Timɔtee 2, 2:7 - Bibeli do fee

⁷ Lasabu si ide ŋa iyi ǹ wa n fɔu ihɛ̃, nɔ Lafɛ̃ɛ á sobiɛ i bɛi i gbɔò yaasei fei ndɛɛ.

Timɔtee 2, 2:7 Iomraidhean Croise

Bomma 1, 22:12

Aɔ̃ Lafɛ̃ɛ ku muɛ laakai jiida do bisi waati iyi á jɔ̀ i jɛ bomma si ilɛi Izirɛli ku ba i maa jirima woodaɛ ŋa.

Bomma 1, 29:19

Mua amam Salomɔɔ lasabu jiida iyi á yɔkɔ ku jirimaò ikɔ ŋa iyi ì jilɛ, do woodaɛ ŋa, ku ba ku ceò mii ŋau bɛ fei icɛ nɔ ku ma kpasɛ̃ iyi ǹ ce sɔɔluɛu.

Iri ku kɔ̃ 119:125

Amu woo ce icɛɛi, muum bisi ku ba n mà ideɛ ŋa.

Iri ku kɔ̃ 119:144

Woodaɛ ŋai à jɛ ntɔ nɔ aa maa wɛɛi hee do ajɔ fei. Muum bisi iyi an mà ŋaò nɔ n wɛɛ.

Iri ku kɔ̃ 119:73

Awɔɛ ŋai à cem, aŋai à muum gbugbã. Muum bisi jiida ku ba n gbɔ yaasei woodaɛ ŋa.

Iri ku kɔ̃ 64:9

Gɛlɛ nŋai í jɔ̀ à koosɛ, nɔ inɛ ŋa iyi à yɛ ŋa fei, à ya maa gbugbã irii.

Mɔnda ŋa 24:32

Iyi ǹ cɔɔ, ŋɔi ǹ wasi ku lasabu. Nɔ ǹ ba ikɔ si mii iyi ǹ yɛu.

Ezai 1:3

Kɛtɛ í ya mà lafɛ̃ɛɛ, nɔ gbankɛlɛ mɔ í ya mà lafɛ̃ɛɛ iyi í ya náa sɔnda. Amma inɛi Izirɛli ŋa a kù mà nkãma. Zamaam nɔu kù waa gbɔ yaasei nkãma.

Ezai 28:26

Yaase bɛi Aɔ̃ Lafɛ̃ɛɛ í nyisiɛ ku too si do bɛi í kɔɔ si mbɛ.

Ezai 5:12

Si jingau nŋɛ ŋa inɛ ŋa à ya cã mɔɔlɔ ŋa do kundigi ŋa do gãgã ŋa, nɔ à ya fã yee ŋa, nɔ à ya mɔ atɛ̃ ŋa hee ku kpa ŋa. Amma a ci ya mà mii iyi Aɔ̃ Lafɛ̃ɛ wa ce, nɔ a ci ya yɛ mii ŋa iyi wa ce.

Daniɛli 1:17

Ŋɔi Ilaaɔ̃ í muaa awaasũ mɛɛ ŋau kumà, nɔ í jɔ̀ à mà yaasei mii fei ku wũaa si gãmɛi tia ku kɔ do kukaɛ, nɔ í jɔ̀ à jɛ ilu laakai. Si antaii iyi bɛ ŋa, í jɔ̀ Daniɛli í mà yaasei kuyɛ ŋa do ala ŋa fei ku tusɛ.

Luku 21:15

I maà biti ŋa domi an mu nŋɛ ide do bisi iyi mbɛɛ nŋɛ ŋa kãma nŋa a kaa yɔkɔ a jã ŋɛ hee má jɛ a kɔ̀.

Luku 24:45

Ŋɔi í mu nŋa laakai jiida ku ba a gbɔ yaasei kukɔi idei Ilaaɔ̃u.

Luku 9:44

iŋɛ, i de itĩ i gbɔ ide iyi ǹ wa n sɔ̃ ŋɛu ihɛ̃ sãa sãa ŋa. Aa mu amu Amai Amanɛ a daa inɛ ŋa si awɔ.

Laabaau jiida iyi Zãa í kɔ 14:26

Amma Hundei Ilaaɔ̃, Woo mua gbugbãu, á maa kɔ ŋɛ si mii fei, nɔ ku maa ye ŋɛ gigii ide ŋa iyi ǹ tako ǹ sɔ̃ ŋɛ fei. Nŋui Baaba á bɛ nŋɛ wa do irim nɔu.

Laabaau jiida iyi Zãa í kɔ 16:13

Waati iyi Hundei ntɔ á to wa, nŋui á jɔ̀ i mà ntɔu fei ŋa. Kaa fɔ ide do yiikoi nŋu takaɛ, ide ŋa iyi í gbɔ do iyi á na ku cei á sɔ̃ ŋɛ.

Woo bɛ ŋa 7:10

ŋɔi í nyaa hai si wahalaɛ fei. Í muaa bisi nɔ í jɔ̀ í nɛ bɛɛrɛ bi Faraɔ̃ ilaalui Ezibitiu. Ŋɔi Faraɔ̃ í coo minjisiaɛ si ilɛu nɔ í jɔ̀ í jɛ inɛ ngboi kpasɛ̃ɛ má.

