Timɔtee 2, 4:4 - Bibeli do fee

⁴ Aa kɔ̀ ku gbɔ ide ntɔu, nɔ aa sinda ara nŋa si idei arái amanɛ ŋa.

Timɔtee 2, 4:4 Iomraidhean Croise

Mɔnda ŋa 1:32

Hai mà ŋa iyi à kɔ̀ ku gbɔ idei bisi, aa kui, nɔ nnyɛi ŋa iyi a kù ce njoi ijuukpã, aa nyɔi.

Ezai 30:10

Aŋai à ya sɔ̃ woo ce kuyɛ ŋa a maa ni, i maà yɛ ngɔgɔ ŋa. Nɔ à ya sɔ̃ walii ŋa a maa ni, i maà ce kuyɛ iyi í jɛ dee dee si gãmɛ nwa ŋa. I ya sɔ̃ wa idei mii ŋa iyi á dɔ̃ nwa si, nɔ i ya ce nwa kuyɛ ŋa iyi a kù jɛ ntɔ.

Zakari 7:11

Amma inɛ ŋau à kɔ̀ ku gbɔ ideu. À dĩ itĩ nŋa ku ba a maà gbɔ.

Matie 13:15

Idɔi inɛ ŋau í baa í le. À dĩ itĩ nŋa ku ba a maà gbɔ ide gɔ, nɔ à bii iju nŋa ku ba a maà yɛ ngɔgɔ, nɔ idɔ nŋa mɔ ku maà mà ngɔgɔ. Bii kù jɛ bɛɛbɛ aa na a sinda wa bi Ilaaɔ̃ nɔ ku jɔ̀ a ba iri.

Woo bɛ ŋa 7:57

Amma à dĩ itĩ nŋa à bɛi à dɔ̃ anu nla nla nɔ à sɛi ajɔ à koo à wo siɛ.

Tɛsalonika 2, 2:11

Ŋɔi í jɔ̀ Ilaaɔ̃ á samba banlala nla nla wa si ŋa ku ba a ya dasi ibo naanɛ.

Timɔtee 1, 1:4

Sɔ̃ ŋa a maà ti a dasi laakai nŋa si ide ŋa iyi inɛ ŋa à bu à waa fɔ si gãmɛi irii bala nwa ŋa iyi à ya maa dɛ ku mà. Nŋu ŋau bɛi wa naaò kakɔɔ ŋa wa, kaa nɔ ku mua inɛ ŋa gbugbã si naanɛ ku dasi nŋa icɛi Ilaaɔ̃ ku bɛi ku bɔ waju.

Timɔtee 1, 4:7

Amma kɔ̀si ará hai nɛ yaase ŋa iyi a kù waa too si idei Ilaaɔ̃. Hanya i ce kuwɛɛɛ si bɛi á dɔ̃a Ilaaɔ̃ si.

Timɔtee 1, 6:20

Timɔtee, ide iyi à daɛ si awɔu, muu ku sĩa. Fa araɛ hai si ide nfe nfei andunya. Maà ce kakɔɔ do inɛ ŋa iyi à waa tamaa aŋa à nɛ kumà.

Timɔtee 2, 1:15

Awɔ takaɛ ì mà iyi inɛi Azii ŋau fei à fũsim awɔ. Si inɔ nŋa bɛi Fizɛli do Hɛɛmɔzɛni à wa.

Titee 1:14

nɔ a maà na a too si arái Zuifu ŋau, walakɔ woodai inɛ ŋa iyi à yaa hai si kpãai ntɔ.

Ebɛɛ 13:25

Didɔ̃i Ilaaɔ̃ ku wɛɛ do iŋɛ fei.

Piɛɛ 2, 1:16

Do ntɔ, a kù waa too si ará iyi inɛ ŋa à waa kpa do bisi nŋa, si waati iyi à jɔ̀ ì mà gbugbãi Lafɛ̃ɛ nwa Jesu Kirisi ŋa do kunyiɛ wa. Amma awa taka nwa mɔ à yɛ kulaɛ do iju nwa