Timɔtee 2, 3:11 - Bibeli do fee

¹¹ Ì mà bɔ̃nɛ iyi à nyisim do ijuukpã iyi í bam si ilui Antiɔsi do Ikonimu do Lisitu. Kù nɛ bɔ̃nɛ gɔ iyi n kù yɛ bɛ. Amma Lafɛ̃ɛ í nyam hai si fei ndɛɛ.

Timɔtee 2, 3:11 Iomraidhean Croise

Kusintii Andunya 48:16

Amalekaɛ í faabam hai si laalɔ baa yooma fei. Ǹ wa n tɔɔɛ ku weea amu ŋau ihɛ̃, nɔ ku jɔ̀ a kpe ŋa do irii amu takam do ti Izaaki baam do ti Aburahamu balam, nɔ ku jɔ̀ a kpɔ a maa kɔ̃ɔsi si ilɛu.

Samuɛli 2, 22:1

Si anyii iyi Aɔ̃ Lafɛ̃ɛ í faaba Davidi hai si awɔi mbɛɛɛ ŋa fei do hai si awɔi Saulu, ŋɔi í kɔ̃aa iriu ihɛ̃.

Samuɛli 2, 22:49

Nɔ nŋui í ya nyam hai si awɔi mbɛɛm ŋau. Aɔ̃ Lafɛ̃ɛ awɔi ì ya som lele si antaii mbɛɛm ŋa. Awɔi ì ya nyam hai si awɔi ilu inɔ kukã ŋa.

Iri ku kɔ̃ 34:19

Aɔ̃ Lafɛ̃ɛ í ya wa kɔkɔi ilu inɔ kufɔ ŋa, í ya faaba inɛ ŋa iyi a kù nɛ kpãa ku cɔ ŋa.

Iri ku kɔ̃ 37:40

Aɔ̃ Lafɛ̃ɛ wa sobi ŋa nɔ wa nya ŋa hai si awɔi ilu inɔ kukã ŋa, wa faaba ŋai si na iyi í jɔ̀ bi titɛɛi à wa.

Iri ku kɔ̃ 91:14

Aɔ̃ Lafɛ̃ɛ í ni, si bɛi wa másim, an jɔ̀ ku fita si. An maa n muui si bɛi í màm.

Ezai 41:10

Maà jɔ̀ njo ku muɛ domi ǹ wɛɛ do awɔ. Maà ti i maa cɔ ilu do zigiida domi amui ǹ jɛ Aɔ̃ Lafɛ̃ɛɛ. An jɔ̀ i nɛ gbugbã, nɔ an naa n faabaɛ. An maa n muɛi do gbugbãm iyi í ya jɔ̀ n jɛ igũ.

Ezai 41:14

Zakɔbu, awɔ iyi à waa cea bɛi kokoo, maà jɔ̀ njo ku muɛ. Izirɛli, awɔ iyi ì jɛ bɛi kokoo, ǹ wa n naa ku faabaɛ. Amu Aɔ̃ Lafɛ̃ɛ Inɛ Kumái Izirɛli, amu woo yaɛ, amui ǹ fɔ bɛɛbɛ.

Ezai 43:2

Bii ì waa kua inyi, an wɛɛ do awɔ. Nɔ bii ì waa kua ido ŋa, inyi kaa nɛòɛ. Bii ì waa nɛ si ina ì waa kua, kaa joɛ nɔ amɛi inau kaa ceɛ nkãma.

Zeremi 1:19

Aa ce igũ do awɔ, amma a kaa kãmiaɛ, domi ǹ wɛɛ do awɔ ku ba n faabaɛ. Ide iyi amu Aɔ̃ Lafɛ̃ɛi ǹ fɔ mbɛ.

Daniɛli 6:27

Si anyii nŋu, nɔ Dariusi í ni má, wooda iyi ǹ wa n jilɛ wee. Si bommam nɔu, inɛ fei í nɛ ku mà bɛɛrɛi Ilaaɔ̃ Lafɛ̃ɛi Daniɛlii nɔ ku ya maa jirimaɛ, domi nŋui í jɛ Ilaaɔ̃ iyi í wɛɛ nɔ á maa wɛɛi hee do ajɔ fei. A kaa ce nfei bommaɛ ajɔ kãma, nɔ gbugbãɛu á maa wɛɛi kaa nɛ kɔɔ.

