Timɔtee 2, 4:16 - Bibeli do fee

¹⁶ Inɛ kãma kù nɔ kù leekĩ do amu sinteu mɔm iyi ǹ wa n kɔ̀ò aram bi ku ce kiiti, aŋa feii à jɔ̀m. Ilaaɔ̃ ku maà mu ŋa do.

Timɔtee 2, 4:16 Iomraidhean Croise

Maaku 14:50

Ŋɔi mɔcɔ ŋau fei à jɔ̀ɔ à sa.

Luku 12:11

Bii à bɔò ŋɛ ile bii à ya ce kutɔtɔɔ ŋa ku ba inɛ ngbo ŋa do ilu yiiko ŋa a kiiti ŋɛ, i maà ti i ce njo do bɛi aa ce i kɔò ara nŋɛ do ide iyi aa fɔ ŋa.

Laabaau jiida iyi Zãa í kɔ 16:32

I ce laakai ŋa. Awaati wa naa nɔ í to wa tã mɔm de, iyi inɛ ŋa aa jɔ̀ iŋɛ fei i fangaa i jɔ̀ amu akã i bɔ kpasɛ̃ ŋa. Do nŋu fei n kù jɛ amu akã, domi Baaba í wɛɛ do amu.

Woo bɛ ŋa 22:1

Í ni, iŋɛ kpaasim ŋa do baam ŋa, i gbɔ iyi ǹ nɛ ku sɔ̃ ŋɛ n kɔò aram.

Woo bɛ ŋa 25:16

Amma ǹ jɛ nŋa ǹ ni inɛi Romu ŋa a ci ya jɔ̀ a kpa inɛ bii kù jɛ à kiitiɛ. À ya muaa waatii nŋu do woo yɛ taaleɛ ŋau a fɔ ide titã gɛlɛò gɛlɛ.

Woo bɛ ŋa 7:60

Ŋɔi í cuku í gulɛ wa dɔ̃ anu hee lele wa ni, Lafɛ̃ɛ, maà mu ŋa do dulum nɔu ihɛ̃. Iyi í fɔ bɛɛbɛ í tã nɔ í ku.

Kɔrɛnti 1, 13:5

Kubi ci ya ce mii gɔ iyi kù jɛ dee dee, nɔ ci ya dɛ aranfãanii nŋu akã. Inɛ iyi í nɛ kubi idɔɛ ci ya kɔ̃ gbãa gbãa, nɔ ci ya jilɛ idei taale si idɔɛ.

Kɔrɛnti 1, 9:3

Inɛ ŋa iyi à waa wusɛm, ide iyi an jɛ nŋa wee.

Kɔrɛnti 2, 7:11

Ilaaɔ̃ í ceò inɔ kufɔ nŋɛu icɛ, nɔ i cɔ ribaɛ nsɛi ŋa. I cɔ zaka bɛi inɔ kufɔu í jɔ̀ ì ce laakai ŋa ì ce himma ì kɔ̀ò ara nŋɛ ŋa. Nɔ í jɔ̀ inɔ nŋɛ kù waa dɔ̃ wo nɔ ì waa ce njo ŋa, ì kpã woo ce laalɔu iju ŋa. Nɔ í jɔ̀ ì bi i yɛm má ŋa nɔ ì nɛ kubim ŋa. Si fei ndɛɛ ì nyisi iyi ì maaju si ideu ŋa.

Filipi 1:17

Inɛ ihɔ̃ ŋa mɔ à waa waazo idei Kirisi, kù jɛ do inɔ akã, amma do njɛ ku wãi. À tamaa bɛi aa kɔ̃ɔm si ijuukpãui si ile piisɔ̃ɔu ihɛ̃.

Filipi 1:7

Nɔ í sĩa n ce lasabu nŋɛ bɛɛbɛ, domi ǹ nɛ kubi nŋɛ si idɔm. Ntɔ ntɔ, ì ya bam icɛ ku ce ŋa ile piisɔ̃ɔ ihɛ̃ do waati iyi ǹ nɛ aram wo ǹ ya n maa n sisi laabaau jiidau ku ba ku nɛ gbugbã ku maa koo nɔ ǹ ya n maa n jabu na iriɛ.

Timɔtee 2, 1:15

Awɔ takaɛ ì mà iyi inɛi Azii ŋau fei à fũsim awɔ. Si inɔ nŋa bɛi Fizɛli do Hɛɛmɔzɛni à wa.

Timɔtee 2, 4:10

domi Demasi í jɔ̀m í bɔ Tɛsalonika si na iyi í jɔ̀ í bi andunya kaa kaa. Kɛrɛsãa, inɛ nŋu í nɛ ikpa ilɛi Galati nɔ Titee mɔ í nɛ ikpa ilɛi Dalumasi.

Timɔtee 2, 4:15

Awɔ mɔ laakaiɛ, domi í kɔ̀si ide nwa do gbugbã.

Piɛɛ 1, 3:15

Amma i jɔ̀ Kirisi ku jɛ Lafɛ̃ɛ si idɔ nŋɛ. I tã sɔɔlu waati kãma fei i jɛa inɛ ŋa iyi à waa bee yaasei kpãa ku cɔ nŋɛ.