Timɔtee 2, 4:17 - Bibeli do fee

¹⁷ Do nŋu fei, Lafɛ̃ɛ í leekĩ do amu í muum gbugbã, ku ba n waazo laabaau jiidau mam mam nɔ dimi mmu ŋau fei a gbɔɔ. Nɔ ǹ fita si wahalau bɛi inɛ iyi í gbã hai si gɛlɛi muusu nla.

Timɔtee 2, 4:17 Iomraidhean Croise

Iri ku kɔ̃ 109:31

domi í ya maa leekĩi do awɔ njɛi ilu are, na ku faabaɛ hai si awɔi inɛ ŋa iyi à waa yɛ taaleɛ ŋa.

Iri ku kɔ̃ 22:21

Nya hundem hai si anui taakuba. Nya kuwɛɛm hai si aja ku nɛ gbugbã ŋau.

Mɔnda ŋa 20:2

Idɔɔkɔ̃i ilaalu í ya nɛ njoi bɛi anu kudɔ̃i muusu nla. Inɛ iyi wa dedeɛ, hundeɛ wa wɔ̀ jɔlɔi.

Mɔnda ŋa 28:15

Amanlu ilu inɔ kukã iyi í jɛ bomma si ilu are ŋa, í yɛi bɛi muusu nla iyi wa dɔ̃ anu walakɔ bɛi mɛɛmu kugaabu gɔ iyi wa sɛi si inɛ gɔ.

Ezai 41:10

Maà jɔ̀ njo ku muɛ domi ǹ wɛɛ do awɔ. Maà ti i maa cɔ ilu do zigiida domi amui ǹ jɛ Aɔ̃ Lafɛ̃ɛɛ. An jɔ̀ i nɛ gbugbã, nɔ an naa n faabaɛ. An maa n muɛi do gbugbãm iyi í ya jɔ̀ n jɛ igũ.

Ezai 41:14

Zakɔbu, awɔ iyi à waa cea bɛi kokoo, maà jɔ̀ njo ku muɛ. Izirɛli, awɔ iyi ì jɛ bɛi kokoo, ǹ wa n naa ku faabaɛ. Amu Aɔ̃ Lafɛ̃ɛ Inɛ Kumái Izirɛli, amu woo yaɛ, amui ǹ fɔ bɛɛbɛ.

Zeremi 2:30

Ǹ kpã ama nŋɛ ŋa ijui si ngbɛ. A kù ce laakai si mii iyi í ba ŋau. Do taakuba nŋɛi ì kpaò walii nŋɛ ŋa, bɛi muusu nla kugaabu.

Daniɛli 6:22

Ŋɔi Daniɛli í jɛa ilaaluu í ni, hunde sisɔ kú jɛ ti awɔ ilaalu hee do ajɔ fei.

Daniɛli 6:27

Si anyii nŋu, nɔ Dariusi í ni má, wooda iyi ǹ wa n jilɛ wee. Si bommam nɔu, inɛ fei í nɛ ku mà bɛɛrɛi Ilaaɔ̃ Lafɛ̃ɛi Daniɛlii nɔ ku ya maa jirimaɛ, domi nŋui í jɛ Ilaaɔ̃ iyi í wɛɛ nɔ á maa wɛɛi hee do ajɔ fei. A kaa ce nfei bommaɛ ajɔ kãma, nɔ gbugbãɛu á maa wɛɛi kaa nɛ kɔɔ.

Matie 10:19

Amma bii à bɔò ŋɛ bi ku kiiti, i maà ti i biti do ide iyi aa fɔ ŋa walakɔ do yaase bɛi aa fɔɔò ŋa. Bii waatiu í to, Ilaaɔ̃ á mu nŋɛ ide iyi aa fɔ ŋa.

Luku 1:1

Baakɔɔm Teofili, ilu bɛɛrɛ nla, ǹ wa n ceɛ fɔɔ. Í sĩaam si n kɔɛ tiau ihɛ̃ wa n sɔ̃ɛ dee dee mii iyi í ce si anini nwa. Inɛ ŋa iyi à yɔɔ hai sinte, nɔ à baa à jɛ woo ce icɛi ideu, aŋai à sɔ̃ wa. Iyi inɛ ŋa à gbɔɔ, inɛ nkpɔ nkpɔi í ce kookaai ku ba a kɔɔ dee dee. Nɔ í sĩaam si amu mɔ n kɔɛ wa ku ba i mà kãm kãm iyi ide ŋa iyi à kɔɛ siu ntɔi, domi ǹ wũa ideu fei hai sinteɛ.

Luku 21:15

I maà biti ŋa domi an mu nŋɛ ide do bisi iyi mbɛɛ nŋɛ ŋa kãma nŋa a kaa yɔkɔ a jã ŋɛ hee má jɛ a kɔ̀.

