Timɔtee 2, 2:9 - Bibeli do fee

⁹ Na laabaau jiidaui ǹ wa n yɛ ijuukpã hee à dĩm do sesee bɛi woo ce laalɔ. Amma idei Ilaaɔ̃ si à dĩ.

Timɔtee 2, 2:9 Iomraidhean Croise

Luku 23:32

Waati iyi à waa nɛò Jesu à kooò woo ce laalɔ minji gɔ ŋa mɔ iyi aa kpa ŋa do nŋu ajɔ.

Woo bɛ ŋa 21:33

Ŋɔi inɛ ngboi igũu í bɔ bi Pɔlu í muu nɔ í ni a dũu do sesee minji. Nɔ í bee ŋa í ni, yooi. Mii í ce.

Woo bɛ ŋa 28:31

Wa waazo idei bommai Ilaaɔ̃ nɔ wa kɔ nŋa si idei Lafɛ̃ɛ Jesu Kirisi do wɔɔkɔ nɔ inɛ kãma kù ganjiɛ.

Woo bɛ ŋa 9:16

An nɔ n nyisiɛ bɛi nŋu mɔ á yɛ ijuukpã na irim.

Efɛɛzu 3:1

Na saabui iyi ihɛ̃i amu Pɔlu ǹ wa n ce kutɔɔ, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Kirisi na irii iŋɛ dimi mmu ŋa.

Filipi 1:17

Inɛ ihɔ̃ ŋa mɔ à waa waazo idei Kirisi, kù jɛ do inɔ akã, amma do njɛ ku wãi. À tamaa bɛi aa kɔ̃ɔm si ijuukpãui si ile piisɔ̃ɔu ihɛ̃.

Filipi 1:7

Nɔ í sĩa n ce lasabu nŋɛ bɛɛbɛ, domi ǹ nɛ kubi nŋɛ si idɔm. Ntɔ ntɔ, ì ya bam icɛ ku ce ŋa ile piisɔ̃ɔ ihɛ̃ do waati iyi ǹ nɛ aram wo ǹ ya n maa n sisi laabaau jiidau ku ba ku nɛ gbugbã ku maa koo nɔ ǹ ya n maa n jabu na iriɛ.

Kolosee 4:18

Fɔɔu ihɛ̃ amu takam nii ǹ kɔɔ wa. Amui Pɔlu ǹ ce ŋɛ fɔɔ. I maà gbɛjɛ iyi ǹ wa ile piisɔ̃ɔ ŋa. Nɔ didɔ̃i Ilaaɔ̃ ku wa si ŋɛ. Ami.

Kolosee 4:3

Nɔ i ce nwa kutɔɔ ŋa ku ba Ilaaɔ̃ ku fũ nwa kpãa ka waazo ideɛ, ku ba ka yɔkɔ ka sisi asiii Kirisi. Na asiiui ǹ waò piisɔ̃ɔ nsɛi.

Tɛsalonika 1, 1:8

Ntɔ ntɔ idei Lafɛ̃ɛu í fangaa hai bi tu ŋɛ, kù jɛ si Masedɔni do Gɛrɛsi nŋu akã. Amma baaui naanɛ ku dasi nŋɛ si Ilaaɔ̃ í fangaa bii fei hee a kù nɛ baa bukaatai ka fɔ ideɛ.

Tɛsalonika 2, 3:1

Iyi í gbe, iŋɛ inɛ nwa ŋa, i ce nwa kutɔɔ ŋa ku ba idei Lafɛ̃ɛu ku fangaa gbãa gbãa nɔ inɛ ŋa a mà bɛɛrɛɛ, si bɛi í ce si anini nŋɛ.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Timɔtee 2, 1:16

Ilaaɔ̃ kú ce araarei nyaanzei Onɛzifɔɔ domi í muum gbugbã isɛ fɛɛfɛlo. Kù nɔ kù ce baa anyɔi iyi ǹ wa piisɔ̃ɔ.

Timɔtee 2, 1:8

Na nŋu, maà ti i ce anyɔi sɛɛdai Lafɛ̃ɛ nwa ku jɛ, nɔ i maà ya ce anyɔi amu takam, amu iyi ǹ wa ile piisɔ̃ɔ na iriɛ. Amma jɔ̀ i jɛsi awaɛ ka yɛ ijuukpã ajɔ na irii laabaau jiidau nɔ ka maa nɛò gbugbã iyi Ilaaɔ̃ í mu nwa.

Timɔtee 2, 2:3

Ijuukpã iyi á naa siɛ bɛi amu mɔ fei, jɔ̀ i jɛsi bɛi woo jabu jiidai Jesu Kirisi.

Timɔtee 2, 4:17

Do nŋu fei, Lafɛ̃ɛ í leekĩ do amu í muum gbugbã, ku ba n waazo laabaau jiidau mam mam nɔ dimi mmu ŋau fei a gbɔɔ. Nɔ ǹ fita si wahalau bɛi inɛ iyi í gbã hai si gɛlɛi muusu nla.

Piɛɛ 1, 2:12

I jɔ̀ i nɛ daa jiida ŋa si inɔi hai dasi Jesu naanɛ ŋa, domi baa bii à waa kpe ŋɛ inɛ laalɔ ŋa, aa yɛ icɛ jiida nŋɛ nɔ a saabu Ilaaɔ̃ si ajɔ iyi á kiiti inɛ fei.

Piɛɛ 1, 2:14

hee ku koo si ilaalui ilu ŋa, inɛ ŋa iyi í bɛ wa ku ba a kpã woo ce laalɔ ŋa iju, nɔ a saabu woo ce jiida ŋa.

Piɛɛ 1, 3:16

Amma i jɛ nŋa do ide didɔ̃ do bɛɛrɛ. I jɔ̀ idɔ nŋɛ ku maa má ku ba bii à waa má ŋɛ ide si isɛɛnɛ jiida nŋɛ iyi wa naa hai bi Kirisi, anyɔ ku mu ŋa si ideu.

Piɛɛ 1, 4:15

Inɛ kãma nŋɛ ku maà jɔ̀ ku yɛ ijuukpã na inɛ ku kpa, walakɔ na ile, walakɔ na laalɔ ku ce, walakɔ na wɔbia ku gũ.