Timɔtee 2, 4:18 - Bibeli do fee

¹⁸ Lafɛ̃ɛ á nyam hai si laalɔ baa yooma fei, nɔ ku jɔ̀ n lɔ si bommai leleɛ do laakai ku sũ. Ka saabuɛ hee do ajɔ fei. Ami.

Timɔtee 2, 4:18 Iomraidhean Croise

Kusintii Andunya 48:16

Amalekaɛ í faabam hai si laalɔ baa yooma fei. Ǹ wa n tɔɔɛ ku weea amu ŋau ihɛ̃, nɔ ku jɔ̀ a kpe ŋa do irii amu takam do ti Izaaki baam do ti Aburahamu balam, nɔ ku jɔ̀ a kpɔ a maa kɔ̃ɔsi si ilɛu.

Bomma 1, 4:10

Yabɛsi í ce kutɔɔ í ni, Ilaaɔ̃ Lafɛ̃ɛi inɛi Izirɛli ŋa, jɔ̀ kuweeɛ ku maa wɛɛ do amu. Jɔ̀ ilɛm ku la ku kɔ̃ɔsi. Bii sim awɔɛ i maa degbem, nɔ i jɔ̀ ijuukpã do wahala ku jĩim. Nɔ Ilaaɔ̃ í ceaa amuai mii iyi í tɔɔ.

Iri ku kɔ̃ 121:7

Aɔ̃ Lafɛ̃ɛi á maa degbeɛ si laalɔ baa yooma fei. Nɔ nŋui á maa mu kuwɛɛɛ.

Iri ku kɔ̃ 37:28

Aɔ̃ Lafɛ̃ɛ í bi mii iyi í tɛ. Ci ya fũsi inɛɛ ŋa awɔ. Í ya maa mu ŋai hee do ajɔ fei. Amma woo ce laalɔ ŋa aa kui.

Iri ku kɔ̃ 73:24

Ì waa gbãm nii si yaase bɛi ì bi, si anyiɛ aa gbam nii do bɛɛrɛ.

Iri ku kɔ̃ 92:10

Aɔ̃ Lafɛ̃ɛ, mbɛɛɛ ŋau aa ce nfei. Woo cea inɛ ŋa laalɔ ŋau fei, aa fangaai.

Mɔnda ŋa 14:32

Wahala í ya kɛkɛɛ inɛ laalɔ ŋa, amma inɛ jiida ŋa à ya maa leekĩi dim dim baa si iku.

Matie 13:43

Nɔ waati bɛɛbɛ inɛ ŋa iyi à waa dɛ idɔɔbii Ilaaɔ̃ ku ce aa maa má inyai bɛi inunu si bommai Ilaaɔ̃ Baa nŋa. Inɛ iyi í nɛ itĩ iyi á gbɔò ide, ku gbɔ.

Matie 25:34

Waati bɛɛbɛ amu ilaaluu an sɔ̃ inɛ ŋa iyi à wa awɔ njɛm n ni, i naa wa ŋa, iŋɛ iyi ì ba kuweei Baam. I naa i buba si bomma iyi à ce nŋɛ sɔɔluɛ hai waatii kusintii andunya.

Matie 6:13

Maà ti i jɔ̀ ka dasi kulɛlɛ, amma nya wa hai si awɔi Seetam. [Domi awɔi ì nɛ bomma do gbugbã do amboe hee do ajɔ fei. Ami.]

Luku 11:4

Kpa idei dulum du wa, domi awa mɔ à ya ka kpa idei kurara iyi inɛ ŋa à ce nwa. Maà ti i jɔ̀ ka dasi kulɛlɛ.

Luku 12:32

Nɔ Jesu wa ba mɔcɔɛ ŋau ide ku fɔ má í ni, iŋɛ gaa keekem, i maà ti i ce njo ŋa, domi á dɔ̃a Baa nŋɛ si ku jɔ̀ i jɛ amaalu ŋa si bommaɛ.

Luku 22:29

Na nŋu, si bɛi Baaba í jilɛɛm bommau, bɛɛbɛ mɔi amu mɔ ǹ wa n jilɛ nŋɛ

Laabaau jiida iyi Zãa í kɔ 17:15

N kù wa n tɔɔɛ i nya ŋa hai si andunya, amma ǹ wa n tɔɔɛi i degbe ŋa ku ba Seetam inɛ laalɔu ku maà nɔ ŋa.