Woo bɛ ŋa 23:11

Idũ ajɔ nŋu Lafɛ̃ɛ í naa í sɔ̃ Pɔlu í ni, maà mɔngɔ munya. Si bɛi ì jɛɛm sɛɛda Zeruzalɛmu ihɛ̃, bɛɛbɛ mɔi aa jɛɛm sɛɛda Romu má.

Woo bɛ ŋa 9:15

Amma Lafɛ̃ɛ í sɔ̃ɔ í ni, koo, domi ǹ cica inɛɛu bɛi ku jɛ woo ce icɛm ku fɔ laabaaui irim bi dimi mmu ŋa do bi ilaalu nŋa ŋa do bi inɛi Izirɛli ŋa.

Romu 15:31

I tɔɔ Ilaaɔ̃ ku nyam hai si awɔi hai dasi Jesu naanɛ ŋa iyi à wa ilɛi Zudee, nɔ i ce kutɔɔ má ŋa ku ba woo dasi Jesu naanɛ ŋau a gba amua iyi ǹ wa n bɔò Zeruzalɛmu do awɔ minji.

Kɔrɛnti 2, 12:9

Amma í jɛɛm í ni, didɔ̃m í toɛ domi si gbugbã hai nɛɛi inɛ ŋa aa yɛ gbugbãm. Na nŋu, ǹ bi n tɔɔ fufu si gbugbã hai nɛm ku ba gbugbãi Kirisi ku wa sim.

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Timɔtee 1, 1:12

Ǹ saabu Jesu Kirisi Lafɛ̃ɛ nwa, nŋu iyi í muum gbugbã ǹ ceò icɛm. Ǹ saabuɛ si na iyi í jɔ̀ í kam ilu naanɛ nɔ í cicam si icɛɛ,

Timɔtee 2, 2:1

Na nŋu, awɔ amam, mua araɛ gbugbã si didɔ̃ iyi à nɛ do anu akã nwa iyi à ce do Jesu Kirisi.

Timɔtee 2, 2:9

Na laabaau jiidaui ǹ wa n yɛ ijuukpã hee à dĩm do sesee bɛi woo ce laalɔ. Amma idei Ilaaɔ̃ si à dĩ.

Timɔtee 2, 3:11

Ì mà bɔ̃nɛ iyi à nyisim do ijuukpã iyi í bam si ilui Antiɔsi do Ikonimu do Lisitu. Kù nɛ bɔ̃nɛ gɔ iyi n kù yɛ bɛ. Amma Lafɛ̃ɛ í nyam hai si fei ndɛɛ.

Timɔtee 2, 4:5

Amma awɔ, mu araɛ si mii fei, temua do ijuukpã, ce icɛi laabaau jiidau ku waazoɛ, nɔ i jɔ̀ icɛi idei Ilaaɔ̃ iyi ì waa ce ku kɔ̃ mam mam.

Titee 1:3

Nɔ nsɛi, si awaati iyi í jilɛu, í jɔ̀ ideɛu í fita. Ideui í daam si awɔ n waazoɛ si bɛi í jilɛɛm, nŋu iyi í jɛ Ilaaɔ̃ woo faaba nwa.

Ebɛɛ 11:33

Na naanɛ ku dasii à jɛ amanlu ŋau igũ, à ce iyi í jɛ dee dee, nɔ à ba à gba mii iyi Ilaaɔ̃ í ce nŋa kuwãɛ. À dĩ gɛlɛi muusu nla ŋa,

Piɛɛ 1, 5:8

I mu ara nŋɛ ŋa, i jɔ̀ hunde nŋɛ ku wɔ njoo, domi Seetam mbɛɛ nŋɛi, í dabii wa dɔ̃ anu bɛi muusu nla, wa dɛdɛ inɛ iyi á ŋɔ.

Piɛɛ 2, 2:9

Bɛɛbɛ mɔi Aɔ̃ Lafɛ̃ɛ í mà bɛi á ce ku faaba inɛ ŋa iyi à mà bɛɛrɛɛ si wahala. Í nɔ í mà bɛi á mu inɛ laalɔ ŋa ku wahala ŋa si ajɔi kiiti.

Samuɛli 1, 17:37

Aɔ̃ Lafɛ̃ɛ í faabam hai si cikãawɔi mɛɛmui sako laalɔ ŋa, bɛɛbɛ mɔi á faabam má hai si awɔi inɛi Filisiu bɛ. Ŋɔi Saulu í sɔ̃ɔ í ni, koo, nɔ Aɔ̃ Lafɛ̃ɛ ku sobiɛ.