Woo bɛ ŋa 13:14

Hai Pɛɛzu bɛ Pɔlu ngu ŋa à mɔsi à bɔ Antiɔsi si ilɛi Pisidi. Iyi ajɔi kusĩmi í to ŋɔi à bɔ ile bii Zuifu ŋa à ya ce kutɔtɔɔ à buba.

Woo bɛ ŋa 13:45

Iyi Zuifu ŋau à yɛ zamaau ŋɔi à dedeò igu ku ja à waa jã ide iyi Pɔlu wa fɔu nɔ à waa buu.

Woo bɛ ŋa 14:8

Mɔkɔ gɔ í wa Lisiti, isɛɛ ŋa fei í ku nɔ bɛɛbɛi à buu do, kù dede kù nɛ baa ajɔ akã.

Woo bɛ ŋa 20:19

Ǹ ce icɛi Lafɛ̃ɛ Jesu do ara ku kaye do cikãaju ajɔ, ǹ nɔ ǹ yɛ wahala si na iyi í jɔ̀ Zuifu ŋau à leekĩ si aŋa a kpam.

Woo bɛ ŋa 23:10

Ŋɔi kakɔɔu í la ntɔ ntɔ hee njo í mu inɛ ngboi igũu jiida a maà na a ga arai Pɔlu. Nɔ í ni sooge ŋau a koo a gbã Pɔlu wa a nyiòɛ inɔ ileu.

Woo bɛ ŋa 26:17

An degbeɛ si gãmɛi inɛi Izirɛli ŋa do si gãmɛi dimi mmu ŋa nɔ ǹ wa n bɛɛ bi tu ŋa

Woo bɛ ŋa 26:22

Amma Ilaaɔ̃i í nyam hee do nnyi fei nɔ ǹ wa ihɛ̃ ǹ wa n jɛ sɛɛda si wajui amanɛ ŋa hai keeke do nla fei. N kù wa n fɔ ide gɔ bii kù jɛ iyi Moizi do walii ŋa à ni á na ku ceu baasi.

Woo bɛ ŋa 9:16

An nɔ n nyisiɛ bɛi nŋu mɔ á yɛ ijuukpã na irim.

Romu 15:31

I tɔɔ Ilaaɔ̃ ku nyam hai si awɔi hai dasi Jesu naanɛ ŋa iyi à wa ilɛi Zudee, nɔ i ce kutɔɔ má ŋa ku ba woo dasi Jesu naanɛ ŋau a gba amua iyi ǹ wa n bɔò Zeruzalɛmu do awɔ minji.

Kɔrɛnti 2, 1:5

Ntɔ ntɔ, à nɛ ikpɛ̃ nla nla si ijuukpãi Kirisi, amma bɛi ijuukpãu í la í to, bɛɛbɛ mɔi yaase bɛi Kirisi wa tũò idɔ nwa ŋau mɔ í to.

Kɔrɛnti 2, 1:7

À waa naanɛ ŋɛ ntɔ ntɔ domi à mà, si bɛi ì nɛ ikpɛ̃ si ijuukpã nwa ŋa, bɛɛbɛ mɔi Ilaaɔ̃ á tũ idɔ nŋɛ si bɛi wa tũ tu wa.

Kɔrɛnti 2, 12:10

Na ŋɔi í jɔ̀ ǹ nɛ inɔ didɔ̃ si gbugbã hai nɛm, do arabu ŋa, do inɔ kufɔ ŋa, do ijuukpã ŋa do wahala ŋa iyi í ya bam na irii Kirisi. Ǹ ya n nɛ inɔ didɔ̃ domi waati iyi amu takam n kù nɛ gbugbã, waati bɛɛbɛi Ilaaɔ̃ í ya muum gbugbã.

Timɔtee 2, 4:7

Ǹ jabu jiida, nɔ ǹ sɛi ǹ bɔ hee kɔɔ, nɔ ǹ wa n leekĩ si naanɛ ku dasi dim dim.

Piɛɛ 2, 2:9

Bɛɛbɛ mɔi Aɔ̃ Lafɛ̃ɛ í mà bɛi á ce ku faaba inɛ ŋa iyi à mà bɛɛrɛɛ si wahala. Í nɔ í mà bɛi á mu inɛ laalɔ ŋa ku wahala ŋa si ajɔi kiiti.