Romu 11:36

Ilaaɔ̃i í jɛ irii mii fei, hai bi tɛɛi fei ndɛɛ wa naa. Nɔ mii fei í wɛɛi na iriɛ. Amboe ku jɛ tɛɛ hai nsɛi hee do ajɔ fei. Ami.

Romu 16:27

Na nŋu, Ilaaɔ̃ nŋu akã iyi í jɛ ilu bisi ntɔ ntɔ, amboe ku jɛ tɛɛ hee do ajɔ fei do saabui Jesu Kirisi. Ami.

Kɔrɛnti 1, 1:21

Ntɔ ntɔ, inɛi andunya ŋa a kù yɔkɔ a kù mà Ilaaɔ̃ do bisii aŋa taka nŋa. Ilaaɔ̃ takaɛi í coo bɛɛbɛ. Amma si bisiɛ mii iyi í sĩaa wee. Inɛ ŋa iyi à dasiɛ naanɛ à ba faaba na idei waazo iyi inɛ gɔ ŋa à waa cɔ bɛi idei sũmu.

Kɔrɛnti 1, 10:13

I kù yɛ dimii laakai ku cɔ gɔ ŋa iyi kù jɛ dimi iyi inɛ fei í ya yɛ. Ilaaɔ̃ ilu naanɛ kaa jɔ̀ a cɔ laakai nŋɛ ku re zaka bɛi aa yɔkɔ i temuaò ŋa. Amma si laakai ku cɔ baa yooma fei í ya nyi ku ce bi ku fita má ku ba i yɔkɔ temua ŋa.

Kɔrɛnti 1, 15:50

Iŋɛ inɛm ŋa, iyi ihɛ̃i ǹ wa n fɔ, arai ilɛ kaa yɔkɔ ku ba ikpɛ̃ɛ si bommai Ilaaɔ̃. Nŋu iyi í jɛ ti iku kaa yɔkɔ ku ba kuwɛɛ hai tã.

Kɔrɛnti 2, 1:10

Nŋui í nya wa hai si iku dimi bɛɛbɛ, á nɔ ku nya wa má. Ntɔi, à waa cɔ kpãaɛ á nyi ku nya wa má.

Galati 1:5

Amboe ku jɛ ti Ilaaɔ̃ hee do ajɔ fei. Ami.

Tɛsalonika 1, 5:23

Nɔ Ilaaɔ̃ takaɛ, nŋu iyi í jɛ icui laakai ku sũ, ku nya ŋɛ i jɛ titɛɛ mam mam ŋa, nɔ ku degbe hunde nŋɛ do laakai nŋɛ do ara nŋɛ, taale gɔ ku maà wa si, hee ku toò ajɔ iyi Lafɛ̃ɛ nwa Jesu Kirisi á nyi wa.

Tɛsalonika 2, 3:3

Amma Lafɛ̃ɛ ilu naanɛi. Á mu nŋɛ gbugbã nɔ ku degbe ŋɛ na irii Seetam, inɛ laalɔu.

Timɔtee 1, 1:17

Ilaaɔ̃ nŋu akãi í jɛ ilaalu hee do ajɔ fei, ci ya ku nɔ a ci ya yɔɔ do iju. Ka saabuɛ nɔ ka mà bɛɛrɛɛ hee do ajɔ fei. Ami.

Timɔtee 1, 6:16

Nŋu akãi í jɛ inɛ iyi ci ya ku. Nɔ í wa si inya kumá iyi inɛ gɔ kaa yɔkɔ ku maai si. Inɛ gɔ kù yɔɔ, nɔ inɛ gɔ kaa yɔkɔ ku yɔɔ mɔm. Nŋui í nɛ bɛɛrɛ do gbugbã iyi ci ya tã. Ami.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Timɔtee 2, 4:1

Ǹ wa n tɔɔɛi Timɔtee, i ya maa waazoa inɛ ŋa idei Ilaaɔ̃ waati kãma fei. I ya tã sɔɔlu baa bii bɛirei, à jɛ a kù jɛ. Ǹ wa n tɔɔɛi si wajui Ilaaɔ̃ do si wajui Jesu Kirisi, nŋu iyi á kiiti ilu hunde do iku ŋa. Na irii kunyiɛ wa do kunaai bommaɛi ǹ wa n dasiɛ icɛu bɛ. Na nŋu, lɛlɛ ŋa nɔ i nyisi ŋa kurara nŋa, mu nŋa gbugbã, nɔ i kɔ ŋa si cioi idei Ilaaɔ̃ do suuru nla nla.

