Timɔtee 2, 4:21 - Bibeli do fee

²¹ Ce kookaai i naa hee sukui tũtũ ku maa to. Ebulusi, do Pudɛni, do Linusi, do Kolodia, do inɛ nwa ŋau fei à waa ceɛ fɔɔ.

Timɔtee 2, 4:21 Iomraidhean Croise

Luku 12:58

Bii inɛ gɔ wa bɔòɛ bi ku ce kiiti na idei gbese gɔ, ce kookaai hai kpãa awɔ do lafɛ̃ɛ i gbɔsi njɛ ŋa ku ba ku maà dasiɛ si awɔi woo kiiti. Bii kù jɛ bɛɛbɛ, woo kiitiu á dasiɛ si awɔi woo degbe piisɔ̃ɔ, nɔ woo degbe piisɔ̃ɔu mɔ ku dasiɛ ile piisɔ̃ɔ.

Kɔrɛnti 1, 16:20

Kpaasi woo dasi Jesu naanɛ ŋa fei à waa ce ŋɛ fɔɔ. Iŋɛ mɔ i ce njɛ fɔɔ ŋa do kubi.

Kɔrɛnti 2, 13:13

Didɔ̃i Lafɛ̃ɛ Jesu Kirisi, do kubii Ilaaɔ̃, do anu akãi Hundei Ilaaɔ̃ ku wɛɛ do iŋɛ fei.

Filipi 4:22

Inɛ ŋa iyi Jesu í cica à jɛ tɛɛu, aŋa iyi à wa ihɛ̃ fei à ce ŋɛ fɔɔ. Ti inɛi kpasɛ̃i ilaalu nlai inɛi Romu ŋau, inɛ nŋu í re mɔm.

Timɔtee 2, 1:4

Ǹ wa n ye gigii kukpataɛ, nŋui í jɔ̀ ǹ bi ku yɛɛ ntɔ ntɔ ku ba inɔ didɔ̃m nɔu ku kɔ̃.

Timɔtee 2, 4:13

Bii ì waa naa, soom kumboo ku nya tũtũm wa iyi ǹ jɔ̀ Torasi kpasɛ̃i Kaapusi, do tiam ŋa, iyi í re mɔm nŋui í jɛ iyi à ce do batau.

Timɔtee 2, 4:9

Ce kookaai i hãmɛɛm wa ńya ńya,

Titee 3:12

Wee an na n bɛ Aatemasi walakɔ Tisiki wa bi tɛɛ. Waati iyi inɛ akã nŋa á na ku to wa, ce kookaai i naa i bam Nikopolisi, domi bɛi ǹ bi n maa n wa sukui tũtũ.

Zãa 2, 1:13

Ifɔɛ iyi Ilaaɔ̃ í cicau, amaɛ ŋa à ceɛ fɔɔ wa.

Zãa 3, 1:14

Ǹ wa n bi ka yɛ njɛ bii í ce ajɔ minji ka fɔ ide gɛlɛò gɛlɛ.