Timɔtee 2, 3:2 - Bibeli do fee

² Amanɛ ŋa aa maa ce idei iri nŋa, lasabu nŋa fei si fiai á ya wa, aa jɛ woo tɔɔ fufu, aa nyisi iyi aŋa à jɛ ngɔgɔ, aa maa bu Ilaaɔ̃. A kaa jirima baa nŋa ŋa, aa jɛ gudulu ŋa, a kaa mà bɛɛrɛi Ilaaɔ̃.

Timɔtee 2, 3:2 Iomraidhean Croise

Iri ku kɔ̃ 10:3

Ilu inɔ kukã í ya maa tɔɔ fufui si laalɔ iyi í bi ku ce. Bii í ba í coo í ya bu Aɔ̃ Lafɛ̃ɛi nɔ ku maa yaakoɛ.

Iri ku kɔ̃ 49:6

Na mii í ce zigim á da si ajɔi wahala, waati iyi mbɛɛm ŋa à kaakom na a ceem laalɔ.

Iri ku kɔ̃ 52:1

Iriu ihɛ̃ ti inɛ ngboi woo kɔ̃ iri ŋai do Davidi.

Ezai 10:15

Dagba á yɔkɔ ku tɔɔ fufu bi inɛ iyi wa looɛ ba. Mà sii á yɔkɔ ku tɔɔ fufu si gãmɛi inɛ iyi wa looɛ. Mà golo á yɔkɔ ku cea inɛ iyi wa wuu lele bɛi í bi. Mà golo á yɔkɔ ku wu inɛ iyi wa looɛ lele ba.

Daniɛli 11:36

Mii iyi ilaaluu í bii á ce. Á so araɛ lele, á maa tɔɔ fufu si iwɛ̃ ŋau fei, nɔ á maa fɔ ide hai nɛ yaase ŋa si gãmɛi Ilaaɔ̃ nŋu iyi í jɛ irii mii fei. Mii iyi wa ce fei, á maa nɛi hee idɔɔkɔ̃i Ilaaɔ̃ koo dedeò. Waati bɛɛbɛi Ilaaɔ̃ á ce mii iyi í dasi idɔ ku ceu.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Matie 15:6

Nɔ inɛ iyi í fɔ bɛɛbɛ kaa sobi iyeò baaɛ ŋa do fia má. Bɛɛbɛi ì waa kpa idei Ilaaɔ̃ ŋa ku ba i too dedemba iyi à jɔ̀ nŋɛ.

Luku 12:15

Nɔ í sɔ̃ ŋa í ni, i ya ce laakai ŋa ntɔ ntɔ do kɔdɛɛ fei, domi amanii amanɛ si í jɛ icui kuwɛɛɛ, baa bii bɛirei amaniu í la í to.

Luku 16:14

Wee Farisi ŋa fia ku bi nŋa í caa. Iyi à gbɔ ide ŋa iyi Jesu í fɔu fei ŋɔi à waa yaakoɛ.

Luku 6:35

Amma i bi mbɛɛ nŋɛ ŋa, i ce nŋa jiida ŋa, i ya wɛ̃ nŋa nɔ i maà ya cɔ kpãai ku sã ŋa. Bii ì waa ce bɛɛbɛ ŋa, riba nŋɛ á la nɔ aa jɛ amai Ilaaɔ̃ ŋa, nŋu iyi kù nɛ saa, domi nŋu takaɛ wa nyisi amanɛ gudulu ŋa do amanɛ laalɔ ŋa didɔ̃ɛ.

Woo bɛ ŋa 5:36

Kù kpɛ mɔm titã iyi mɔkɔ gɔ í naa ihɛ̃ à ya kpoo Tedasi nɔ í ya maa so araɛ lele bɛi inɛ nla gɔ nɔ amanɛ bɛi cĩɔ mɛɛ wa tooɛ. Amma à kpaa, nɔ mɔcɔɛ ŋau fei à fangaa, nɔ à gbɛjɛ ideɛ.