Ebɛɛ 11:16

Amma nsɛi à waa dɛ ide iyi í sĩa í re, waatɔ ide iyi í wa lele. Na ŋɔi í ce anyɔ kù waa mu Ilaaɔ̃ a kpoo Lafɛ̃ɛ nŋa domi í ce nŋa sɔɔlui ilu gɔ.

Ebɛɛ 12:22

Amma iŋɛ, iri kutai Siɔ̃ɔi ì sɛkɛɛ si ŋa, bii ilui Ilaaɔ̃ nŋu iyi í wɛɛ í wa. Iluu, nŋui í jɛ Zeruzalɛmui lele, tengi bii amaleka ŋa à ya tɔtɔɔ nkpɔ nkpɔ do inɔ didɔ̃.

Ebɛɛ 13:21

ku mu nŋɛ gbugbã i ceò daa jiida ŋa ku ba i ce idɔɔbiɛ. Nɔ ku ce si ŋɛ mii iyi á dɔ̃aa si na saabui Jesu Kirisi. Amboe ku jɛ ti Jesu Kirisi hee do ajɔ fei. Ami.

Zaaki 2:5

Iŋɛ baakɔɔm ŋa, i gbɔ. Inɛ ŋa iyi à jɛ ilu are si andunyau ihɛ̃i Ilaaɔ̃ í cica ku ba naanɛ nŋa ku la nɔ a baò bommaɛ iyi í wãò inɛ ŋa iyi à buu.

Piɛɛ 1, 1:5

iŋɛ iyi gbugbãi Ilaaɔ̃ wa degbe do saabui naanɛ ku dasi ku ba i faaba mam mam ŋa. Faabau Ilaaɔ̃ í ce sɔɔluɛ ku nyisi ŋɛ si ajɔi ankãanyiu.

Piɛɛ 1, 5:11

Nŋui í nɛ gbugbã hee do ajɔ fei. Ami.

Piɛɛ 2, 1:11

Bɛɛbɛi aa jɔ̀ i lɔ do bɛɛrɛ ŋa si bomma hai tãi Lafɛ̃ɛ woo faaba nwa Jesu Kirisi.

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.

Zudu 1:1

Amu Zudu woo ce icɛi Jesu Kirisi, amu iyi ǹ jɛ ifɔi Zaaki, amui ǹ wa n kɔ nŋɛ tiau ihɛ̃ wa, iŋɛ iyi Ilaaɔ̃ Baaba í kpe. Í bi ŋɛ, nɔ wa degbe ŋɛ i jɛ ti Jesu Kirisi ŋa.

Samuɛli 1, 17:37

Aɔ̃ Lafɛ̃ɛ í faabam hai si cikãawɔi mɛɛmui sako laalɔ ŋa, bɛɛbɛ mɔi á faabam má hai si awɔi inɛi Filisiu bɛ. Ŋɔi Saulu í sɔ̃ɔ í ni, koo, nɔ Aɔ̃ Lafɛ̃ɛ ku sobiɛ.

Samuɛli 1, 25:39

Iyi Davidi í gbɔ ikui Nabali ŋɔi í ni, ǹ wa n saabu Aɔ̃ Lafɛ̃ɛ si na iyi í jɔ̀ í sãa Nabali laalɔ iyi í ceem do arabu iyi í bum. Ǹ wa n saabuɛ si na iyi í jɔ̀ í ganjim n ce laalɔ, nɔ í jɔ̀ inɔ kukãi Nabali í cuku si antaiɛ. Si anyiɛ ŋɔi Davidi í bɛ inɛ ŋa wa a koo a bee Abigali bii á jɛ nŋu ku soo ku jɛ aboi nŋu.