Timɔtee 2, 4:3 - Bibeli do fee

³ Ǹ wa n fɔ bɛɛbɛi domi waati gɔ wa naa iyi inɛ ŋa a kaa bi idei kukɔsi jiida ku gbɔ, amma aa dɛdɛa ara nŋa woo kɔ si cio nkpɔ, inɛ ŋa iyi aa lɛlɛ ŋa do ide iyi à bi ku gbɔ.

Timɔtee 2, 4:3 Iomraidhean Croise

Ilaalu 1, 18:22

Ŋɔi í sɔ̃ ŋa má í ni, amu akãi ǹ gbe si inɔi waliii Aɔ̃ Lafɛ̃ɛ ŋau nɔ waliii Baali ŋa à wɛɛi aŋa cĩɔ mɛɛ do ciitaa (450).

Ilaalu 1, 22:18

Ŋɔi ilaalui Izirɛliu í sɔ̃ Zozafati í ni, n kù sɔ̃ɛ wo tã ba. Ci ya yɛɛm mii jiida kãma, í gbe laalɔ.

Ilaalu 1, 22:8

Ŋɔi ilaalui Izirɛliu í jɛaa í ni, inɛ gɔ í wɛɛ má bii aa ka ceò kubee bi Aɔ̃ Lafɛ̃ɛ. Amma n kù buu, domi ci ya yɛɛm ide jiida kãma gɔ, í gbe laalɔɛ. Nŋui í jɛ Misee amai Yimila. Nɔ Zozafati í ni, maà fɔ bɛɛbɛ.

Kufita 32:33

Ŋɔi Aɔ̃ Lafɛ̃ɛ í jɛa Moizi í ni, aawo. Irii inɛ ŋa iyi à ce dulum ŋai an kpa.

Ezai 28:12

Aɔ̃ Lafɛ̃ɛ í bɛi í tako í sɔ̃ ŋa wo í ni, ihɛ̃ bɛbɛi, kusĩmii. Inɛ iyi í gbɛɛji, i jɔ̀ ku sĩmi ŋa. Tengi ihɛ̃, inya sɛ̃ɛi. Amma a kù bi ku gbɔ.

Ezai 30:10

Aŋai à ya sɔ̃ woo ce kuyɛ ŋa a maa ni, i maà yɛ ngɔgɔ ŋa. Nɔ à ya sɔ̃ walii ŋa a maa ni, i maà ce kuyɛ iyi í jɛ dee dee si gãmɛ nwa ŋa. I ya sɔ̃ wa idei mii ŋa iyi á dɔ̃ nwa si, nɔ i ya ce nwa kuyɛ ŋa iyi a kù jɛ ntɔ.

Zeremi 18:18

Ŋɔi inɛ gɔ ŋa à ni, ka koo, waatii ihɛ̃ bɛ iyi aa ka ba kpãa ka dĩaò Zeremi zamba, domi a kaa ka kua woo wee ŋa iyi aa maa kɔ wa si cio, do ilu laakai ŋa iyi aa maa na wa ikɔ jiida, do walii ŋa iyi aa maa sɔ̃ wa idei Aɔ̃ Lafɛ̃ɛ. I naa wa ŋa kaa nya fũnɛɛ do idei gɛlɛ nwa, nɔ ka maà desi baa ide ku fɔɛ ŋa itĩ.

Zeremi 27:9

Na nŋu, i maà gbɔ idei walii nŋɛ ŋa do ti woo ce alisi nŋɛ ŋa, aŋa iyi à ya maa tusɛ yaasei àla ŋa do kudũi ijĩ ŋa, walakɔ do dobu dobu ŋa iyi à maa ce. Inɛ bɛ ŋai aa sɔ̃ ŋɛ a maa ni i kù nɛ ku sũa ilaalui Babilɔniu iri ilɛ ŋa.

Zeremi 29:8

Bɛi Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋa í fɔ wee. Í ni, i maà jɔ̀ walii ŋa iyi à wa bi tu ŋɛ ŋau a sɔ nŋɛ ibo, hee má jɛ woo ce alisi nŋɛ ŋau. I maà ya ceò idei àla ŋa iyi ì waa ce ŋau icɛ ŋa.

Zeremi 5:31

Walii ŋa à waa ce walii do ibo. Woo wee ŋau à waa ce idɔɔbi nŋa. Nɔ iyi bɛi wa jɛa zamaam inɔ didɔ̃. Amma bɛirei aa ce ŋa na waju ku bɔi ilɛu.

Misee 2:11

Inɛ ŋau à ya bi inɛ iyi wa fɔ ide si fufu wa sɔ ibo nɔ wa ce ide nkpɔ wa ni, aa ba atɛ̃ vɛ̃ɛ do atɛ̃ ku nɛ gbugbã i mɔ ŋa.

Luku 20:19

Iyi inɛ ngboi woo weei Ilaaɔ̃ ŋa do woo kɔ inɛ ŋa si wooda ŋau à gbɔ ideu gbakã ŋɔi à waa dɛ bɛi aa ce a mu Jesu. Amma à waa ce njoi zamaau. À waa bi a muui domi à mà iyi na irii aŋai í kpa mɔndau.

Luku 6:26

Iŋɛ ilu inɔ kufɔ ŋai bii inɛ fei wa saabu ŋɛ domi bɛɛbɛi bala nŋa ŋa à cea walii ilu ibo ŋau wo.

Laabaau jiida iyi Zãa í kɔ 8:45

Amma si na iyi í jɔ̀ amu ǹ ya n sɔ̃ ŋɛ ntɔ, nŋui í jɔ̀ i kù waa dasim naanɛ ŋa.

Woo bɛ ŋa 17:21

Wee inɛi Atɛni ŋa fei do inɛ njoo ŋa iyi à na à buba ilu bɛ à ya so waati nŋa fei a maa fɔ walakɔ a gbɔò baaui mii titɔ̃i.

Kɔrɛnti 1, 2:1

Iŋɛ kpaasim ŋa, waati iyi ǹ naa bi tu ŋɛ n kù sisi idei Ilaaɔ̃ do bisi nla gɔ walakɔ do gɛlɛ didɔ̃ gɔ.

Kɔrɛnti 1, 2:4

Si idem do si waazom n kù dɛdɛ n lɛlɛ ŋɛ do bisii amanɛ ŋa, amma ide ŋa iyi ǹ fɔ fei do gbugbãi Hundei Ilaaɔ̃i.

Galati 4:16

Si na iyi í jɔ̀ ǹ sɔ̃ ŋɛ ntɔui i jɔ̀ n jɛ mbɛɛ nŋɛ nsɛi?

Timɔtee 1, 1:10

do woo ce sakara ŋa, do inɛmɔkɔ ŋa iyi à ya maa sũò njɛ, do inɛ ŋa iyi à ce ilei amanɛ ŋa à waa ta, do woo sɔ ibo ŋa, do woo ce kugbasi si ibo ŋa, do inɛ ŋa iyi à waa ce mii baa yooma fei iyi kù waa too si cio jiida.

Timɔtee 2, 1:13

Mu ide ntɔu iyi ǹ sisiɛ, muu do naanɛ jiida do kubi iyi à nɛ si anu akã nwa do Jesu Kirisi.

Zudu 1:18

À sɔ̃ ŋɛ wo à ni, si waatii ankãanyi, woo yaako inɛ ŋa aa naa iyi a kù mà bɛɛrɛi Ilaaɔ̃, nɔ binɛ nŋai á maa cua nŋa.