Timɔtee 2, 3:12 - Bibeli do fee

¹² Ntɔi, inɛ iyi wa bi ku ce kuwɛɛɛ dee dee si wajui Ilaaɔ̃ si anu akã iyi í ce do Jesu Kirisi kù nɛ bɛi á ce iyi kù yɛ ijuukpã.

Timɔtee 2, 3:12 Iomraidhean Croise

Matie 16:24

Si anyii nŋu Jesu í sɔ̃ mɔcɔɛ ŋa í ni, inɛ iyi wa bi ku toom, ku jɔ̀ idɔɔbiɛ nɔ ku so jĩi ku gaauɛ ku toom wa.

Matie 23:34

Na nŋu, i de itĩ i gbɔ, an bɛ nŋɛ walii ŋa wa do ilu bisi ŋa do woo mà wooda ŋa. Si inɔ nŋa aa kpa gɔgɔ ŋa, nɔ i kpakpa gɔgɔ ŋa mɔ si jĩi ku gaau, gɔgɔ ŋa mɔ nɔ i tɛ nŋa kpɔtɔɔ ile bii ì ya ce kutɔtɔɔ nŋɛ ŋa, nɔ i maa kpã ŋa iju si ilu do ilu ŋa.

Maaku 10:30

baa hai si andunyau ihɛ̃ á ba mii ŋau bɛ fei ikɔ cĩɔ. Á ba kpasɛ̃ ŋa, do igbã do ifɔ ŋa do wecĩ ŋa, do iye ŋa, do amu ŋa, do iko ŋa, nɔ si antaiɛ á ba ijuukpã mɔ má. Nɔ ala á ba kuwɛɛ iyi ci ya tã.

Laabaau jiida iyi Zãa í kɔ 16:2

Aa na a ganji ŋɛ ile bii à ya ce kutɔtɔɔ ŋa ku bɔ. Nɔ awaati wa naa iyi inɛ ŋa aa kpa inɛ gɔ nŋɛ ŋa, nɔ aa maa tamaa bɛi Ilaaɔ̃i aŋa à waa cea icɛ.

Laabaau jiida iyi Zãa í kɔ 16:33

Ide ŋau ihɛ̃ ǹ wa n sɔ̃ ŋɛi ku ba i nɛ laakai ku sũ na anu akã iyi awaɛ ŋa à nɛ. Si andunyau ihɛ̃ aa yɛ ijuukpã ŋa, amma i maà mɔngɔ temua ŋa, domi ǹ kãmia andunya tã.

Laabaau jiida iyi Zãa í kɔ 17:14

Ǹ na ŋa ideɛ, nɔ inɛi andunya ŋa à cé ŋa si na iyi í jɔ̀ a kù jɛ ti andunya, si bɛi amu mɔ n kù jɛ ti andunya.

Woo bɛ ŋa 14:22

Nɔ à mua inɛ ŋa iyi à waa too kpãai Jesuu gbugbã ku ba a leekĩ si naanɛu dim dim. Nɔ à sɔ̃ ŋa à ni, wahala nkpɔ nkpɔi aa ka yɛ ka bɛi ka lɔ si bommai Ilaaɔ̃.

Kɔrɛnti 1, 15:19

Bii na kuwɛɛu ihɛ̃ nŋu akãi à dasi Kirisi naanɛ, à jɛ ilu araare ŋa í re baa inɛ fei.

Kɔrɛnti 2, 1:12

Ide iyi í jɔ̀ à waa tɔɔ fufu wee. Idɔ nwa wa jɛ nwa sɛɛda iyi isɛɛnɛ nwa í má si wajui inɛi andunya ŋa, nɔ iyi í re mɔm nŋui í jɛ si waju nŋɛ. Kù nɔ kù jɛ do muafiti. Mii ŋau bɛ fei, hai bi Ilaaɔ̃i wa naa. Kù jɛ do bisii amanɛ ŋa, amma do didɔ̃i Ilaaɔ̃i.

Kɔrɛnti 2, 4:9

Inɛ ŋa à kpã wa iju, amma Ilaaɔ̃ kù kɔ̀si wa. À kɛkɛ wa, amma a kù kpa wa.

Timɔtee 1, 2:2

Nɔ i ya ce kutɔɔ ŋa na irii inɛ ngboi ilɛ ŋau hee do inɛi anyi nŋa ŋau fei, ku ba ka yɔkɔ ka jɛ andunya nwa do laakai ku sũ, nɔ ka ya ce kuwɛɛ jiida ku ba inɛ ŋa a mà bɛɛrɛi Ilaaɔ̃.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Timɔtee 1, 6:3

Inɛ iyi wa kɔa inɛ ŋa si cio mmu gɔ nɔ kù waa too ide ntɔi Lafɛ̃ɛ nwa Jesu Kirisi iyi á jɔ̀ ka mà bɛɛrɛi Ilaaɔ̃,

Titee 1:1

Amui Pɔlu, woo ce icɛi Ilaaɔ̃ do woo bɛi Jesu Kirisi, amui ǹ kɔ tiau wa. À bɛm nii n koo n sobi inɛ ŋa iyi Ilaaɔ̃ í cicau ku ba a dasiɛ naanɛ, nɔ a mà ntɔu si gãmɛi kpãai naanɛ ku dasi nwa.

Titee 2:12

Didɔ̃ui wa sobi wa si gãmɛi kɔdɛɛi andunya ku jɔ̀ do si kuwɛɛ iyi kù waa mà bɛɛrɛi Ilaaɔ̃. Bɛɛbɛi aa ka ce kuwɛɛ nwa si andunyau ihɛ̃ dee dee, ka màò ara nwa, nɔ ka màò bɛɛrɛi Ilaaɔ̃,

Zozue 17:14

Ŋɔi tɔkui Zozɛfu ŋau à koo à bee Zozue à ni, bɛirei í ce si ilɛu inya akãi ì na wa, nɔ wee zamaa nwa í la ntɔ ntɔ, nɔ baa nsɛi Aɔ̃ Lafɛ̃ɛ wa wee nwa.

Piɛɛ 1, 3:14

Baa bii ì waa ba ijuukpã ŋa na dee dee ku jɛ nŋɛ, i nɛ inɔ didɔ̃ ŋa. I maà ce njoi amanɛ ŋa, nɔ i maà ya biti ŋa.

Piɛɛ 2, 3:11

Na nŋu, si bɛi mii ŋau fei á ce nfe bɛɛbɛ, i jɔ̀ i mà sãa sãa ŋa zaka bɛi í sĩa isɛɛnɛ nŋɛ ku maa má nɔ i mà bɛɛrɛi Ilaaɔ̃ ŋa.

Kuyɛi Zãa 12:4

Akandamau í wɔ ikɔ akãi kukpɛ̃ mɛɛtai leleaɔ̃ ŋa í nyɔ ŋa wa si ilɛ do akpaamuɛ. Nɔ í koo í leekĩ si wajui abo iyi wa bi ku bíu, ku ba ku ŋɔ amau bii í cuku wa.

Kuyɛi Zãa 7:14

Nɔ ǹ jɛaa ǹ ni, lafɛ̃ɛm, n kù mà, awɔi aa mà. Nɔ í sɔ̃m í ni, inɛ ŋau ihɛ̃ à fita wai hai si bɔ̃nɛ nla nla. À fɔ jĩnɛ nŋa ŋa à fũuta ŋa do njɛi ama angudãu.