Kɔrɛnti 1, 12:8

Hundei Ilaaɔ̃i í ya mua inɛ gɔ ŋa amua a muaò inɛ ŋa bisi, nɔ Hunde akãui í ya mua inɛ gɔ ŋa mɔ amua a fɔ ide do kumà.

Wooda ku kɔsi 32:29

Bii à nɛ laakai baa keeke wo, aa gbɔ yaasei tengi bii ide ŋau ihɛ̃ fei wa bɔò ŋa.

Wooda ku kɔsi 4:39

Nnyi í sĩa i mà ŋa nɔ i muu si idɔ nŋɛ iyi Aɔ̃ Lafɛ̃ɛ nŋɛi í jɛ Aɔ̃ Lafɛ̃ɛi lele do ti ilɛ, nɔ inɛ mmu kãma kù wɛɛ má.

Filipi 4:8

Iyi í gbe nŋɛ, iŋɛ inɛm ŋa, i ya ce lasabu ŋa si mii iyi í sĩa, iyi Ilaaɔ̃ á saabu. Mii ŋaui í jɛ mii iyi í jɛ ntɔ fei, do mii iyi í nɛ bɛɛrɛ fei, do iyi wa too kpãa fei, do iyi í maaju fei, do iyi í dɔ̃ fei, do iyi í jɔ amanɛ ku saabu fei.

Kolosee 1:9

Na nŋu, hai waati iyi à gbɔ laabaau nŋɛ, waati kãma fei à ya ka maa ce nŋɛ kutɔɔi. À waa tɔɔ Ilaaɔ̃ ku jɔ̀ Hundeɛ ku mu nŋɛ bisi do laakai ku ba i mà idɔɔbiɛ ŋa mam mam.

Timɔtee 1, 4:15

Laakaiɛ fei ku wa si ideu ihɛ̃, nɔ i naa araɛ mam mam ku ba inɛ fei ku yɛ waju ku bɔɛ.

Timɔtee 2, 2:6

Bɛɛbɛ mɔi woo logoo iyi í ce icɛ do wahala nŋui á tako ku jɛ amaajɛɛ.

Timɔtee 2, 2:8

Ye gigii Jesu Kirisi tɔkui Davidi iyi í jĩ hai si balɛu. Ideɛi í wa si laabaau jiidau iyi ǹ wa n waazo.

Ebɛɛ 12:3

I jɔ̀ i lasabu si mii iyi Jesu í ce, si bɛi í temua do mbɛɛtɛ nlau hee í jɛsi ilu dulum ŋa à kpaa. I mu ideu ŋa ku ba i maà kua gbugbã ŋa nɔ i maà mɔngɔ munya ŋa.

Ebɛɛ 13:7

I ye gigii woo cuai tako nŋɛ ŋa, inɛ ŋa iyi à tako à sisi nŋɛ idei Ilaaɔ̃. I lasabuò aranfãani iyi kuwɛɛ nŋa í naaò wa, nɔ iŋɛ mɔ i sisi naanɛ ku dasi nŋa ŋa.

Ebɛɛ 3:1

Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.

Ebɛɛ 7:4

I cɔ zaka bɛi kulai mɔkɔu í to, nŋu iyi si waati iyi Aburahamu bala nla nwa í jɛ igũ, mii ŋa iyi í ba wa, si mɛɛwa fei í nya akã í náa.

Zaaki 1:5

Do nŋu fei bii bisi í na wa gaizia inɛ akã nŋɛ gɔ, ku tɔɔ Ilaaɔ̃, nŋu iyi í ya mua inɛ fei do inɔ akã hai nɛ kugbagba.

Zaaki 3:15

domi tengi bii igu do njɛ ku wã í wa, bɛi daa bɛɛtɛkɛ do kuce laalɔ fei í ya wa. Dimii bisi bɛɛbɛ kù waa naa hai lele. Inɛ nŋu bɛ ti andunyai, do ti idɔɔbii amanɛ, nɔ hai bi Seetam nii wa naa.

Zaaki 3:17

Amma bisi iyi wa naa hai lele, sinte titã í má. Si anyiɛ inɛ iyi í nɛ bisiu í ya bi inɛ ŋa a nɛ anu akã, í ya maa mu araɛ, nɔ í ya jirima inɛ ŋa. Í ya nɛ araarei nɔ í ya ce icɛ jiida. Ci ya na kubi ntɔ, kù nɔ kù nɛ muafiti.

Zãa 1, 5:20

À nɔ à mà iyi Amai Ilaaɔ̃ í naa, nɔ í mu nwa bisi ka mà Ilaaɔ̃ ilu ntɔu. Nɔ à wɛɛ do ilu ntɔu do saabui Amaɛ Jesu Kirisi. Jesu Kirisiui í jɛ Ilaaɔ̃ ilu ntɔ, nɔ í jɛ kuwɛɛ hai tã.