Timɔtee 2, 3:8 - Bibeli do fee

⁸ Si bɛi Zanɛsi do Zambɛɛsi à kɔ̀si Moizi wo, bɛɛbɛ mɔi inɛ ŋau mɔ à kɔ̀si ntɔu, iri nŋa í sinda mam mam. Naanɛ ku dasi nŋa kù nɛ aranfãani kãma.

Timɔtee 2, 3:8 Iomraidhean Croise

Kufita 7:11

Amma Faraɔ̃ í kpe woo ce alisiɛ ŋa do ilu iwɔɛ ŋa, nɔ aŋa mɔ à ce dimi bɛɛbɛ do iwɔ ku ce dobu dobu nŋau.

Kufita 7:22

Amma woo ce dobu dobui Ezibiti ŋa mɔ à ce bɛɛbɛ do iwɔ nŋa ŋa. Nɔ Faraɔ̃ í lele idɔɛ nɔ kù gbɔ idei Moizi do Arɔ̃ɔ, si bɛi Aɔ̃ Lafɛ̃ɛ í fɔu.

Kufita 8:18

Amma hai ajɔ nŋu bɛ an nya ilɛi Gosɛni bii inɛm ŋa à wau ikã, nɔ leka kãma kaa wa bɛ, ku ba i mà iyi amu Aɔ̃ Lafɛ̃ɛ ǹ wa si ilɛu bɛ.

Kufita 8:7

Kpɔlɔ kelem ŋau aa jĩiɛ do kpasɛ̃ɛ ŋa, do akaweɛ ŋa, do inɛɛ ŋa. Iyi aa wa inɔ ido nlau aŋa akãi aa gbe.

Woo bɛ ŋa 15:24

À gbɔ iyi inɛ gɔ nwa ŋa à naa bi tu ŋɛ à fɔ inɔ nŋɛ nɔ à sinda laakai nŋɛ do ide nŋa ŋa. Amma awa si à dasi ŋa ideu bɛ wa.

Romu 1:28

Si bɛi a kù bi Ilaaɔ̃ ku mà, ŋɔi í jɔ̀ Ilaaɔ̃ í fũsi ŋa awɔ si lasabu laalɔ nŋa a ceò mii iyi kù jɔ amanɛ ku ce.

Romu 16:18

domi inɛ dimi bɛɛbɛ ŋa a kù waa cea Kirisi Lafɛ̃ɛ nwa icɛ, í gbe inɔi aŋa taka nŋa. Do ide didɔ̃ do idei inɛ ku lɛlɛ nŋa ŋaui à ya wa inyii itĩi inɛ ŋa iyi a ci ya ce laakai.

Efɛɛzu 4:14

Do yaase bɛɛbɛi a kaa ka jɛ bɛi amu ŋa má, hee cio ikã ikã ku maa tale wa ihɛ̃ walakɔ ihɔ̃ bɛi fufu í ya maa tale akɔi inyi bii fei. Nɔ inɛ ŋa a kaa dĩ iju nwa má hee má jɛ a wa inyii itĩ nwa do bisi laalɔ nŋa.

Timɔtee 1, 1:19

Leekĩ dim dim si naanɛ ku dasiɛ nɔ i maà ce nkãma iyi á jɔ̀ idɔɛ ku yɛ taaleɛ. Amma inɛ gɔ ŋa ngu ŋa à kɔ̀ ku gbɔ lasabu jiida iyi idɔ nŋa wa sɔ̃ ŋa nɔ à jɔ̀ naanɛ ku dasi nŋa í ce nfe.

Timɔtee 1, 4:2

Dimii kukɔsi nŋu wa naai hai bi ilu muafiti ŋa do woo sɔ ibo ŋa. Inɛ ŋau à lele idɔ nŋa hee ci ya yɛ taale nŋa má.

Timɔtee 1, 6:5

Nɔ í ya jɔ̀ irii inɛ ŋa ku sinda a kaa mà ntɔ, nɔ a maa ce kakɔɔ hai nɛ kɔɔ. À tamaa kpãai idei Ilaaɔ̃ ku too á ce ŋa ilu amani ŋai.

Timɔtee 2, 4:15

Awɔ mɔ laakaiɛ, domi í kɔ̀si ide nwa do gbugbã.

Titee 1:10

Ǹ wa n fɔ bɛɛbɛi domi inɛ nkpɔi í wa si igbɛu iyi a kù waa jirima inɛ ngbo ŋau, inɛ ŋa iyi à waa dasi inɛ ŋa iju dũdũ do ide nfe. Si inɔ nŋa Zuifu ŋa iyi à dasi Jesu naanɛu, aŋa mɔm nii à re.

Titee 1:16

À waa fɔ do gɛlɛ à ni aŋa à mà Ilaaɔ̃, amma kookoosu nŋa wa jã ŋa ide. À jɛ inɛ laalɔ do woo kɔ̀ ide ŋa, a kaa yɔkɔ a ce mii jiida kãma má.

Piɛɛ 2, 2:14

Iju nŋa fei si abo kaafe ŋai í ya wa, dulum ci ya to ŋa. À ya mu inɛ ŋa iyi a kù waa leekĩ dim dim do taa. Idɔ nŋa í nɛ dɔ̃ɔnɛi binɛ. Ilaaɔ̃ í ceekpe ŋa.

Zãa 1, 2:18

Iŋɛ amam ŋa, kɔɔi andunya í maai wa. Si bɛi ì gbɔ ŋa à ni inɛ gɔ iyi í jɛ mbɛɛi Kirisi á naa, wee nsɛi, mbɛɛi Kirisi nkpɔ í to wa. Ŋɔi í jɔ̀ à mà iyi kɔɔi andunya í maai wa.

Zãa 1, 4:1

Iŋɛ baakɔɔm ŋa, i maà ya naanɛ inɛ ŋa iyi à ya ni aŋa à nɛ Hundei Ilaaɔ̃ fei, amma i cɔ yaase nŋa mà à jɛ ti Ilaaɔ̃ ntɔ ntɔ, domi walii ilu ibo ŋa à waa kɔ̃i si andunyau ihɛ̃.

Kuyɛi Zãa 2:20

Amma mii iyi ǹ yɛ si ŋɛ wee. Ì waa temuaò abo iyi à ya kpe Zezabɛli ŋa, nŋu iyi wa kpe araɛ walii nɔ wa wa inyii itĩi woo dasi naanɛ woo ce icɛm ŋa do ikɔɛ ku ba a ya maa ce sɛ̃ɛ ku tɔtɔɔ hai nɛ yaase nɔ a ya maa ŋɔ iŋa iyi à ceaò iwɛ̃ ŋa kuwee.

Kuyɛi Zãa 2:6

Do nŋu fei, ì nɛ mii akã iyi í sĩa ŋa. Ì cé kookoosui inɛi Nikolaiti ŋa bɛi amu takam ǹ cóo.