Romu 11:18

Na nŋu, i maà tɔɔ fufu ŋa si amaawɔ ŋa iyi à cafeu. Bɛirei aa ce i tɔɔ fufu ŋa. I jɔ̀ i mà ŋa iyi kù jɛ iŋɛi ì waa mu icãu, icãu njɛi wa mu ŋɛ.

Kɔrɛnti 2, 5:15

Í kui na inɛ fei ku ba inɛ ŋa iyi à wɛɛ si hunde a maà wɛɛ na irii aŋa taka nŋa má, í gbe na iriɛ, nŋu iyi í kú nɔ í jĩ na iri nŋa.

Filipi 2:21

Inɛ ŋa iyi à gbe fei, lasabui idei aŋa taka nŋai à waa ce, lasabu nŋa kù wa si idei Jesu Kirisi.

Kolosee 3:5

Na nŋu, i kpa kubii mii ndii andunya iyi wa ce icɛ si ŋɛ fei. Mii ndii andunya ŋaui à jɛ sɛ̃ɛ ku tɔtɔɔ hai nɛ yaase, do daa laalɔ, do binɛ, do kubi nfe nfe, do kɔdɛɛi mii nkpɔ. Ntɔ ntɔ bii ì waa ce kɔdɛɛ, mii nkpɔi ì ya tɔɔ si agbɛi Ilaaɔ̃.

Tɛsalonika 2, 2:4

Mbɛɛi Ilaaɔ̃i wa jɛ. Á so araɛ ku re mii fei, nɔ ku kɔ̀si Ilaaɔ̃ do mii iyi inɛ ŋa à waa tɔɔ fei. Kpasɛ̃i Ilaaɔ̃ mɔm nii á koo ku buba ku maa kpe araɛ Ilaaɔ̃.

Timɔtee 1, 1:20

Si inɔ nŋai Himenee do Alesandu à wa, nɔ ǹ so ŋa ǹ daa Seetam si awɔ ku ba a mà iyi kù sĩa a maa fɔ laalɔi Ilaaɔ̃.

Timɔtee 1, 1:9

Nɔ à mà iyi a kù jilɛ wooda na inɛ dee dee ŋa. À jilɔɔi na woo donda wooda ŋa, do hai gbɔ ide ŋa, do ilu dulum ŋa, do inɛ ŋa iyi a kù mà bɛɛrɛi Ilaaɔ̃ walakɔ mii ŋa iyi à jɛ tɛɛ, do inɛ ŋa iyi à waa kpa iyeò baa nŋa ŋa, do woo kpa inɛ ŋa,

Timɔtee 1, 3:3

Nɔ ku maà jɛ woo mɔ atɛ̃ hee ku kpaa walakɔ woo bi ija, amma ku jɛ ilu suuru iyi wa dɛ laakai ku sũ, nɔ ku maà jɛ woo bi fia yaamɔ.

Timɔtee 1, 6:10

Bɛɛbɛi á ce si na iyi í jɔ̀ kubii fiai í jɛ icãi laalɔ ikã ikã baa yooma fei. Nŋui inɛ gɔ ŋa à lɔsi ku dɛ hee à yaa hai si kpãai naanɛ ku dasi, à baa à dasi ara nŋa si kpãai wahala.

Timɔtee 1, 6:4

lafɛ̃ɛ ilu faau nla nlai, kù mà nkãma. Amma wa ce bɔ̃ɔi kakɔɔ do ide ku fengee. Nɔ hai bɛi igu do ija do arabu wa naa, nɔ nŋui í ya jɔ̀ inɛ ŋa a ci ya naanɛ njɛ.

Timɔtee 2, 3:4

Aa jɛ ilu zamba ŋa, a kaa nɛ lasabu jiida, aa nɛ faau. Aa bi faayii andunya ku re Ilaaɔ̃.

Zaaki 2:8

Kukɔi idei Ilaaɔ̃ í ni, bi inɛ mmu bɛi ì bi araɛ. Ntɔ ntɔ, mii jiidai ì waa ce bii ì waa too woodai bommai Ilaaɔ̃u bɛ ŋa.

