, inɛ gɔ ŋa mɔ woo degbe inɛi igbɛi Jesu ŋa, inɛ gɔ ŋa mɔ woo kɔ inɛ ŋa si cio.

Efɛɛzu 4:12

Bɛɛbɛi í ce ku ba ku ceò sɔɔlui woo dasi Jesu naanɛ ŋa si icɛɛ, ku ba ku kɔ̃ɔsi gbugbãi arai Kirisi.

Kolosee 1:25

Nɔ Ilaaɔ̃ í cem woo ce icɛi igbɛu, si bɛi í jilɛɛm na iri nŋɛ, ku ba n sisi ideɛ mam mam.

Kolosee 4:17

Nɔ i sɔ̃ Aasipu ku dasi icɛi Lafɛ̃ɛ iyi à jilɛau iju ku ba ku yɔkɔ ku faataɛ.

Tɛsalonika 1, 5:6

Na nŋu, ka maà sĩ njoo bɛi inɛ ŋa iyi à gbe, amma í sĩa ka wɔ njoo ka maa ceò laakaii ara nwa.

Timɔtee 1, 4:12

Maà ti i jɔ̀ a dondaɛ na awaasũ ku jɛɛ, amma jɔ̀ i nyisi woo dasi Jesu naanɛ ŋa yaase jiida si ide ku fɔɛ, do kuceɛ, do kubiɛ, do naanɛ ku dasiɛ, do dee dee ku jɛɛ.

Timɔtee 1, 4:15

Laakaiɛ fei ku wa si ideu ihɛ̃, nɔ i naa araɛ mam mam ku ba inɛ fei ku yɛ waju ku bɔɛ.

Timɔtee 2, 1:8

Na nŋu, maà ti i ce anyɔi sɛɛdai Lafɛ̃ɛ nwa ku jɛ, nɔ i maà ya ce anyɔi amu takam, amu iyi ǹ wa ile piisɔ̃ɔ na iriɛ. Amma jɔ̀ i jɛsi awaɛ ka yɛ ijuukpã ajɔ na irii laabaau jiidau nɔ ka maa nɛò gbugbã iyi Ilaaɔ̃ í mu nwa.

Timɔtee 2, 2:10

Ŋɔi í jɔ̀ ǹ wa n temuaò fei ndɛɛ na irii inɛ ŋa iyi Ilaaɔ̃ í cicau, ku ba aŋa mɔ a ba faaba do saabui Jesu Kirisi, nɔ a nɛ ikpɛ̃ si amboeɛ iyi ci ya tã.

Timɔtee 2, 2:3

Ijuukpã iyi á naa siɛ bɛi amu mɔ fei, jɔ̀ i jɛsi bɛi woo jabu jiidai Jesu Kirisi.

Timɔtee 2, 4:17

Do nŋu fei, Lafɛ̃ɛ í leekĩ do amu í muum gbugbã, ku ba n waazo laabaau jiidau mam mam nɔ dimi mmu ŋau fei a gbɔɔ. Nɔ ǹ fita si wahalau bɛi inɛ iyi í gbã hai si gɛlɛi muusu nla.

Ebɛɛ 13:17

I gbɔ idei woo cua nŋɛ ŋa nɔ i sũ nŋa iri ilɛ, domi à waa cɔ baanii hunde nŋɛ ŋa si na iyi í jɔ̀ Ilaaɔ̃ á na ku bee ŋa ideɛ. I ce bɛɛbɛ ŋa ku ba a coo do inɔ didɔ̃, ku maà ti ku jɛ do inɔ kufɔ. Bii à coo do inɔ kufɔ, kaa ce nŋɛ aranfãani kãma.

Piɛɛ 1, 1:13

Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.

Kuyɛi Zãa 3:2

I jĩ hai si iri njoo ŋa nɔ i leekĩ si kuwɛɛ keeke iyi í gbe nŋɛ ku ba i maà ku mam mam ŋa, domi ǹ yɛ kookoosu nŋɛ kù kɔ̃ dee dee bi Ilaaɔ̃.