Timɔtee 2, 3:13 - Bibeli do fee

¹³ Amma inɛ laalɔ ŋa do woo sɔ ibo ŋa waati kãma fei laalɔ nŋa í ya maa kɔ̃ɔsii. Si bɛi à waa dĩ ijui inɛ gɔ ŋa, bɛɛbɛ mɔi à waa dĩ ijui ara nŋa.

Timɔtee 2, 3:13 Iomraidhean Croise

Zɔɔbu 12:16

Nŋui í nɛ gbugbã do laakai. Nŋui wa mu inɛ iyi í nyɔ do inɛ iyi wa nyɔ inɛ ŋa.

Ezai 44:20

Ntɔ ntɔ lasabu nŋa fei, si ilúlu iyi kù re nkãmau bɛi í wa. Lasabu nŋa í yaa, nŋui í jɔ̀ à nyɔ. Iwɛ̃ nŋau kaa yɔkɔ ku faaba ŋa, nɔ aŋa taka nŋa a ci ya fɔ a ni iboi aŋa à waa mu si awɔ.

Ezekiɛli 8:13

Nɔ í ni má, aa yɛ laalɔ nla nla mmu gɔ ŋa iyi à waa ce má.

Kɔrɛnti 2, 6:8

À ya ka temuai bii inɛ ŋa à mà bɛɛrɛ nwa walakɔ bii à waa nya fũnɛ nwa. Bɛɛbɛ mɔi à ya ka temua bii à waa fɔ jiida nwa walakɔ bii à waa fɔ laalɔ nwa. À waa cɔ wa bɛi woo sɔ ibo ŋa baa do iyi à waa fɔ ntɔ fei.

Timɔtee 1, 4:1

Hundei Ilaaɔ̃ í fɔ dee dee í ni si awaatii ankãanyi inɛ gɔ ŋa aa jɔ̀ kpãai naanɛ ku dasi, a maa jirima idei woo dĩ ijui inɛ ŋa do kukɔsii Seetam.

Timɔtee 2, 3:8

Si bɛi Zanɛsi do Zambɛɛsi à kɔ̀si Moizi wo, bɛɛbɛ mɔi inɛ ŋau mɔ à kɔ̀si ntɔu, iri nŋa í sinda mam mam. Naanɛ ku dasi nŋa kù nɛ aranfãani kãma.

Titee 3:3

Í sĩa ka ce bɛɛbɛ domi tako wo awa mɔ à yɛi bɛi inɛ ŋa iyi à gbe. A kù nɛ yaase, a ci ya ka jirima Ilaaɔ̃, à ya ka maa ce kurara. Kɔdɛɛi andunya baa yooma fei do faayi ŋai à waa nɛò wa. À waa ce kuwɛɛ nwa do inɔ sãmi do binɛ. À jɛ inɛ laalɔ ŋa nɔ à cé njɛ.

Piɛɛ 2, 2:20

Ntɔi, inɛ ŋa iyi à jɔ̀ laalɔ ku cei andunya si na iyi í jɔ̀ à mà Lafɛ̃ɛ woo faaba nwa Jesu Kirisi, bii à nyi à jɔ̀ laalɔ ku ceu í mu ŋa má í kãmia ŋa isɛ gbeejisia, kuwɛɛi tako nŋa á tia do ti ankãanyiu.

Piɛɛ 2, 3:3

Sinte, ǹ bi i mà ŋa iyi si waatii ankãanyi inɛ gɔ ŋa aa na a maa nɛ si idɔɔbi nŋa. Nɔ aa yaako ŋɛ

Kuyɛi Zãa 12:9

Ŋɔi à nyɔ akandama nla nlau wa ilɛ. Akandamaui í jɛ njo iyi í wɛɛ hai tako. Nŋui à ya kpe woo yɛ taalei inɛ walakɔ Seetam. Nɔ nŋui í dĩ ijui inɛi andunya ŋa fei. À nyɔɔ wa ilɛ do amalekaɛ ŋa ajɔ.

Kuyɛi Zãa 13:14

Í dĩ ijui inɛi andunya ŋa do dobu dobu ŋa iyi í ce si wajui mɛɛmu sinte iyi í náa gbugbãu. Wa sɔ̃ inɛi andunya ŋa a gbe mii iyi á jɔ mɛɛmu sinte iyi à tako à mɛɛ do taakuba nɔ kù kuu.

Kuyɛi Zãa 18:23

A kaa yɛ inya kumái fitila bɛ má, a kaa nɔ a gbɔ gɛlɛi abo titɔ̃ do mɔkɔ titɔ̃. Woo nya sĩaɛ ŋai à nɛ gbugbã à re wo si andunyau ihɛ̃ fei, nɔ ì dĩ ijui inɛi andunya ŋa fei do dobu dobuɛ.