Zaaki 4:16

Amma nsɛi ì waa tɔɔ fufu ì so ara nŋɛ lele. Dimii faau bɛɛbɛ fei kù sĩa.

Zaaki 4:6

Amma Ilaaɔ̃ í ya mu nwa didɔ̃ iyi í la í re. Nɔ bɛɛbɛi kukɔi idei Ilaaɔ̃ wa fɔ í ni, Ilaaɔ̃ kù wa anyii ilu faau ŋa amma woo kaye ara ŋai wa mua didɔ̃ɛ.

Piɛɛ 1, 5:5

Bɛɛbɛ mɔi, iŋɛ awaasũ ŋa, i sũa inɛ ngboi igbɛ ŋau iri ilɛ. Iŋɛ fei i jɔ̀ ara ku kaye ku jɛ nŋɛ bɛi ibɔ iyi à ya dasi, domi kukɔi idei Ilaaɔ̃ wa fɔ í ni, Ilaaɔ̃ kù wa anyii woo tɔɔ fufu ŋa, amma wa cea woo kaye ara ŋa didɔ̃.

Piɛɛ 2, 2:10

Inɛ ŋa iyi à waa ce kubi nfe nfei ara nŋa nɔ à donda yiikoi Ilaaɔ̃, wahala nŋa á caa. Woo kɔsi cio ilu ibo ŋau à jɛ ilu faau ŋa do woo tɔɔ fufu ŋa iyi a kù waa ce njoi ilu amboei lele ŋa ku bu.

Piɛɛ 2, 2:12

Amma inɛ ŋau à ya maa bu mii iyi a kù mà. À yɛi bɛi mɛɛmui sako ŋa iyi a kù nɛ lasabu kãma, nɔ aa ce nfei bɛi mɛɛmui sako ŋau iyi à bí ku ba a mu ŋa a kpa ŋa.

Piɛɛ 2, 2:18

À waa fɔ idei fufu ku tɔɔ iyi kù nɛ iri. À waa fa inɛ gɔ ŋa do binɛ ikã ikãi mii iyi lafɛ̃ɛ ŋa à nɛ si idɔ nŋa ŋa ku ba a mu ŋa do taa. Inɛ ŋau, do wahalai à ba à gbã wa hai bi inɛ ŋa iyi à wa si kurarau.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.

Zudu 1:16

Inɛ ŋau, à ya maa gbagbai, nɔ nkãma kù wɛɛ iyi í ya sĩa nŋa si, binɛ nŋai wa cua nŋa. À ya maa tɔɔ fufui nɔ à ya maa lɛlɛ inɛ ŋai do ide didɔ̃ ku ba a ba mii ndii lafɛ̃ɛ ŋa.

Kuyɛi Zãa 13:1

Si anyii nŋu, ǹ yɛ mɛɛmu kugaabu gɔ wa fita wa hai inɔ tenku. Í nɛ ngo mɛɛwa do iri mɛɛje nɔ fulai bomma wa lesi ngo ŋau fei, nɔ si iri ŋau fei à kɔ iri laalɔ ŋa ikã ikã iyi wa bu Ilaaɔ̃.

Kuyɛi Zãa 16:11

À waa bu Ilaaɔ̃ na ara kuro do ngoli nŋa ŋa, amma à kɔ̀ ku jɔ̀ laalɔ ku ce nŋa.

Kuyɛi Zãa 16:21

Ŋɔi kutai ijĩ nla nla ŋa à waa cuku si inɛ ŋa wa. Akãɛ fei í to kiloo ciiji. Nɔ inɛ ŋa à waa bu Ilaaɔ̃ na bɔ̃nɛi kutai ijĩu, domi bɔ̃nɛu í caa.

Kuyɛi Zãa 16:9

Nɔ inya gbãa nlau í jo amanɛ ŋa, nɔ à waa bu Ilaaɔ̃, nŋu iyi í nɛ yiiko si antaii bɔ̃nɛ ŋau. Amma à kɔ̀ ku kpaasi idɔ a jirimaɛ.